11Leviticus 11

1וידבר יהוה אל משה ואל אהרן לאמר אלהםSelect Leviticus 11:1

2דברו אל בני ישראל לאמר זאת החיה אשר תאכלו מכל הבהמה אשר על הארץSelect Leviticus 11:2

3כל מפרסת פרסה ושסעת שסע פרסת מעלת גרה בבהמה—אתה תאכלוSelect Leviticus 11:3

4אך את זה לא תאכלו ממעלי הגרה וממפרסי הפרסה את הגמל כי מעלה גרה הוא ופרסה איננו מפריס—טמא הוא לכםSelect Leviticus 11:4

5ואת השפן כי מעלה גרה הוא ופרסה לא יפריס טמא הוא לכםSelect Leviticus 11:5

6ואת הארנבת כי מעלת גרה הוא ופרסה לא הפריסה טמאה הוא לכםSelect Leviticus 11:6

7ואת החזיר כי מפריס פרסה הוא ושסע שסע פרסה והוא גרה לא יגר טמא הוא לכםSelect Leviticus 11:7

8מבשרם לא תאכלו ובנבלתם לא תגעו טמאים הם לכםSelect Leviticus 11:8

9את זה תאכלו מכל אשר במים כל אשר לו סנפיר וקשקשת במים בימים ובנחלים—אתם תאכלוSelect Leviticus 11:9

10וכל אשר אין לו סנפיר וקשקשת בימים ובנחלים מכל שרץ המים ומכל נפש החיה אשר במים—שקץ הם לכםSelect Leviticus 11:10

11ושקץ יהיו לכם מבשרם לא תאכלו ואת נבלתם תשקצוSelect Leviticus 11:11

12כל אשר אין לו סנפיר וקשקשת במים—שקץ הוא לכםSelect Leviticus 11:12

13ואת אלה תשקצו מן העוף לא יאכלו שקץ הם את הנשר ואת הפרס ואת העזניהSelect Leviticus 11:13

14ואת הדאה—ואת האיה למינהSelect Leviticus 11:14

15את כל ערב למינוSelect Leviticus 11:15

16ואת בת היענה ואת התחמס ואת השחף ואת הנץ למינהוSelect Leviticus 11:16

17ואת הכוס ואת השלך ואת הינשוףSelect Leviticus 11:17

18ואת התנשמת ואת הקאת ואת הרחםSelect Leviticus 11:18

19ואת החסידה האנפה למינה ואת הדוכיפת ואת העטלףSelect Leviticus 11:19

20כל שרץ העוף ההלך על ארבע—שקץ הוא לכםSelect Leviticus 11:20

21אך את זה תאכלו מכל שרץ העוף ההלך על ארבע אשר לא (לו) כרעים ממעל לרגליו לנתר בהן על הארץSelect Leviticus 11:21

22את אלה מהם תאכלו—את הארבה למינו ואת הסלעם למינהו ואת החרגל למינהו ואת החגב למינהוSelect Leviticus 11:22

23וכל שרץ העוף אשר לו ארבע רגלים—שקץ הוא לכםSelect Leviticus 11:23

24ולאלה תטמאו כל הנגע בנבלתם יטמא עד הערבSelect Leviticus 11:24

25וכל הנשא מנבלתם—יכבס בגדיו וטמא עד הערבSelect Leviticus 11:25

26לכל הבהמה אשר הוא מפרסת פרסה ושסע איננה שסעת וגרה איננה מעלה—טמאים הם לכם כל הנגע בהם יטמאSelect Leviticus 11:26

27וכל הולך על כפיו בכל החיה ההלכת על ארבע—טמאים הם לכם כל הנגע בנבלתם יטמא עד הערבSelect Leviticus 11:27

28והנשא את נבלתם—יכבס בגדיו וטמא עד הערב טמאים המה לכםSelect Leviticus 11:28

29וזה לכם הטמא בשרץ השרץ על הארץ החלד והעכבר והצב למינהוSelect Leviticus 11:29

30והאנקה והכח והלטאה והחמט והתנשמתSelect Leviticus 11:30

31אלה הטמאים לכם בכל השרץ כל הנגע בהם במתם יטמא עד הערבSelect Leviticus 11:31

32וכל אשר יפל עליו מהם במתם יטמא מכל כלי עץ או בגד או עור או שק כל כלי אשר יעשה מלאכה בהם במים יובא וטמא עד הערב וטהרSelect Leviticus 11:32

33וכל כלי חרש—אשר יפל מהם אל תוכו כל אשר בתוכו יטמא ואתו תשברוSelect Leviticus 11:33

34מכל האכל אשר יאכל אשר יבוא עליו מים—יטמא וכל משקה אשר ישתה בכל כלי יטמאSelect Leviticus 11:34

35וכל אשר יפל מנבלתם עליו יטמא—תנור וכירים יתץ טמאים הם וטמאים יהיו לכםSelect Leviticus 11:35

36אך מעין ובור מקוה מים יהיה טהור ונגע בנבלתם יטמאSelect Leviticus 11:36

37וכי יפל מנבלתם על כל זרע זרוע אשר יזרע—טהור הואSelect Leviticus 11:37

38וכי יתן מים על זרע ונפל מנבלתם עליו—טמא הוא לכםSelect Leviticus 11:38

39וכי ימות מן הבהמה אשר היא לכם לאכלה—הנגע בנבלתה יטמא עד הערבSelect Leviticus 11:39

40והאכל מנבלתה—יכבס בגדיו וטמא עד הערב והנשא את נבלתה—יכבס בגדיו וטמא עד הערבSelect Leviticus 11:40

41וכל השרץ השרץ על הארץ—שקץ הוא לא יאכלSelect Leviticus 11:41

42כל הולך על גחון וכל הולך על ארבע עד כל מרבה רגלים לכל השרץ השרץ על הארץ—לא תאכלום כי שקץ הםSelect Leviticus 11:42

43אל תשקצו את נפשתיכם בכל השרץ השרץ ולא תטמאו בהם ונטמתם בםSelect Leviticus 11:43

44כי אני יהוה אלהיכם והתקדשתם והייתם קדשים כי קדוש אני ולא תטמאו את נפשתיכם בכל השרץ הרמש על הארץSelect Leviticus 11:44

45כי אני יהוה המעלה אתכם מארץ מצרים להית לכם לאלהים והייתם קדשים כי קדוש אניSelect Leviticus 11:45

46זאת תורת הבהמה והעוף וכל נפש החיה הרמשת במים ולכל נפש השרצת על הארץSelect Leviticus 11:46

47להבדיל בין הטמא ובין הטהר ובין החיה הנאכלת ובין החיה אשר לא תאכלSelect Leviticus 11:47