7Song of Songs 7

1Sa të bukura janë këmbët e tua në këpucë, o bija e princit! Pjesët e rrumbullakta të ijëve të tua janë si stolira, vepër e dorës së një artisti.Select Song of Songs 7:1

2Kërthiza jote është një kupë e rrumbullakët, ku nuk mungon kurrë vera aromatike. Barku yt është një tog gruri, i rrethuar nga zambakë.Select Song of Songs 7:2

3Dy sisët e tua janë si dy kaproj të vegjel, binjake të gazelave.Select Song of Songs 7:3

4Qafa jote është si një kullë fildishi, sytë e tu janë si ato të pellgjeve të Heshbonit pranë portës së Bath-Rabimit. Hunda jote është si kulla e Libanit, që shikon në drejtim të Damaskut.Select Song of Songs 7:4

5Koka jote lartohet mbi ty si Karmeli dhe flokët e kokës sate janë purpur; një mbret u zu rob i gërshetave të tua.Select Song of Songs 7:5

6Sa e bukur je dhe sa e hijshme je, o e dashura ime, me të gjitha ëndjet që siguron!Select Song of Songs 7:6

7Shtati yt është i njëllojtë me atë të palmës dhe sisët e tua janë si vile.Select Song of Songs 7:7

8Kam thënë: "Do të ngjitem mbi palmë dhe do të kap degët e saj". Qofshin sisët e tua si vilet e rrushit, aroma e frymës sate si ajo e mollëve,Select Song of Songs 7:8

9dhe të puthurat e gojës sate si një verë e zgjedhur, që zbret ëmbël për të kënaqur dëshirën time, duke çikur shumë lehtë buzët e atij që fle.Select Song of Songs 7:9

10Unë jam e të dashurit tim dhe ai më dëshiron.Select Song of Songs 7:10

11Eja, i dashuri im, le të dalim nëpër fusha, ta kalojmë natën nëpër fshatra!Select Song of Songs 7:11

12Të çohemi shpejt në mëngjes për të shkuar në vreshtat dhe për të parë në qoftë se vreshti ka lëshuar llastarë, në se kanë çelur lulet e tij dhe në se shegët kanë lulëzuar. Aty do të jap dashurinë time.Select Song of Songs 7:12

13Madërgonat përhapin aromën e tyre dhe mbi portat tona ka fryte të zgjedhura të çdo lloji, të freskëta dhe të thata, që i kam ruajtur për ty, i dashuri im.Select Song of Songs 7:13