22Leviticus 22

1וידבר יהוה אל משה לאמרSelect Leviticus 22:1

2דבר אל אהרן ואל בניו וינזרו מקדשי בני ישראל ולא יחללו את שם קדשי—אשר הם מקדשים לי אני יהוהSelect Leviticus 22:2

3אמר אלהם לדרתיכם כל איש אשר יקרב מכל זרעכם אל הקדשים אשר יקדישו בני ישראל ליהוה וטמאתו עליו ונכרתה הנפש ההוא מלפני—אני יהוהSelect Leviticus 22:3

4איש איש מזרע אהרן והוא צרוע או זב—בקדשים לא יאכל עד אשר יטהר והנגע בכל טמא נפש או איש אשר תצא ממנו שכבת זרעSelect Leviticus 22:4

5או איש אשר יגע בכל שרץ אשר יטמא לו או באדם אשר יטמא לו לכל טמאתוSelect Leviticus 22:5

6נפש אשר תגע בו וטמאה עד הערב ולא יאכל מן הקדשים כי אם רחץ בשרו במיםSelect Leviticus 22:6

7ובא השמש וטהר ואחר יאכל מן הקדשים כי לחמו הואSelect Leviticus 22:7

8נבלה וטרפה לא יאכל לטמאה בה אני יהוהSelect Leviticus 22:8

9ושמרו את משמרתי ולא ישאו עליו חטא ומתו בו כי יחללהו אני יהוה מקדשםSelect Leviticus 22:9

10וכל זר לא יאכל קדש תושב כהן ושכיר לא יאכל קדשSelect Leviticus 22:10

11וכהן כי יקנה נפש קנין כספו—הוא יאכל בו ויליד ביתו הם יאכלו בלחמוSelect Leviticus 22:11

12ובת כהן—כי תהיה לאיש זר הוא בתרומת הקדשים לא תאכלSelect Leviticus 22:12

13ובת כהן כי תהיה אלמנה וגרושה וזרע אין לה—ושבה אל בית אביה כנעוריה מלחם אביה תאכל וכל זר לא יאכל בוSelect Leviticus 22:13

14ואיש כי יאכל קדש בשגגה—ויסף חמשיתו עליו ונתן לכהן את הקדשSelect Leviticus 22:14

15ולא יחללו את קדשי בני ישראל—את אשר ירימו ליהוהSelect Leviticus 22:15

16והשיאו אותם עון אשמה באכלם את קדשיהם כי אני יהוה מקדשםSelect Leviticus 22:16

17וידבר יהוה אל משה לאמרSelect Leviticus 22:17

18דבר אל אהרן ואל בניו ואל כל בני ישראל ואמרת אלהם איש איש מבית ישראל ומן הגר בישראל אשר יקריב קרבנו לכל נדריהם ולכל נדבותם אשר יקריבו ליהוה לעלהSelect Leviticus 22:18

19לרצנכם תמים זכר—בבקר בכשבים ובעזיםSelect Leviticus 22:19

20כל אשר בו מום לא תקריבו כי לא לרצון יהיה לכםSelect Leviticus 22:20

21ואיש כי יקריב זבח שלמים ליהוה לפלא נדר או לנדבה בבקר או בצאן—תמים יהיה לרצון כל מום לא יהיה בוSelect Leviticus 22:21

22עורת או שבור או חרוץ או יבלת או גרב או ילפת—לא תקריבו אלה ליהוה ואשה לא תתנו מהם על המזבח—ליהוהSelect Leviticus 22:22

23ושור ושה שרוע וקלוט—נדבה תעשה אתו ולנדר לא ירצהSelect Leviticus 22:23

24ומעוך וכתות ונתוק וכרות לא תקריבו ליהוה ובארצכם לא תעשוSelect Leviticus 22:24

25ומיד בן נכר לא תקריבו את לחם אלהיכם—מכל אלה כי משחתם בהם מום בם לא ירצו לכםSelect Leviticus 22:25

26וידבר יהוה אל משה לאמרSelect Leviticus 22:26

27שור או כשב או עז כי יולד והיה שבעת ימים תחת אמו ומיום השמיני והלאה ירצה לקרבן אשה ליהוהSelect Leviticus 22:27

28ושור או שה—אתו ואת בנו לא תשחטו ביום אחדSelect Leviticus 22:28

29וכי תזבחו זבח תודה ליהוה—לרצנכם תזבחוSelect Leviticus 22:29

30ביום ההוא יאכל לא תותירו ממנו עד בקר אני יהוהSelect Leviticus 22:30

31ושמרתם מצותי ועשיתם אתם אני יהוהSelect Leviticus 22:31

32ולא תחללו את שם קדשי ונקדשתי בתוך בני ישראל אני יהוה מקדשכםSelect Leviticus 22:32

33המוציא אתכם מארץ מצרים להיות לכם לאלהים אני יהוהSelect Leviticus 22:33