13Numbers 13

1וידבר יהוה אל משה לאמרSelect Numbers 13:1

2שלח לך אנשים ויתרו את ארץ כנען אשר אני נתן לבני ישראל איש אחד איש אחד למטה אבתיו תשלחו—כל נשיא בהםSelect Numbers 13:2

3וישלח אתם משה ממדבר פארן על פי יהוה כלם אנשים ראשי בני ישראל המהSelect Numbers 13:3

4ואלה שמותם למטה ראובן שמוע בן זכורSelect Numbers 13:4

5למטה שמעון שפט בן חוריSelect Numbers 13:5

6למטה יהודה כלב בן יפנהSelect Numbers 13:6

7למטה יששכר יגאל בן יוסףSelect Numbers 13:7

8למטה אפרים הושע בן נוןSelect Numbers 13:8

9למטה בנימן פלטי בן רפואSelect Numbers 13:9

10למטה זבולן גדיאל בן סודיSelect Numbers 13:10

11למטה יוסף למטה מנשה—גדי בן סוסיSelect Numbers 13:11

12למטה דן עמיאל בן גמליSelect Numbers 13:12

13למטה אשר סתור בן מיכאלSelect Numbers 13:13

14למטה נפתלי נחבי בן ופסיSelect Numbers 13:14

15למטה גד גאואל בן מכיSelect Numbers 13:15

16אלה שמות האנשים אשר שלח משה לתור את הארץ ויקרא משה להושע בן נון יהושעSelect Numbers 13:16

17וישלח אתם משה לתור את ארץ כנען ויאמר אלהם עלו זה בנגב ועליתם את ההרSelect Numbers 13:17

18וראיתם את הארץ מה הוא ואת העם הישב עליה—החזק הוא הרפה המעט הוא אם רבSelect Numbers 13:18

19ומה הארץ אשר הוא ישב בה—הטובה הוא אם רעה ומה הערים אשר הוא יושב בהנה—הבמחנים אם במבצריםSelect Numbers 13:19

20ומה הארץ השמנה הוא אם רזה היש בה עץ אם אין והתחזקתם ולקחתם מפרי הארץ והימים—ימי בכורי ענביםSelect Numbers 13:20

21ויעלו ויתרו את הארץ ממדבר צן עד רחב לבא חמתSelect Numbers 13:21

22ויעלו בנגב ויבא עד חברון ושם אחימן ששי ותלמי ילידי הענק וחברון שבע שנים נבנתה לפני צען מצריםSelect Numbers 13:22

23ויבאו עד נחל אשכל ויכרתו משם זמורה ואשכול ענבים אחד וישאהו במוט בשנים ומן הרמנים ומן התאניםSelect Numbers 13:23

24למקום ההוא קרא נחל אשכול על אדות האשכול אשר כרתו משם בני ישראלSelect Numbers 13:24

25וישבו מתור הארץ מקץ ארבעים יוםSelect Numbers 13:25

26וילכו ויבאו אל משה ואל אהרן ואל כל עדת בני ישראל אל מדבר פארן—קדשה וישיבו אתם דבר ואת כל העדה ויראום את פרי הארץSelect Numbers 13:26

27ויספרו לו ויאמרו באנו אל הארץ אשר שלחתנו וגם זבת חלב ודבש הוא—וזה פריהSelect Numbers 13:27

28אפס כי עז העם הישב בארץ והערים בצרות גדלת מאד וגם ילדי הענק ראינו שםSelect Numbers 13:28

29עמלק יושב בארץ הנגב והחתי והיבוסי והאמרי יושב בהר והכנעני יושב על הים ועל יד הירדןSelect Numbers 13:29

30ויהס כלב את העם אל משה ויאמר עלה נעלה וירשנו אתה—כי יכול נוכל להSelect Numbers 13:30

31והאנשים אשר עלו עמו אמרו לא נוכל לעלות אל העם כי חזק הוא ממנוSelect Numbers 13:31

32ויציאו דבת הארץ אשר תרו אתה אל בני ישראל לאמר הארץ אשר עברנו בה לתור אתה ארץ אכלת יושביה הוא וכל העם אשר ראינו בתוכה אנשי מדותSelect Numbers 13:32

33ושם ראינו את הנפילים בני ענק—מן הנפלים ונהי בעינינו כחגבים וכן היינו בעיניהםSelect Numbers 13:33