8Nehemiah 8

1ויאספו כל העם כאיש אחד אל הרחוב אשר לפני שער המים ויאמרו לעזרא הספר—להביא את ספר תורת משה אשר צוה יהוה את ישראלSelect Nehemiah 8:1

2ויביא עזרא הכהן את התורה לפני הקהל מאיש ועד אשה וכל מבין לשמע—ביום אחד לחדש השביעיSelect Nehemiah 8:2

3ויקרא בו לפני הרחוב אשר לפני שער המים מן האור עד מחצית היום—נגד האנשים והנשים והמבינים ואזני כל העם אל ספר התורהSelect Nehemiah 8:3

4ויעמד עזרא הספר על מגדל עץ אשר עשו לדבר ויעמד אצלו מתתיה ושמע ועניה ואוריה וחלקיה ומעשיה על ימינו ומשמאלו פדיה ומישאל ומלכיה וחשם וחשבדנה—זכריה משלםSelect Nehemiah 8:4

5ויפתח עזרא הספר לעיני כל העם כי מעל כל העם היה וכפתחו עמדו כל העםSelect Nehemiah 8:5

6ויברך עזרא את יהוה האלהים הגדול ויענו כל העם אמן אמן במעל ידיהם ויקדו וישתחוו ליהוה אפים ארצהSelect Nehemiah 8:6

7וישוע ובני ושרביה ימין עקוב שבתי הודיה מעשיה קליטא עזריה יוזבד חנן פלאיה והלוים—מבינים את העם לתורה והעם על עמדםSelect Nehemiah 8:7

8ויקראו בספר בתורת האלהים מפרש ושום שכל ויבינו במקראSelect Nehemiah 8:8

9ויאמר נחמיה הוא התרשתא ועזרא הכהן הספר והלוים המבינים את העם לכל העם היום קדש הוא ליהוה אלהיכם—אל תתאבלו ואל תבכו כי בוכים כל העם כשמעם את דברי התורהSelect Nehemiah 8:9

10ויאמר להם לכו אכלו משמנים ושתו ממתקים ושלחו מנות לאין נכון לו—כי קדוש היום לאדנינו ואל תעצבו כי חדות יהוה היא מעזכםSelect Nehemiah 8:10

11והלוים מחשים לכל העם לאמר הסו—כי היום קדש ואל תעצבוSelect Nehemiah 8:11

12וילכו כל העם לאכל ולשתות ולשלח מנות ולעשות שמחה גדולה כי הבינו בדברים אשר הודיעו להםSelect Nehemiah 8:12

13וביום השני נאספו ראשי האבות לכל העם הכהנים והלוים אל עזרא הספר—ולהשכיל אל דברי התורהSelect Nehemiah 8:13

14וימצאו כתוב בתורה אשר צוה יהוה ביד משה אשר ישבו בני ישראל בסכות בחג בחדש השביעיSelect Nehemiah 8:14

15ואשר ישמיעו ויעבירו קול בכל עריהם ובירושלם לאמר—צאו ההר והביאו עלי זית ועלי עץ שמן ועלי הדס ועלי תמרים ועלי עץ עבת לעשת סכת ככתובSelect Nehemiah 8:15

16ויצאו העם ויביאו ויעשו להם סכות איש על גגו ובחצרתיהם ובחצרות בית האלהים—וברחוב שער המים וברחוב שער אפריםSelect Nehemiah 8:16

17ויעשו כל הקהל השבים מן השבי סכות וישבו בסכות—כי לא עשו מימי ישוע בן נון כן בני ישראל עד היום ההוא ותהי שמחה גדולה מאדSelect Nehemiah 8:17

18ויקרא בספר תורת האלהים יום ביום—מן היום הראשון עד היום האחרון ויעשו חג שבעת ימים וביום השמיני עצרת כמשפטSelect Nehemiah 8:18