20Leviticus 20

1וידבר יהוה אל משה לאמרSelect Leviticus 20:1

2ואל בני ישראל תאמר איש איש מבני ישראל ומן הגר הגר בישראל אשר יתן מזרעו למלך מות יומת עם הארץ ירגמהו באבןSelect Leviticus 20:2

3ואני אתן את פני באיש ההוא והכרתי אתו מקרב עמו כי מזרעו נתן למלך—למען טמא את מקדשי ולחלל את שם קדשיSelect Leviticus 20:3

4ואם העלם יעלימו עם הארץ את עיניהם מן האיש ההוא בתתו מזרעו למלך—לבלתי המית אתוSelect Leviticus 20:4

5ושמתי אני את פני באיש ההוא ובמשפחתו והכרתי אתו ואת כל הזנים אחריו לזנות אחרי המלך—מקרב עמםSelect Leviticus 20:5

6והנפש אשר תפנה אל האבת ואל הידענים לזנת אחריהם—ונתתי את פני בנפש ההוא והכרתי אתו מקרב עמוSelect Leviticus 20:6

7והתקדשתם—והייתם קדשים כי אני יהוה אלהיכםSelect Leviticus 20:7

8ושמרתם את חקתי ועשיתם אתם אני יהוה מקדשכםSelect Leviticus 20:8

9כי איש איש אשר יקלל את אביו ואת אמו—מות יומת אביו ואמו קלל דמיו בוSelect Leviticus 20:9

10ואיש אשר ינאף את אשת איש אשר ינאף את אשת רעהו—מות יומת הנאף והנאפתSelect Leviticus 20:10

11ואיש אשר ישכב את אשת אביו—ערות אביו גלה מות יומתו שניהם דמיהם בםSelect Leviticus 20:11

12ואיש אשר ישכב את כלתו—מות יומתו שניהם תבל עשו דמיהם בםSelect Leviticus 20:12

13ואיש אשר ישכב את זכר משכבי אשה—תועבה עשו שניהם מות יומתו דמיהם בםSelect Leviticus 20:13

14ואיש אשר יקח את אשה ואת אמה—זמה הוא באש ישרפו אתו ואתהן ולא תהיה זמה בתוככםSelect Leviticus 20:14

15ואיש אשר יתן שכבתו בבהמה—מות יומת ואת הבהמה תהרגוSelect Leviticus 20:15

16ואשה אשר תקרב אל כל בהמה לרבעה אתה—והרגת את האשה ואת הבהמה מות יומתו דמיהם בםSelect Leviticus 20:16

17ואיש אשר יקח את אחתו בת אביו או בת אמו וראה את ערותה והיא תראה את ערותו חסד הוא—ונכרתו לעיני בני עמם ערות אחתו גלה עונו ישאSelect Leviticus 20:17

18ואיש אשר ישכב את אשה דוה וגלה את ערותה את מקרה הערה והוא גלתה את מקור דמיה—ונכרתו שניהם מקרב עמםSelect Leviticus 20:18

19וערות אחות אמך ואחות אביך לא תגלה כי את שארו הערה עונם ישאוSelect Leviticus 20:19

20ואיש אשר ישכב את דדתו—ערות דדו גלה חטאם ישאו ערירים ימתוSelect Leviticus 20:20

21ואיש אשר יקח את אשת אחיו—נדה הוא ערות אחיו גלה ערירים יהיוSelect Leviticus 20:21

22ושמרתם את כל חקתי ואת כל משפטי ועשיתם אתם ולא תקיא אתכם הארץ אשר אני מביא אתכם שמה לשבת בהSelect Leviticus 20:22

23ולא תלכו בחקת הגוי אשר אני משלח מפניכם כי את כל אלה עשו ואקץ בםSelect Leviticus 20:23

24ואמר לכם אתם תירשו את אדמתם ואני אתננה לכם לרשת אתה ארץ זבת חלב ודבש אני יהוה אלהיכם אשר הבדלתי אתכם מן העמיםSelect Leviticus 20:24

25והבדלתם בין הבהמה הטהרה לטמאה ובין העוף הטמא לטהר ולא תשקצו את נפשתיכם בבהמה ובעוף ובכל אשר תרמש האדמה אשר הבדלתי לכם לטמאSelect Leviticus 20:25

26והייתם לי קדשים כי קדוש אני יהוה ואבדל אתכם מן העמים להיות ליSelect Leviticus 20:26

27ואיש או אשה כי יהיה בהם אוב או ידעני—מות יומתו באבן ירגמו אתם דמיהם בםSelect Leviticus 20:27