3Malachi 3

1הנני שלח מלאכי ופנה דרך לפני ופתאם יבוא אל היכלו האדון אשר אתם מבקשים ומלאך הברית אשר אתם חפצים הנה בא—אמר יהוה צבאותSelect Malachi 3:1

2ומי מכלכל את יום בואו ומי העמד בהראותו כי הוא כאש מצרף וכברית מכבסיםSelect Malachi 3:2

3וישב מצרף ומטהר כסף וטהר את בני לוי וזקק אתם כזהב וככסף והיו ליהוה מגישי מנחה בצדקהSelect Malachi 3:3

4וערבה ליהוה מנחת יהודה וירושלם—כימי עולם וכשנים קדמניתSelect Malachi 3:4

5וקרבתי אליכם למשפט והייתי עד ממהר במכשפים ובמנאפים ובנשבעים לשקר ובעשקי שכר שכיר אלמנה ויתום ומטי גר ולא יראוני—אמר יהוה צבאותSelect Malachi 3:5

6כי אני יהוה לא שניתי ואתם בני יעקב לא כליתםSelect Malachi 3:6

7למימי אבתיכם סרתם מחקי ולא שמרתם—שובו אלי ואשובה אליכם אמר יהוה צבאות ואמרתם במה נשובSelect Malachi 3:7

8היקבע אדם אלהים כי אתם קבעים אתי ואמרתם במה קבענוך המעשר והתרומהSelect Malachi 3:8

9במארה אתם נארים ואתי אתם קבעים—הגוי כלוSelect Malachi 3:9

10הביאו את כל המעשר אל בית האוצר ויהי טרף בביתי ובחנוני נא בזאת אמר יהוה צבאות אם לא אפתח לכם את ארבות השמים והריקתי לכם ברכה עד בלי דיSelect Malachi 3:10

11וגערתי לכם באכל ולא ישחת לכם את פרי האדמה ולא תשכל לכם הגפן בשדה אמר יהוה צבאותSelect Malachi 3:11

12ואשרו אתכם כל הגוים כי תהיו אתם ארץ חפץ אמר יהוה צבאותSelect Malachi 3:12

13חזקו עלי דבריכם אמר יהוה ואמרתם מה נדברנו עליךSelect Malachi 3:13

14אמרתם שוא עבד אלהים ומה בצע כי שמרנו משמרתו וכי הלכנו קדרנית מפני יהוה צבאותSelect Malachi 3:14

15ועתה אנחנו מאשרים זדים גם נבנו עשי רשעה גם בחנו אלהים וימלטוSelect Malachi 3:15

16אז נדברו יראי יהוה איש אל רעהו ויקשב יהוה וישמע ויכתב ספר זכרון לפניו ליראי יהוה ולחשבי שמוSelect Malachi 3:16

17והיו לי אמר יהוה צבאות ליום אשר אני עשה סגלה וחמלתי עליהם—כאשר יחמל איש על בנו העבד אתוSelect Malachi 3:17

18ושבתם וראיתם בין צדיק לרשע—בין עבד אלהים לאשר לא עבדוSelect Malachi 3:18

19כי הנה היום בא בער כתנור והיו כל זדים וכל עשה רשעה קש ולהט אתם היום הבא אמר יהוה צבאות אשר לא יעזב להם שרש וענףSelect Malachi 3:19

20וזרחה לכם יראי שמי שמש צדקה ומרפא בכנפיה ויצאתם ופשתם כעגלי מרבקSelect Malachi 3:20

21ועסותם רשעים—כי יהיו אפר תחת כפות רגליכם ביום אשר אני עשה אמר יהוה צבאותSelect Malachi 3:21

22זכרו תורת משה עבדי אשר צויתי אותו בחרב על כל ישראל חקים ומשפטיםSelect Malachi 3:22

23הנה אנכי שלח לכם את אליה הנביא—לפני בוא יום יהוה הגדול והנוראSelect Malachi 3:23

24והשיב לב אבות על בנים ולב בנים על אבותם—פן אבוא והכיתי את הארץ חרםSelect Malachi 3:24