12Leviticus 12

1וידבר יהוה אל משה לאמרSelect Leviticus 12:1

2דבר אל בני ישראל לאמר אשה כי תזריע וילדה זכר—וטמאה שבעת ימים כימי נדת דותה תטמאSelect Leviticus 12:2

3וביום השמיני ימול בשר ערלתוSelect Leviticus 12:3

4ושלשים יום ושלשת ימים תשב בדמי טהרה בכל קדש לא תגע ואל המקדש לא תבא עד מלאת ימי טהרהSelect Leviticus 12:4

5ואם נקבה תלד וטמאה שבעים כנדתה וששים יום וששת ימים תשב על דמי טהרהSelect Leviticus 12:5

6ובמלאת ימי טהרה לבן או לבת תביא כבש בן שנתו לעלה ובן יונה או תר לחטאת—אל פתח אהל מועד אל הכהןSelect Leviticus 12:6

7והקריבו לפני יהוה וכפר עליה וטהרה ממקר דמיה זאת תורת הילדת לזכר או לנקבהSelect Leviticus 12:7

8ואם לא תמצא ידה די שה—ולקחה שתי תרים או שני בני יונה אחד לעלה ואחד לחטאת וכפר עליה הכהן וטהרהSelect Leviticus 12:8