16Leviticus 16

1וידבר יהוה אל משה אחרי מות שני בני אהרן—בקרבתם לפני יהוה וימתוSelect Leviticus 16:1

2ויאמר יהוה אל משה דבר אל אהרן אחיך ואל יבא בכל עת אל הקדש מבית לפרכת—אל פני הכפרת אשר על הארן ולא ימות כי בענן אראה על הכפרתSelect Leviticus 16:2

3בזאת יבא אהרן אל הקדש בפר בן בקר לחטאת ואיל לעלהSelect Leviticus 16:3

4כתנת בד קדש ילבש ומכנסי בד יהיו על בשרו ובאבנט בד יחגר ובמצנפת בד יצנף בגדי קדש הם ורחץ במים את בשרו ולבשםSelect Leviticus 16:4

5ומאת עדת בני ישראל יקח שני שעירי עזים לחטאת ואיל אחד לעלהSelect Leviticus 16:5

6והקריב אהרן את פר החטאת אשר לו וכפר בעדו ובעד ביתוSelect Leviticus 16:6

7ולקח את שני השעירם והעמיד אתם לפני יהוה פתח אהל מועדSelect Leviticus 16:7

8ונתן אהרן על שני השעירם גרלות—גורל אחד ליהוה וגורל אחד לעזאזלSelect Leviticus 16:8

9והקריב אהרן את השעיר אשר עלה עליו הגורל ליהוה ועשהו חטאתSelect Leviticus 16:9

10והשעיר אשר עלה עליו הגורל לעזאזל יעמד חי לפני יהוה לכפר עליו—לשלח אתו לעזאזל המדברהSelect Leviticus 16:10

11והקריב אהרן את פר החטאת אשר לו וכפר בעדו ובעד ביתו ושחט את פר החטאת אשר לוSelect Leviticus 16:11

12ולקח מלא המחתה גחלי אש מעל המזבח מלפני יהוה ומלא חפניו קטרת סמים דקה והביא מבית לפרכתSelect Leviticus 16:12

13ונתן את הקטרת על האש לפני יהוה וכסה ענן הקטרת את הכפרת אשר על העדות—ולא ימותSelect Leviticus 16:13

14ולקח מדם הפר והזה באצבעו על פני הכפרת קדמה ולפני הכפרת יזה שבע פעמים מן הדם—באצבעוSelect Leviticus 16:14

15ושחט את שעיר החטאת אשר לעם והביא את דמו אל מבית לפרכת ועשה את דמו כאשר עשה לדם הפר והזה אתו על הכפרת ולפני הכפרתSelect Leviticus 16:15

16וכפר על הקדש מטמאת בני ישראל ומפשעיהם לכל חטאתם וכן יעשה לאהל מועד השכן אתם בתוך טמאתםSelect Leviticus 16:16

17וכל אדם לא יהיה באהל מועד בבאו לכפר בקדש—עד צאתו וכפר בעדו ובעד ביתו ובעד כל קהל ישראלSelect Leviticus 16:17

18ויצא אל המזבח אשר לפני יהוה—וכפר עליו ולקח מדם הפר ומדם השעיר ונתן על קרנות המזבח סביבSelect Leviticus 16:18

19והזה עליו מן הדם באצבעו שבע פעמים וטהרו וקדשו מטמאת בני ישראלSelect Leviticus 16:19

20וכלה מכפר את הקדש ואת אהל מועד ואת המזבח והקריב את השעיר החיSelect Leviticus 16:20

21וסמך אהרן את שתי ידו על ראש השעיר החי והתודה עליו את כל עונת בני ישראל ואת כל פשעיהם לכל חטאתם ונתן אתם על ראש השעיר ושלח ביד איש עתי המדברהSelect Leviticus 16:21

22ונשא השעיר עליו את כל עונתם אל ארץ גזרה ושלח את השעיר במדברSelect Leviticus 16:22

23ובא אהרן אל אהל מועד ופשט את בגדי הבד אשר לבש בבאו אל הקדש והניחם שםSelect Leviticus 16:23

24ורחץ את בשרו במים במקום קדוש ולבש את בגדיו ויצא ועשה את עלתו ואת עלת העם וכפר בעדו ובעד העםSelect Leviticus 16:24

25ואת חלב החטאת יקטיר המזבחהSelect Leviticus 16:25

26והמשלח את השעיר לעזאזל—יכבס בגדיו ורחץ את בשרו במים ואחרי כן יבוא אל המחנהSelect Leviticus 16:26

27ואת פר החטאת ואת שעיר החטאת אשר הובא את דמם לכפר בקדש—יוציא אל מחוץ למחנה ושרפו באש את ערתם ואת בשרם ואת פרשםSelect Leviticus 16:27

28והשרף אתם—יכבס בגדיו ורחץ את בשרו במים ואחרי כן יבוא אל המחנהSelect Leviticus 16:28

29והיתה לכם לחקת עולם בחדש השביעי בעשור לחדש תענו את נפשתיכם וכל מלאכה לא תעשו—האזרח והגר הגר בתוככםSelect Leviticus 16:29

30כי ביום הזה יכפר עליכם לטהר אתכם מכל חטאתיכם לפני יהוה תטהרוSelect Leviticus 16:30

31שבת שבתון היא לכם ועניתם את נפשתיכם—חקת עולםSelect Leviticus 16:31

32וכפר הכהן אשר ימשח אתו ואשר ימלא את ידו לכהן תחת אביו ולבש את בגדי הבד בגדי הקדשSelect Leviticus 16:32

33וכפר את מקדש הקדש ואת אהל מועד ואת המזבח יכפר ועל הכהנים ועל כל עם הקהל יכפרSelect Leviticus 16:33

34והיתה זאת לכם לחקת עולם לכפר על בני ישראל מכל חטאתם—אחת בשנה ויעש כאשר צוה יהוה את משהSelect Leviticus 16:34