1Galatians 1

1Pali, apostull (jo nga njerëzit, as me anë të njeriut, por nëpërmjet Jezu Krishtit dhe Perëndisë Atit, që e ringjalli prej së vdekurish),Select Galatians 1:1

2dhe gjithë vëllezërit që janë me mua, kishave të Galatisë:Select Galatians 1:2

3Paçi hir e paqe nga Perëndia Ati dhe nga Zoti ynë Jezu Krishti,Select Galatians 1:3

4që e dha veten e tij për mëkatet tona, për të na shpëtuar nga kjo kohë e mbrapshtë, sipas vullnetit të Perëndisë, Atit tonë,Select Galatians 1:4

5i cili pastë lavdi në shekuj të shekujve. Amen.Select Galatians 1:5

6Çuditëm që kaluat kaq shpejt nga ai që ju thirri ju me anë të hirit të Krishtit, në një ungjill tjetër,Select Galatians 1:6

7i cili nuk është tjetër; por ka disa njerëz që ju turbullojnë dhe që duan ta shtrëmbërojnë ungjillin e Krishtit.Select Galatians 1:7

8Por, edhe sikur ne ose një engjëll i qiellit t'ju predikonte një ungjill të ndryshëm nga ai që ju kemi predikuar, qoftë i mallkuar.Select Galatians 1:8

9Ashtu si e thamë më përpara, po e them përsëri: Në qoftë se dikush ju predikon një ungjill tjetër nga ai që keni marrë, qoftë i mallkuar.Select Galatians 1:9

10Sepse unë tani vallë kërkoj të fitoj miratimin e njerëzve apo të Perëndisë? Apo kërkoj t'u pëlqej njerëzve? Sepse, po të kërkoja t'u pëlqej njerëzve, nuk do të isha shërbëtori i Krishtit.Select Galatians 1:10

11Tani, o vëllezër, po ju vë në dijeni se ungjilli që është shpallur nga unë, nuk është sipas njeriut,Select Galatians 1:11

12sepse unë nuk e kam marrë as e kam mësuar nga ndonjë njeri, por e kam marrë nëpërmjet një zbulese nga Jezu Krishti.Select Galatians 1:12

13Sepse ju keni dëgjuar për sjelljen time të atëhershme në judaizëm, si e përndiqja me egërsi të madhe kishën e Perëndisë dhe e shkatërroja.Select Galatians 1:13

14Dhe si përparoja në judaizëm më tepër se shumë bashkëkohës të kombit tim, duke qenë jashtëzakonisht i zellshëm për traditat e etërve të mi.Select Galatians 1:14

15Po, kur i pëlqeu Perëndisë, që më kishte ndarë që nga barku i nënës dhe më thirri me anë të hirit të tij,Select Galatians 1:15

16që të zbulojë në mua Birin e tij, që unë t'ua shpall midis joçifutëve, unë nuk mora menjëherë këshill nga mish dhe gjak,Select Galatians 1:16

17as nuk u ngjita në Jeruzalem tek ata që ishin apostuj përpara meje, por shkova në Arabi dhe u ktheva përsëri në Damask.Select Galatians 1:17

18Pastaj, pas tre vjetësh, u ngjita në Jeruzalem për të takuar Pjetrin dhe ndenja me të pesëmbëdhjetë ditë.Select Galatians 1:18

19Dhe nuk pashë asnjë nga apostujt e tjerë, përveç Jakobit, vëllait të Zotit.Select Galatians 1:19

20Dhe në këto që po ju shkruaj, ja, përpara Perëndisë, nuk gënjej.Select Galatians 1:20

21Pastaj shkova në krahinat e Sirisë dhe të Kilikisë.Select Galatians 1:21

22Por unë personalisht isha i panjohur nga kishat e Judesë, që janë në Krisht,Select Galatians 1:22

23po ato kishin dëgjuar vetëm: ''Ai që na persekutonte më përpara, tani po shpall atë besim që ai shkatërronte'',Select Galatians 1:23

24dhe përlëvdonin Perëndinë për shkakun tim.Select Galatians 1:24