5Nehemiah 5

1ותהי צעקת העם ונשיהם גדולה אל אחיהם היהודיםSelect Nehemiah 5:1

2ויש אשר אמרים בנינו ובנתינו אנחנו רבים ונקחה דגן ונאכלה ונחיהSelect Nehemiah 5:2

3ויש אשר אמרים שדתינו וכרמינו ובתינו אנחנו ערבים ונקחה דגן ברעבSelect Nehemiah 5:3

4ויש אשר אמרים לוינו כסף למדת המלך שדתינו וכרמינוSelect Nehemiah 5:4

5ועתה כבשר אחינו בשרנו כבניהם בנינו והנה אנחנו כבשים את בנינו ואת בנתינו לעבדים ויש מבנתינו נכבשות ואין לאל ידנו ושדתינו וכרמינו לאחריםSelect Nehemiah 5:5

6ויחר לי מאד כאשר שמעתי את זעקתם ואת הדברים האלהSelect Nehemiah 5:6

7וימלך לבי עלי ואריבה את החרים ואת הסגנים ואמרה להם משא איש באחיו אתם נשאים (נשים) ואתן עליהם קהלה גדולהSelect Nehemiah 5:7

8ואמרה להם אנחנו קנינו את אחינו היהודים הנמכרים לגוים כדי בנו וגם אתם תמכרו את אחיכם ונמכרו לנו ויחרישו ולא מצאו דברSelect Nehemiah 5:8

9ויאמר (ואמר) לא טוב הדבר אשר אתם עשים הלוא ביראת אלהינו תלכו מחרפת הגוים אויבינוSelect Nehemiah 5:9

10וגם אני אחי ונערי נשים בהם כסף ודגן נעזבה נא את המשא הזהSelect Nehemiah 5:10

11השיבו נא להם כהיום שדתיהם כרמיהם זיתיהם—ובתיהם ומאת הכסף והדגן התירוש והיצהר אשר אתם נשים בהםSelect Nehemiah 5:11

12ויאמרו נשיב ומהם לא נבקש—כן נעשה כאשר אתה אומר ואקרא את הכהנים ואשביעם לעשות כדבר הזהSelect Nehemiah 5:12

13גם חצני נערתי ואמרה ככה ינער האלהים את כל האיש אשר לא יקים את הדבר הזה מביתו ומיגיעו וככה יהיה נעור ורק ויאמרו כל הקהל אמן ויהללו את יהוה ויעש העם כדבר הזהSelect Nehemiah 5:13

14גם מיום אשר צוה אותי להיות פחם בארץ יהודה משנת עשרים ועד שנת שלשים ושתים לארתחשסתא המלך שנים שתים עשרה—אני ואחי לחם הפחה לא אכלתיSelect Nehemiah 5:14

15והפחות הראשנים אשר לפני הכבידו על העם ויקחו מהם בלחם ויין אחר כסף שקלים ארבעים—גם נעריהם שלטו על העם ואני לא עשיתי כן מפני יראת אלהיםSelect Nehemiah 5:15

16וגם במלאכת החומה הזאת החזקתי ושדה לא קנינו וכל נערי—קבוצים שם על המלאכהSelect Nehemiah 5:16

17והיהודים והסגנים מאה וחמשים איש והבאים אלינו מן הגוים אשר סביבתינו—על שלחניSelect Nehemiah 5:17

18ואשר היה נעשה ליום אחד שור אחד צאן שש בררות וצפרים נעשו לי ובין עשרת ימים בכל יין להרבה ועם זה לחם הפחה לא בקשתי—כי כבדה העבדה על העם הזהSelect Nehemiah 5:18

19זכרה לי אלהי לטובה—כל אשר עשיתי על העם הזהSelect Nehemiah 5:19