14Leviticus 14

1וידבר יהוה אל משה לאמרSelect Leviticus 14:1

2זאת תהיה תורת המצרע ביום טהרתו והובא אל הכהןSelect Leviticus 14:2

3ויצא הכהן אל מחוץ למחנה וראה הכהן והנה נרפא נגע הצרעת מן הצרועSelect Leviticus 14:3

4וצוה הכהן ולקח למטהר שתי צפרים חיות טהרות ועץ ארז ושני תולעת ואזבSelect Leviticus 14:4

5וצוה הכהן ושחט את הצפור האחת—אל כלי חרש על מים חייםSelect Leviticus 14:5

6את הצפר החיה יקח אתה ואת עץ הארז ואת שני התולעת ואת האזב וטבל אותם ואת הצפר החיה בדם הצפר השחטה על המים החייםSelect Leviticus 14:6

7והזה על המטהר מן הצרעת—שבע פעמים וטהרו ושלח את הצפר החיה על פני השדהSelect Leviticus 14:7

8וכבס המטהר את בגדיו וגלח את כל שערו ורחץ במים וטהר ואחר יבוא אל המחנה וישב מחוץ לאהלו שבעת ימיםSelect Leviticus 14:8

9והיה ביום השביעי יגלח את כל שערו את ראשו ואת זקנו ואת גבת עיניו ואת כל שערו יגלח וכבס את בגדיו ורחץ את בשרו במים—וטהרSelect Leviticus 14:9

10וביום השמיני יקח שני כבשים תמימם וכבשה אחת בת שנתה תמימה ושלשה עשרנים סלת מנחה בלולה בשמן ולג אחד שמןSelect Leviticus 14:10

11והעמיד הכהן המטהר את האיש המטהר—ואתם לפני יהוה פתח אהל מועדSelect Leviticus 14:11

12ולקח הכהן את הכבש האחד והקריב אתו לאשם—ואת לג השמן והניף אתם תנופה לפני יהוהSelect Leviticus 14:12

13ושחט את הכבש במקום אשר ישחט את החטאת ואת העלה—במקום הקדש כי כחטאת האשם הוא לכהן—קדש קדשים הואSelect Leviticus 14:13

14ולקח הכהן מדם האשם ונתן הכהן על תנוך אזן המטהר הימנית ועל בהן ידו הימנית ועל בהן רגלו הימניתSelect Leviticus 14:14

15ולקח הכהן מלג השמן ויצק על כף הכהן השמאליתSelect Leviticus 14:15

16וטבל הכהן את אצבעו הימנית מן השמן אשר על כפו השמאלית והזה מן השמן באצבעו שבע פעמים לפני יהוהSelect Leviticus 14:16

17ומיתר השמן אשר על כפו יתן הכהן על תנוך אזן המטהר הימנית ועל בהן ידו הימנית ועל בהן רגלו הימנית—על דם האשםSelect Leviticus 14:17

18והנותר בשמן אשר על כף הכהן יתן על ראש המטהר וכפר עליו הכהן לפני יהוהSelect Leviticus 14:18

19ועשה הכהן את החטאת וכפר על המטהר מטמאתו ואחר ישחט את העלהSelect Leviticus 14:19

20והעלה הכהן את העלה ואת המנחה המזבחה וכפר עליו הכהן וטהרSelect Leviticus 14:20

21ואם דל הוא ואין ידו משגת—ולקח כבש אחד אשם לתנופה לכפר עליו ועשרון סלת אחד בלול בשמן למנחה—ולג שמןSelect Leviticus 14:21

22ושתי תרים או שני בני יונה אשר תשיג ידו והיה אחד חטאת והאחד עלהSelect Leviticus 14:22

23והביא אתם ביום השמיני לטהרתו—אל הכהן אל פתח אהל מועד לפני יהוהSelect Leviticus 14:23

24ולקח הכהן את כבש האשם ואת לג השמן והניף אתם הכהן תנופה לפני יהוהSelect Leviticus 14:24

25ושחט את כבש האשם ולקח הכהן מדם האשם ונתן על תנוך אזן המטהר הימנית ועל בהן ידו הימנית ועל בהן רגלו הימניתSelect Leviticus 14:25

26ומן השמן יצק הכהן על כף הכהן השמאליתSelect Leviticus 14:26

27והזה הכהן באצבעו הימנית מן השמן אשר על כפו השמאלית—שבע פעמים לפני יהוהSelect Leviticus 14:27

28ונתן הכהן מן השמן אשר על כפו על תנוך אזן המטהר הימנית ועל בהן ידו הימנית ועל בהן רגלו הימנית—על מקום דם האשםSelect Leviticus 14:28

29והנותר מן השמן אשר על כף הכהן יתן על ראש המטהר—לכפר עליו לפני יהוהSelect Leviticus 14:29

30ועשה את האחד מן התרים או מן בני היונה מאשר תשיג ידוSelect Leviticus 14:30

31את אשר תשיג ידו את האחד חטאת ואת האחד עלה—על המנחה וכפר הכהן על המטהר לפני יהוהSelect Leviticus 14:31

32זאת תורת אשר בו נגע צרעת אשר לא תשיג ידו בטהרתוSelect Leviticus 14:32

33וידבר יהוה אל משה ואל אהרן לאמרSelect Leviticus 14:33

34כי תבאו אל ארץ כנען אשר אני נתן לכם לאחזה ונתתי נגע צרעת בבית ארץ אחזתכםSelect Leviticus 14:34

35ובא אשר לו הבית והגיד לכהן לאמר כנגע נראה לי בביתSelect Leviticus 14:35

36וצוה הכהן ופנו את הבית בטרם יבא הכהן לראות את הנגע ולא יטמא כל אשר בבית ואחר כן יבא הכהן לראות את הביתSelect Leviticus 14:36

37וראה את הנגע והנה הנגע בקירת הבית שקערורת ירקרקת או אדמדמת ומראיהן שפל מן הקירSelect Leviticus 14:37

38ויצא הכהן מן הבית אל פתח הבית והסגיר את הבית שבעת ימיםSelect Leviticus 14:38

39ושב הכהן ביום השביעי וראה והנה פשה הנגע בקירת הביתSelect Leviticus 14:39

40וצוה הכהן וחלצו את האבנים אשר בהן הנגע והשליכו אתהן אל מחוץ לעיר אל מקום טמאSelect Leviticus 14:40

41ואת הבית יקצע מבית סביב ושפכו את העפר אשר הקצו אל מחוץ לעיר אל מקום טמאSelect Leviticus 14:41

42ולקחו אבנים אחרות והביאו אל תחת האבנים ועפר אחר יקח וטח את הביתSelect Leviticus 14:42

43ואם ישוב הנגע ופרח בבית אחר חלץ את האבנים ואחרי הקצות את הבית ואחרי הטוחSelect Leviticus 14:43

44ובא הכהן וראה והנה פשה הנגע בבית—צרעת ממארת הוא בבית טמא הואSelect Leviticus 14:44

45ונתץ את הבית את אבניו ואת עציו ואת כל עפר הבית והוציא אל מחוץ לעיר אל מקום טמאSelect Leviticus 14:45

46והבא אל הבית כל ימי הסגיר אתו—יטמא עד הערבSelect Leviticus 14:46

47והשכב בבית יכבס את בגדיו והאכל בבית יכבס את בגדיוSelect Leviticus 14:47

48ואם בא יבא הכהן וראה והנה לא פשה הנגע בבית אחרי הטח את הבית—וטהר הכהן את הבית כי נרפא הנגעSelect Leviticus 14:48

49ולקח לחטא את הבית שתי צפרים ועץ ארז ושני תולעת ואזבSelect Leviticus 14:49

50ושחט את הצפר האחת אל כלי חרש על מים חייםSelect Leviticus 14:50

51ולקח את עץ הארז ואת האזב ואת שני התולעת ואת הצפר החיה וטבל אתם בדם הצפר השחוטה ובמים החיים והזה אל הבית שבע פעמיםSelect Leviticus 14:51

52וחטא את הבית—בדם הצפור ובמים החיים ובצפר החיה ובעץ הארז ובאזב—ובשני התולעתSelect Leviticus 14:52

53ושלח את הצפר החיה אל מחוץ לעיר—אל פני השדה וכפר על הבית וטהרSelect Leviticus 14:53

54זאת התורה לכל נגע הצרעת ולנתקSelect Leviticus 14:54

55ולצרעת הבגד ולביתSelect Leviticus 14:55

56ולשאת ולספחת ולבהרתSelect Leviticus 14:56

57להורת ביום הטמא וביום הטהר זאת תורת הצרעתSelect Leviticus 14:57