9Nehemiah 9

1וביום עשרים וארבעה לחדש הזה נאספו בני ישראל בצום ובשקים ואדמה עליהםSelect Nehemiah 9:1

2ויבדלו זרע ישראל מכל בני נכר ויעמדו ויתודו על חטאתיהם ועונות אבתיהםSelect Nehemiah 9:2

3ויקומו על עמדם ויקראו בספר תורת יהוה אלהיהם רבעית היום ורבעית מתודים ומשתחוים ליהוה אלהיהםSelect Nehemiah 9:3

4ויקם על מעלה הלוים ישוע ובני קדמיאל שבניה בני שרביה—בני כנני ויזעקו בקול גדול אל יהוה אלהיהםSelect Nehemiah 9:4

5ויאמרו הלוים ישוע וקדמיאל בני חשבניה שרביה הודיה שבניה פתחיה קומו ברכו את יהוה אלהיכם מן העולם עד העולם ויברכו שם כבדך ומרומם על כל ברכה ותהלהSelect Nehemiah 9:5

6אתה הוא יהוה לבדך—את (אתה) עשית את השמים שמי השמים וכל צבאם הארץ וכל אשר עליה הימים וכל אשר בהם ואתה מחיה את כלם וצבא השמים לך משתחויםSelect Nehemiah 9:6

7אתה הוא יהוה האלהים אשר בחרת באברם והוצאתו מאור כשדים ושמת שמו אברהםSelect Nehemiah 9:7

8ומצאת את לבבו נאמן לפניך וכרות עמו הברית לתת את ארץ הכנעני החתי האמרי והפרזי והיבוסי והגרגשי לתת לזרעו ותקם את דבריך כי צדיק אתהSelect Nehemiah 9:8

9ותרא את עני אבתינו במצרים ואת זעקתם שמעת על ים סוףSelect Nehemiah 9:9

10ותתן אתת ומפתים בפרעה ובכל עבדיו ובכל עם ארצו—כי ידעת כי הזידו עליהם ותעש לך שם כהיום הזהSelect Nehemiah 9:10

11והים בקעת לפניהם ויעברו בתוך הים ביבשה ואת רדפיהם השלכת במצולת כמו אבן—במים עזיםSelect Nehemiah 9:11

12ובעמוד ענן הנחיתם יומם ובעמוד אש לילה להאיר להם את הדרך אשר ילכו בהSelect Nehemiah 9:12

13ועל הר סיני ירדת ודבר עמהם משמים ותתן להם משפטים ישרים ותורות אמת—חקים ומצות טוביםSelect Nehemiah 9:13

14ואת שבת קדשך הודעת להם ומצוות וחקים ותורה צוית להם ביד משה עבדךSelect Nehemiah 9:14

15ולחם משמים נתתה להם לרעבם ומים מסלע הוצאת להם לצמאם ותאמר להם לבוא לרשת את הארץ אשר נשאת את ידך לתת להםSelect Nehemiah 9:15

16והם ואבתינו הזידו ויקשו את ערפם ולא שמעו אל מצותיךSelect Nehemiah 9:16

17וימאנו לשמע ולא זכרו נפלאתיך אשר עשית עמהם ויקשו את ערפם ויתנו ראש לשוב לעבדתם במרים ואתה אלוה סליחות חנון ורחום ארך אפים ורב וחסד (חסד)—ולא עזבתםSelect Nehemiah 9:17

18אף כי עשו להם עגל מסכה ויאמרו זה אלהיך אשר העלך ממצרים ויעשו נאצות גדלותSelect Nehemiah 9:18

19ואתה ברחמיך הרבים לא עזבתם במדבר את עמוד הענן לא סר מעליהם ביומם להנחתם בהדרך ואת עמוד האש בלילה להאיר להם ואת הדרך אשר ילכו בהSelect Nehemiah 9:19

20ורוחך הטובה נתת להשכילם ומנך לא מנעת מפיהם ומים נתתה להם לצמאםSelect Nehemiah 9:20

21וארבעים שנה כלכלתם במדבר לא חסרו שלמתיהם לא בלו ורגליהם לא בצקוSelect Nehemiah 9:21

22ותתן להם ממלכות ועממים ותחלקם לפאה ויירשו את ארץ סיחון ואת ארץ מלך חשבון ואת ארץ עוג מלך הבשןSelect Nehemiah 9:22

23ובניהם הרבית כככבי השמים ותביאם אל הארץ אשר אמרת לאבתיהם לבוא לרשתSelect Nehemiah 9:23

24ויבאו הבנים ויירשו את הארץ ותכנע לפניהם את ישבי הארץ הכנענים ותתנם בידם ואת מלכיהם ואת עממי הארץ לעשות בהם כרצונםSelect Nehemiah 9:24

25וילכדו ערים בצורת ואדמה שמנה ויירשו בתים מלאים כל טוב ברות חצובים כרמים וזיתים ועץ מאכל לרב ויאכלו וישבעו וישמינו ויתעדנו בטובך הגדולSelect Nehemiah 9:25

26וימרו וימרדו בך וישלכו את תורתך אחרי גום ואת נביאיך הרגו אשר העידו בם להשיבם אליך ויעשו נאצות גדולתSelect Nehemiah 9:26

27ותתנם ביד צריהם ויצרו להם ובעת צרתם יצעקו אליך ואתה משמים תשמע וכרחמיך הרבים תתן להם מושיעים ויושיעום מיד צריהםSelect Nehemiah 9:27

28וכנוח להם—ישובו לעשות רע לפניך ותעזבם ביד איביהם וירדו בהם וישובו ויזעקוך ואתה משמים תשמע ותצילם כרחמיך רבות עתיםSelect Nehemiah 9:28

29ותעד בהם להשיבם אל תורתך והמה הזידו ולא שמעו למצותיך ובמשפטיך חטאו בם אשר יעשה אדם וחיה בהם ויתנו כתף סוררת וערפם הקשו ולא שמעוSelect Nehemiah 9:29

30ותמשך עליהם שנים רבות ותעד בם ברוחך ביד נביאיך ולא האזינו ותתנם ביד עמי הארצתSelect Nehemiah 9:30

31וברחמיך הרבים לא עשיתם כלה ולא עזבתם כי אל חנון ורחום אתהSelect Nehemiah 9:31

32ועתה אלהינו האל הגדול הגבור והנורא שומר הברית והחסד—אל ימעט לפניך את כל התלאה אשר מצאתנו למלכינו לשרינו ולכהנינו ולנביאינו ולאבתינו ולכל עמך מימי מלכי אשור עד היום הזהSelect Nehemiah 9:32

33ואתה צדיק על כל הבא עלינו כי אמת עשית ואנחנו הרשענוSelect Nehemiah 9:33

34ואת מלכינו שרינו כהנינו ואבתינו לא עשו תורתך ולא הקשיבו אל מצותיך ולעדותיך אשר העידת בהםSelect Nehemiah 9:34

35והם במלכותם ובטובך הרב אשר נתת להם ובארץ הרחבה והשמנה אשר נתת לפניהם—לא עבדוך ולא שבו ממעלליהם הרעיםSelect Nehemiah 9:35

36הנה אנחנו היום עבדים והארץ אשר נתתה לאבתינו לאכל את פריה ואת טובה—הנה אנחנו עבדים עליהSelect Nehemiah 9:36

37ותבואתה מרבה למלכים אשר נתתה עלינו—בחטאותינו ועל גויתנו משלים ובבהמתנו כרצונם ובצרה גדלה אנחנוSelect Nehemiah 9:37