17Numbers 17

1וידבר יהוה אל משה לאמרSelect Numbers 17:1

2אמר אל אלעזר בן אהרן הכהן וירם את המחתת מבין השרפה ואת האש זרה הלאה כי קדשוSelect Numbers 17:2

3את מחתות החטאים האלה בנפשתם ועשו אתם רקעי פחים צפוי למזבח—כי הקריבם לפני יהוה ויקדשו ויהיו לאות לבני ישראלSelect Numbers 17:3

4ויקח אלעזר הכהן את מחתות הנחשת אשר הקריבו השרפים וירקעום צפוי למזבחSelect Numbers 17:4

5זכרון לבני ישראל למען אשר לא יקרב איש זר אשר לא מזרע אהרן הוא להקטיר קטרת לפני יהוה ולא יהיה כקרח וכעדתו כאשר דבר יהוה ביד משה לוSelect Numbers 17:5

6וילנו כל עדת בני ישראל ממחרת על משה ועל אהרן לאמר אתם המתם את עם יהוהSelect Numbers 17:6

7ויהי בהקהל העדה על משה ועל אהרן ויפנו אל אהל מועד והנה כסהו הענן וירא כבוד יהוהSelect Numbers 17:7

8ויבא משה ואהרן אל פני אהל מועדSelect Numbers 17:8

9וידבר יהוה אל משה לאמרSelect Numbers 17:9

10הרמו מתוך העדה הזאת ואכלה אתם כרגע ויפלו על פניהםSelect Numbers 17:10

11ויאמר משה אל אהרן קח את המחתה ותן עליה אש מעל המזבח ושים קטרת והולך מהרה אל העדה וכפר עליהם כי יצא הקצף מלפני יהוה החל הנגףSelect Numbers 17:11

12ויקח אהרן כאשר דבר משה וירץ אל תוך הקהל והנה החל הנגף בעם ויתן את הקטרת ויכפר על העםSelect Numbers 17:12

13ויעמד בין המתים ובין החיים ותעצר המגפהSelect Numbers 17:13

14ויהיו המתים במגפה ארבעה עשר אלף ושבע מאות—מלבד המתים על דבר קרחSelect Numbers 17:14

15וישב אהרן אל משה אל פתח אהל מועד והמגפה נעצרהSelect Numbers 17:15

16וידבר יהוה אל משה לאמרSelect Numbers 17:16

17דבר אל בני ישראל וקח מאתם מטה מטה לבית אב מאת כל נשיאהם לבית אבתם—שנים עשר מטות איש את שמו תכתב על מטהוSelect Numbers 17:17

18ואת שם אהרן תכתב על מטה לוי כי מטה אחד לראש בית אבותםSelect Numbers 17:18

19והנחתם באהל מועד—לפני העדות אשר אועד לכם שמהSelect Numbers 17:19

20והיה האיש אשר אבחר בו—מטהו יפרח והשכתי מעלי את תלנות בני ישראל אשר הם מלינם עליכםSelect Numbers 17:20

21וידבר משה אל בני ישראל ויתנו אליו כל נשיאיהם מטה לנשיא אחד מטה לנשיא אחד לבית אבתם—שנים עשר מטות ומטה אהרן בתוך מטותםSelect Numbers 17:21

22וינח משה את המטת לפני יהוה באהל העדתSelect Numbers 17:22

23ויהי ממחרת ויבא משה אל אהל העדות והנה פרח מטה אהרן לבית לוי ויצא פרח ויצץ ציץ ויגמל שקדיםSelect Numbers 17:23

24ויצא משה את כל המטת מלפני יהוה אל כל בני ישראל ויראו ויקחו איש מטהוSelect Numbers 17:24

25ויאמר יהוה אל משה השב את מטה אהרן לפני העדות למשמרת לאות לבני מרי ותכל תלונתם מעלי ולא ימתוSelect Numbers 17:25

26ויעש משה כאשר צוה יהוה אתו כן עשהSelect Numbers 17:26

27ויאמרו בני ישראל אל משה לאמר הן גוענו אבדנו כלנו אבדנוSelect Numbers 17:27

28כל הקרב הקרב אל משכן יהוה ימות האם תמנו לגועSelect Numbers 17:28