4Matthew 4

1Atëherë Fryma e çoi Jezusin në shkretëtirë, që djalli ta tundonte.Select Matthew 4:1

2Dhe, mbasi agjëroi dyzet ditë e dyzet net, në fund e mori uria.Select Matthew 4:2

3Atëherë tunduesi, pasi iu afrua, i tha: ''Në qoftë se je Biri i Perëndisë, thuaj që këta gurë të bëhen bukë''.Select Matthew 4:3

4Por ai, duke iu përgjigjur, tha: ''Éshtë shkruar: "Njeriu nuk rron vetëm me bukë, por me çdo fjalë që del nga goja e Perëndisë"''.Select Matthew 4:4

5Atëherë djalli e çoi në qytetin e shenjtë dhe e vendosi në majë të tempullitSelect Matthew 4:5

6dhe i tha: ''Nëse je Biri i Perëndisë, hidhu poshtë, sepse është shkruar: "Ai do t'u japë urdhër engjëjve të tij për ty; edhe ata do të mbajnë mbi duart e tyre që të mos ndeshësh me këmbën tënde ndonjë gur"''.Select Matthew 4:6

7Jezusi i tha: ''Éshtë shkruar gjithashtu: "Mos e tundo Zotin, Perëndinë tënd"''.Select Matthew 4:7

8Djalli e çoi sërish mbi një mal shumë të lartë dhe i tregoi të gjitha mbretëritë e botës dhe lavdinë e tyre,Select Matthew 4:8

9dhe i tha: ''Unë do të t'i jap të gjitha këto, nëse ti bie përmbys para meje dhe më adhuron''.Select Matthew 4:9

10Atëherë Jezusi i tha: ''Shporru, Satan, sepse është shkruar: "Adhuro Zotin, Perëndinë tënde, dhe shërbeji vetëm atij"''.Select Matthew 4:10

11Atëherë djalli e la; dhe ja, u afruan engjëjt dhe i shërbenin.Select Matthew 4:11

12Jezusi, mbasi dëgjoi se Gjonin e kishin futur në burg, u tërhoq në Galile.Select Matthew 4:12

13Pastaj la Nazaretin dhe shkoi të banojë në Kapernaum, qytet bregdetar, në kufijtë të Zabulonit dhe të Neftalit,Select Matthew 4:13

14që të përmbushej ç'ishte thënë nëpërmjet profetit Isaia kur tha:Select Matthew 4:14

15''Toka e Zabulonit, toka e Neftalit, mbi bregun e detit, krahina përtej Jordanit, Galileja e paganëve,Select Matthew 4:15

16populli që dergjej në errësirë ka parë një dritë të madhe, dhe përmbi ata që dergjeshin në krahinë dhe në hijen e vdekjes, doli drita''.Select Matthew 4:16

17Që nga ajo kohë Jezusi filloi të predikojë dhe të thotë: ''Pendohuni, sepse mbretëria e qiejve është afër!''.Select Matthew 4:17

18Duke ecur gjatë bregut të detit të Galilesë, Jezusi pa dy vëllezër: Simonin, të quajtur Pjetër, dhe Andrean, të vëllanë, të cilët po hidhnin rrjetën në det, sepse ishin peshkatarë;Select Matthew 4:18

19dhe u tha atyre: ''Ndiqmëni dhe unë do t'ju bëj peshkatarë njerëzish''.Select Matthew 4:19

20Dhe ata i lanë menjëherë rrjetat dhe e ndoqën.Select Matthew 4:20

21Dhe, duke vazhduar rrugën, pa dy vëllezër të tjerë: Jakobin, birin e Zebedeut dhe Gjonin, vëllanë e tij, në barkë bashkë me Zebedeun, atin e tyre, duke ndrequr rrjetat; dhe i thirri.Select Matthew 4:21

22Dhe ata lanë menjëherë barkën dhe atin e tyre dhe i shkuan pas.Select Matthew 4:22

23Jezusi shkonte kudo nëpër Galile, duke mësuar në sinagogat e tyre, duke predikuar ungjillin e mbretërisë dhe duke shëruar çdo sëmundje dhe çdo lëngatë në popull.Select Matthew 4:23

24Dhe fama e tij u përhap në gjithë Sirinë; dhe i sillnin të gjithë të sëmurët që vuanin nga lëngata dhe dhimbje të ndryshme, të demonizuar, epileptikë dhe paralitikë; dhe ai i shëronte.Select Matthew 4:24

25Dhe një mori e madhe njerëzish i shkonte pas, nga Galileja, nga Dekapoli, nga Jeruzalemi, nga Judeja dhe nga përtej Jordanit.Select Matthew 4:25