23Leviticus 23

1וידבר יהוה אל משה לאמרSelect Leviticus 23:1

2דבר אל בני ישראל ואמרת אלהם מועדי יהוה אשר תקראו אתם מקראי קדש—אלה הם מועדיSelect Leviticus 23:2

3ששת ימים תעשה מלאכה וביום השביעי שבת שבתון מקרא קדש כל מלאכה לא תעשו שבת הוא ליהוה בכל מושבתיכםSelect Leviticus 23:3

4אלה מועדי יהוה מקראי קדש אשר תקראו אתם במועדםSelect Leviticus 23:4

5בחדש הראשון בארבעה עשר לחדש—בין הערבים פסח ליהוהSelect Leviticus 23:5

6ובחמשה עשר יום לחדש הזה חג המצות ליהוה שבעת ימים מצות תאכלוSelect Leviticus 23:6

7ביום הראשון מקרא קדש יהיה לכם כל מלאכת עבדה לא תעשוSelect Leviticus 23:7

8והקרבתם אשה ליהוה שבעת ימים ביום השביעי מקרא קדש כל מלאכת עבדה לא תעשוSelect Leviticus 23:8

9וידבר יהוה אל משה לאמרSelect Leviticus 23:9

10דבר אל בני ישראל ואמרת אלהם כי תבאו אל הארץ אשר אני נתן לכם וקצרתם את קצירה—והבאתם את עמר ראשית קצירכם אל הכהןSelect Leviticus 23:10

11והניף את העמר לפני יהוה לרצנכם ממחרת השבת יניפנו הכהןSelect Leviticus 23:11

12ועשיתם ביום הניפכם את העמר כבש תמים בן שנתו לעלה ליהוהSelect Leviticus 23:12

13ומנחתו שני עשרנים סלת בלולה בשמן אשה ליהוה—ריח ניחח ונסכה יין רביעת ההיןSelect Leviticus 23:13

14ולחם וקלי וכרמל לא תאכלו עד עצם היום הזה—עד הביאכם את קרבן אלהיכם חקת עולם לדרתיכם בכל משבתיכםSelect Leviticus 23:14

15וספרתם לכם ממחרת השבת מיום הביאכם את עמר התנופה שבע שבתות תמימת תהיינהSelect Leviticus 23:15

16עד ממחרת השבת השביעת תספרו חמשים יום והקרבתם מנחה חדשה ליהוהSelect Leviticus 23:16

17ממושבתיכם תביאו לחם תנופה שתים שני עשרנים—סלת תהיינה חמץ תאפינה בכורים ליהוהSelect Leviticus 23:17

18והקרבתם על הלחם שבעת כבשים תמימם בני שנה ופר בן בקר אחד ואילם שנים יהיו עלה ליהוה ומנחתם ונסכיהם אשה ריח ניחח ליהוהSelect Leviticus 23:18

19ועשיתם שעיר עזים אחד לחטאת ושני כבשים בני שנה לזבח שלמיםSelect Leviticus 23:19

20והניף הכהן אתם על לחם הבכרים תנופה לפני יהוה על שני כבשים קדש יהיו ליהוה לכהןSelect Leviticus 23:20

21וקראתם בעצם היום הזה מקרא קדש יהיה לכם—כל מלאכת עבדה לא תעשו חקת עולם בכל מושבתיכם לדרתיכםSelect Leviticus 23:21

22ובקצרכם את קציר ארצכם לא תכלה פאת שדך בקצרך ולקט קצירך לא תלקט לעני ולגר תעזב אתם אני יהוה אלהיכםSelect Leviticus 23:22

23וידבר יהוה אל משה לאמרSelect Leviticus 23:23

24דבר אל בני ישראל לאמר בחדש השביעי באחד לחדש יהיה לכם שבתון—זכרון תרועה מקרא קדשSelect Leviticus 23:24

25כל מלאכת עבדה לא תעשו והקרבתם אשה ליהוהSelect Leviticus 23:25

26וידבר יהוה אל משה לאמרSelect Leviticus 23:26

27אך בעשור לחדש השביעי הזה יום הכפרים הוא מקרא קדש יהיה לכם ועניתם את נפשתיכם והקרבתם אשה ליהוהSelect Leviticus 23:27

28וכל מלאכה לא תעשו בעצם היום הזה כי יום כפרים הוא לכפר עליכם לפני יהוה אלהיכםSelect Leviticus 23:28

29כי כל הנפש אשר לא תענה בעצם היום הזה—ונכרתה מעמיהSelect Leviticus 23:29

30וכל הנפש אשר תעשה כל מלאכה בעצם היום הזה—והאבדתי את הנפש ההוא מקרב עמהSelect Leviticus 23:30

31כל מלאכה לא תעשו חקת עולם לדרתיכם בכל משבתיכםSelect Leviticus 23:31

32שבת שבתון הוא לכם ועניתם את נפשתיכם בתשעה לחדש בערב—מערב עד ערב תשבתו שבתכםSelect Leviticus 23:32

33וידבר יהוה אל משה לאמרSelect Leviticus 23:33

34דבר אל בני ישראל לאמר בחמשה עשר יום לחדש השביעי הזה חג הסכות שבעת ימים ליהוהSelect Leviticus 23:34

35ביום הראשון מקרא קדש כל מלאכת עבדה לא תעשוSelect Leviticus 23:35

36שבעת ימים תקריבו אשה ליהוה ביום השמיני מקרא קדש יהיה לכם והקרבתם אשה ליהוה עצרת הוא—כל מלאכת עבדה לא תעשוSelect Leviticus 23:36

37אלה מועדי יהוה אשר תקראו אתם מקראי קדש להקריב אשה ליהוה עלה ומנחה זבח ונסכים—דבר יום ביומוSelect Leviticus 23:37

38מלבד שבתת יהוה ומלבד מתנותיכם ומלבד כל נדריכם ומלבד כל נדבתיכם אשר תתנו ליהוהSelect Leviticus 23:38

39אך בחמשה עשר יום לחדש השביעי באספכם את תבואת הארץ תחגו את חג יהוה שבעת ימים ביום הראשון שבתון וביום השמיני שבתוןSelect Leviticus 23:39

40ולקחתם לכם ביום הראשון פרי עץ הדר כפת תמרים וענף עץ עבת וערבי נחל ושמחתם לפני יהוה אלהיכם—שבעת ימיםSelect Leviticus 23:40

41וחגתם אתו חג ליהוה שבעת ימים בשנה חקת עולם לדרתיכם בחדש השביעי תחגו אתוSelect Leviticus 23:41

42בסכת תשבו שבעת ימים כל האזרח בישראל ישבו בסכתSelect Leviticus 23:42

43למען ידעו דרתיכם כי בסכות הושבתי את בני ישראל בהוציאי אותם מארץ מצרים אני יהוה אלהיכםSelect Leviticus 23:43

44וידבר משה את מעדי יהוה אל בני ישראלSelect Leviticus 23:44