12John 12

1Jezusi, pra, gjashtë ditë përpara Pashkës, erdhii në Betani, ku banonte Llazari, ai që kishte vdekur dhe Jezusi e kishte ringjallur prej së vdekurish.Select John 12:1

2Dhe aty i shtruan një darkë: Marta shërbente dhe Llazari ishte një nga ata që rrinin në tryezë me të.Select John 12:2

3Atëherë Maria mori një liber vaj erëkëndshëm prej nardi të pastër shumë të kushtueshëm, vajosi me të këmbët e Jezusit dhe i fshiu këmbët e tij me flokët e saj; dhe shtëpia u mbush me erën e këtij vaji.Select John 12:3

4Atëherë një nga dishepujt e tij, Juda Iskarioti, bir i Simonit, ai që do ta tradhtonte, tha:Select John 12:4

5''Pse nuk u shit ky vaj për treqind denarë dhe t'u jepej fitimi të varfërve?''.Select John 12:5

6Por ai e tha këtë, jo se kujdesej për të varfrit, por sepse ishte vjedhës dhe, duke qenë se ai e mbante qesen, mbante ç'shtinin atje brenda.Select John 12:6

7Jezusi, pra, tha: ''Lëre! Ajo e ka ruajtur për ditën e varrimit tim.Select John 12:7

8Të varfrit në fakt, i keni gjithmonë me ju, por mua nuk më keni gjithmonë''.Select John 12:8

9Ndërkaq një turmë e madhe Judenjsh mori vesh se ai ishte atje dhe erdhi jo vetëm për shkak të Jezusit, por edhe për të parë Llazarin, te cilin ai e kishte ngjallur prej së vdekurish.Select John 12:9

10Atëherë krerët e priftërinjve vendosën ta vrasin edhe Llazarin,Select John 12:10

11sepse për shkak të tij, shumë veta braktisnin Judenjtë dhe besonin në Jezusin.Select John 12:11

12Të nesërmen, një turmë e madhe që kishte ardhur në festë, kur dëgjoi se Jezusi po vinte në Jeruzalem,Select John 12:12

13mori degë palmash dhe i doli para, duke thirrur: ''Hosana! Bekuar ai që vjen në emër të Zotit, mbreti i Izraelit!''.Select John 12:13

14Dhe Jezusi gjeti një kërriç dhe hipi në të, siç është shkruar:Select John 12:14

15''Mos druaj, o bijë e Sionit; ja, mbreti yt po vjen duke kalëruar mbi një kërriç gomareje!''.Select John 12:15

16Dishepujt e tij nuk i kuptuan për momentin këto gjëra, po, kur Jezusi ishte përlëvduar, atëherë u kujtuan se këto gjëra ishin shkruar për të, dhe që i kishin bërë këto gjëra për të.Select John 12:16

17Kështu turma, që ishte me të kur ai e kishte thirrur jashtë Llazarin nga varri dhe e kishte ringjallur prej së vdekuri, jepte dëshmi për të.Select John 12:17

18Prandaj turma i doli përpara, sepse kishte dëgjuar se ai kishte bërë këtë shenjë.Select John 12:18

19Atëherë farisenjtë thanë midis tyre: ''A e shihni se s'po bëni asgjë; ja, bota shkon pas tij''.Select John 12:19

20Dhe midis atyre që ishin ngjitur për të adhuruar gjatë festës ishin edhe disa Grekë.Select John 12:20

21Ata, pra, iu afruan Filipit, që ishte nga Betsaida e Galilesë, dhe iu lutën duke thënë: ''Zot, duam të shohim Jezusin''.Select John 12:21

22Filipi shkoi e ia tha Andreas; dhe përsëri Andrea dhe Filipi ia thanë Jezusit.Select John 12:22

23Por Jezusi u përgjigj atyre duke thënë: ''Ora ka ardhur, në të cilën Biri i njeriut duhet të përlëvdohet,Select John 12:23

24Në të vërtetë, në të vërtetë po ju them: Nëse kokrra e grurit e rënë në dhe nuk vdes, ajo mbetet e vetme; por, po të vdesë, jep shumë fryt!Select John 12:24

25Kush e do jetën e vet do ta humbasë; dhe kush e urren jetën e vet në këtë botë, do ta ruajë për jetën e përjetshme.Select John 12:25

26Në qoftë se dikush më shërben, të më ndjekë; dhe ku jam unë, atje do të jetë dhe shërbëtori im; në qoftë se dikush më shërben, Ati im do ta nderojë.Select John 12:26

27Tani shpirti im është i tronditur dhe çfarë të them: O Atë, më shpëto nga kjo orë? Por për këtë unë kam ardhur në këtë orë.Select John 12:27

28O Atë, përlëvdo emrin tënd!'' Atëherë një zë erdhi nga qielli: ''E kam përlëvduar dhe do ta përlëvdoj akoma!''.Select John 12:28

29Turma, pra, që ishte e pranishme dhe e dëgjoi zërin, thoshte se qe një bubullimë. Të tjerë thoshnin: ''Një engjëll i ka folur!''.Select John 12:29

30Dhe Jezusi u përgjigj dhe tha: ''Ky zë nuk ka ardhur për mua, por për ju.Select John 12:30

31Tani është gjykimi i kësaj bote; tani do të hidhet jashtë princi i kësaj bote!Select John 12:31

32Dhe unë, kur të jem ngritur lart nga toka, do t'i tërheq të gjithë tek unë''.Select John 12:32

33Por ai i thoshte këto për të treguar nga ç'lloj vdekje duhet të vdiste.Select John 12:33

34Turma iu përgjigj: ''Ne kemi dëgjuar nga ligji se Krishti mbetet përjetë; tani si mund të thuash ti se Biri i njeriut duhet të ngrihet lart? Kush është ky Bir i njeriut?''.Select John 12:34

35Atëherë Jezusi u tha atyre: ''Drita është me ju edhe për pak kohë; ecni gjersa keni dritë, që të mos ju zërë errësira; kush ecën në errësirë nuk di se ku shkon''.Select John 12:35

36''Gjersa keni dritë, besoni në dritë, që të bëheni bij të dritës''. Këto gjëra tha Jezusi; pastaj u largua dhe u fsheh prej tyre.Select John 12:36

37Ndonëse kishte bërë shumë shenja para tyre, ata nuk besonin në të,Select John 12:37

38që të përmbushej fjala e profetit Isaia që tha: ''Zot, kush i ka besuar predikimit tonë? Dhe kujt iu shfaq krahu i Zotit?''.Select John 12:38

39Prandaj ata nuk mund të besonin, sepse Isaia gjithashtu tha:Select John 12:39

40''Ai i ka verbuar sytë e tyre dhe i ka ngurtësuar zemrat e tyre, që të mos shohin me sy dhe të mos kuptojnë me zemër, të mos kthehen dhe unë të mos i shëroj''.Select John 12:40

41Këto gjëra tha Isaia, kur e pa lavdinë e tij dhe foli për të.Select John 12:41

42Megjithatë, edhe midis krerëve, shumë besuan në të; por, për shkak të farisenjve, nuk e rrëfenin, për të mos qenë të përjashtuar nga sinagoga,Select John 12:42

43sepse donin lavdinë e njerëzve më tepër, se lavdinë e Perëndisë.Select John 12:43

44Pastaj Jezusi thirri dhe tha: ''Kush beson në mua, nuk beson në mua, por në atë që më ka dërguar.Select John 12:44

45Dhe kush më sheh mua, sheh atë që më ka dërguar.Select John 12:45

46Unë kam ardhur si drita për botën, që kushdo që beson në mua të mos mbetet në errësirë.Select John 12:46

47Dhe nëse ndokush i dëgjon fjalët e mia dhe nuk beson, unë nuk e gjykoj; sepse unë nuk kam ardhur ta gjykoj botën, por ta shpëtoj botën.Select John 12:47

48Kush më hedh poshtë dhe nuk i pranon fjalët e mia, ka kush e gjykon; fjala që kam shpallur do të jetë ajo që do ta gjykojë në ditën e fundit.Select John 12:48

49Sepse unë nuk kam folur nga vetja ime, por Ati vetë më ka dërguar dhe më ka urdhëruar ç'duhet të them e të shpall.Select John 12:49

50Dhe unë e di se urdhërimi i tij është jetë e përjetshme; gjërat, pra, që them unë, i them ashtu siç m'i ka thënë Ati''.Select John 12:50