26Leviticus 26

1לא תעשו לכם אלילם ופסל ומצבה לא תקימו לכם ואבן משכית לא תתנו בארצכם להשתחות עליה כי אני יהוה אלהיכםSelect Leviticus 26:1

2את שבתתי תשמרו ומקדשי תיראו אני יהוהSelect Leviticus 26:2

3אם בחקתי תלכו ואת מצותי תשמרו ועשיתם אתםSelect Leviticus 26:3

4ונתתי גשמיכם בעתם ונתנה הארץ יבולה ועץ השדה יתן פריוSelect Leviticus 26:4

5והשיג לכם דיש את בציר ובציר ישיג את זרע ואכלתם לחמכם לשבע וישבתם לבטח בארצכםSelect Leviticus 26:5

6ונתתי שלום בארץ ושכבתם ואין מחריד והשבתי חיה רעה מן הארץ וחרב לא תעבר בארצכםSelect Leviticus 26:6

7ורדפתם את איביכם ונפלו לפניכם לחרבSelect Leviticus 26:7

8ורדפו מכם חמשה מאה ומאה מכם רבבה ירדפו ונפלו איביכם לפניכם לחרבSelect Leviticus 26:8

9ופניתי אליכם—והפריתי אתכם והרביתי אתכם והקימתי את בריתי אתכםSelect Leviticus 26:9

10ואכלתם ישן נושן וישן מפני חדש תוציאוSelect Leviticus 26:10

11ונתתי משכני בתוככם ולא תגעל נפשי אתכםSelect Leviticus 26:11

12והתהלכתי בתוככם והייתי לכם לאלהים ואתם תהיו לי לעםSelect Leviticus 26:12

13אני יהוה אלהיכם אשר הוצאתי אתכם מארץ מצרים מהית להם עבדים ואשבר מטת עלכם ואולך אתכם קוממיותSelect Leviticus 26:13

14ואם לא תשמעו לי ולא תעשו את כל המצות האלהSelect Leviticus 26:14

15ואם בחקתי תמאסו ואם את משפטי תגעל נפשכם לבלתי עשות את כל מצותי להפרכם את בריתיSelect Leviticus 26:15

16אף אני אעשה זאת לכם והפקדתי עליכם בהלה את השחפת ואת הקדחת מכלות עינים ומדיבת נפש וזרעתם לריק זרעכם ואכלהו איביכםSelect Leviticus 26:16

17ונתתי פני בכם ונגפתם לפני איביכם ורדו בכם שנאיכם ונסתם ואין רדף אתכםSelect Leviticus 26:17

18ואם עד אלה—לא תשמעו לי ויספתי ליסרה אתכם שבע על חטאתיכםSelect Leviticus 26:18

19ושברתי את גאון עזכם ונתתי את שמיכם כברזל ואת ארצכם כנחשהSelect Leviticus 26:19

20ותם לריק כחכם ולא תתן ארצכם את יבולה ועץ הארץ לא יתן פריוSelect Leviticus 26:20

21ואם תלכו עמי קרי ולא תאבו לשמע לי—ויספתי עליכם מכה שבע כחטאתיכםSelect Leviticus 26:21

22והשלחתי בכם את חית השדה ושכלה אתכם והכריתה את בהמתכם והמעיטה אתכם ונשמו דרכיכםSelect Leviticus 26:22

23ואם באלה—לא תוסרו לי והלכתם עמי קריSelect Leviticus 26:23

24והלכתי אף אני עמכם בקרי והכיתי אתכם גם אני שבע על חטאתיכםSelect Leviticus 26:24

25והבאתי עליכם חרב נקמת נקם ברית ונאספתם אל עריכם ושלחתי דבר בתוככם ונתתם ביד אויבSelect Leviticus 26:25

26בשברי לכם מטה לחם ואפו עשר נשים לחמכם בתנור אחד והשיבו לחמכם במשקל ואכלתם ולא תשבעוSelect Leviticus 26:26

27ואם בזאת—לא תשמעו לי והלכתם עמי בקריSelect Leviticus 26:27

28והלכתי עמכם בחמת קרי ויסרתי אתכם אף אני שבע על חטאתיכםSelect Leviticus 26:28

29ואכלתם בשר בניכם ובשר בנתיכם תאכלוSelect Leviticus 26:29

30והשמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשי אתכםSelect Leviticus 26:30

31ונתתי את עריכם חרבה והשמותי את מקדשיכם ולא אריח בריח ניחחכםSelect Leviticus 26:31

32והשמתי אני את הארץ ושממו עליה איביכם הישבים בהSelect Leviticus 26:32

33ואתכם אזרה בגוים והריקתי אחריכם חרב והיתה ארצכם שממה ועריכם יהיו חרבהSelect Leviticus 26:33

34אז תרצה הארץ את שבתתיה כל ימי השמה ואתם בארץ איביכם אז תשבת הארץ והרצת את שבתתיהSelect Leviticus 26:34

35כל ימי השמה תשבת את אשר לא שבתה בשבתתיכם בשבתכם עליהSelect Leviticus 26:35

36והנשארים בכם—והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדףSelect Leviticus 26:36

37וכשלו איש באחיו כמפני חרב ורדף אין ולא תהיה לכם תקומה לפני איביכםSelect Leviticus 26:37

38ואבדתם בגוים ואכלה אתכם ארץ איביכםSelect Leviticus 26:38

39והנשארים בכם ימקו בעונם בארצת איביכם ואף בעונת אבתם אתם ימקוSelect Leviticus 26:39

40והתודו את עונם ואת עון אבתם במעלם אשר מעלו בי ואף אשר הלכו עמי בקריSelect Leviticus 26:40

41אף אני אלך עמם בקרי והבאתי אתם בארץ איביהם או אז יכנע לבבם הערל ואז ירצו את עונםSelect Leviticus 26:41

42וזכרתי את בריתי יעקוב ואף את בריתי יצחק ואף את בריתי אברהם אזכר—והארץ אזכרSelect Leviticus 26:42

43והארץ תעזב מהם ותרץ את שבתתיה בהשמה מהם והם ירצו את עונם יען וביען—במשפטי מאסו ואת חקתי געלה נפשםSelect Leviticus 26:43

44ואף גם זאת בהיותם בארץ איביהם לא מאסתים ולא געלתים לכלתם—להפר בריתי אתם כי אני יהוה אלהיהםSelect Leviticus 26:44

45וזכרתי להם ברית ראשנים אשר הוצאתי אתם מארץ מצרים לעיני הגוים להיות להם לאלהים—אני יהוהSelect Leviticus 26:45

46אלה החקים והמשפטים והתורת אשר נתן יהוה בינו ובין בני ישראל—בהר סיני ביד משהSelect Leviticus 26:46