18Numbers 18

1ויאמר יהוה אל אהרן אתה ובניך ובית אביך אתך תשאו את עון המקדש ואתה ובניך אתך תשאו את עון כהנתכםSelect Numbers 18:1

2וגם את אחיך מטה לוי שבט אביך הקרב אתך וילוו עליך וישרתוך ואתה ובניך אתך לפני אהל העדתSelect Numbers 18:2

3ושמרו משמרתך ומשמרת כל האהל אך אל כלי הקדש ואל המזבח לא יקרבו ולא ימתו גם הם גם אתםSelect Numbers 18:3

4ונלוו עליך—ושמרו את משמרת אהל מועד לכל עבדת האהל וזר לא יקרב אליכםSelect Numbers 18:4

5ושמרתם את משמרת הקדש ואת משמרת המזבח ולא יהיה עוד קצף על בני ישראלSelect Numbers 18:5

6ואני הנה לקחתי את אחיכם הלוים מתוך בני ישראל—לכם מתנה נתנים ליהוה לעבד את עבדת אהל מועדSelect Numbers 18:6

7ואתה ובניך אתך תשמרו את כהנתכם לכל דבר המזבח ולמבית לפרכת—ועבדתם עבדת מתנה אתן את כהנתכם והזר הקרב יומתSelect Numbers 18:7

8וידבר יהוה אל אהרן ואני הנה נתתי לך את משמרת תרומתי לכל קדשי בני ישראל לך נתתים למשחה ולבניך—לחק עולםSelect Numbers 18:8

9זה יהיה לך מקדש הקדשים מן האש כל קרבנם לכל מנחתם ולכל חטאתם ולכל אשמם אשר ישיבו לי—קדש קדשים לך הוא ולבניךSelect Numbers 18:9

10בקדש הקדשים תאכלנו כל זכר יאכל אתו קדש יהיה לךSelect Numbers 18:10

11וזה לך תרומת מתנם לכל תנופת בני ישראל—לך נתתים ולבניך ולבנתיך אתך לחק עולם כל טהור בביתך יאכל אתוSelect Numbers 18:11

12כל חלב יצהר וכל חלב תירוש ודגן—ראשיתם אשר יתנו ליהוה לך נתתיםSelect Numbers 18:12

13בכורי כל אשר בארצם אשר יביאו ליהוה—לך יהיה כל טהור בביתך יאכלנוSelect Numbers 18:13

14כל חרם בישראל לך יהיהSelect Numbers 18:14

15כל פטר רחם לכל בשר אשר יקריבו ליהוה באדם ובבהמה—יהיה לך אך פדה תפדה את בכור האדם ואת בכור הבהמה הטמאה תפדהSelect Numbers 18:15

16ופדויו מבן חדש תפדה בערכך כסף חמשת שקלים בשקל הקדש עשרים גרה הואSelect Numbers 18:16

17אך בכור שור או בכור כשב או בכור עז לא תפדה—קדש הם את דמם תזרק על המזבח ואת חלבם תקטיר—אשה לריח ניחח ליהוהSelect Numbers 18:17

18ובשרם יהיה לך כחזה התנופה וכשוק הימין לך יהיהSelect Numbers 18:18

19כל תרומת הקדשים אשר ירימו בני ישראל ליהוה—נתתי לך ולבניך ולבנתיך אתך לחק עולם ברית מלח עולם הוא לפני יהוה לך ולזרעך אתךSelect Numbers 18:19

20ויאמר יהוה אל אהרן בארצם לא תנחל וחלק לא יהיה לך בתוכם אני חלקך ונחלתך בתוך בני ישראלSelect Numbers 18:20

21ולבני לוי הנה נתתי כל מעשר בישראל לנחלה חלף עבדתם אשר הם עבדים את עבדת אהל מועדSelect Numbers 18:21

22ולא יקרבו עוד בני ישראל אל אהל מועד לשאת חטא למותSelect Numbers 18:22

23ועבד הלוי הוא את עבדת אהל מועד והם ישאו עונם חקת עולם לדרתיכם ובתוך בני ישראל לא ינחלו נחלהSelect Numbers 18:23

24כי את מעשר בני ישראל אשר ירימו ליהוה תרומה נתתי ללוים לנחלה על כן אמרתי להם בתוך בני ישראל לא ינחלו נחלהSelect Numbers 18:24

25וידבר יהוה אל משה לאמרSelect Numbers 18:25

26ואל הלוים תדבר ואמרת אלהם כי תקחו מאת בני ישראל את המעשר אשר נתתי לכם מאתם בנחלתכם—והרמתם ממנו תרומת יהוה מעשר מן המעשרSelect Numbers 18:26

27ונחשב לכם תרומתכם—כדגן מן הגרן וכמלאה מן היקבSelect Numbers 18:27

28כן תרימו גם אתם תרומת יהוה מכל מעשרתיכם אשר תקחו מאת בני ישראל ונתתם ממנו את תרומת יהוה לאהרן הכהןSelect Numbers 18:28

29מכל מתנתיכם תרימו את כל תרומת יהוה מכל חלבו—את מקדשו ממנוSelect Numbers 18:29

30ואמרת אלהם בהרימכם את חלבו ממנו ונחשב ללוים כתבואת גרן וכתבואת יקבSelect Numbers 18:30

31ואכלתם אתו בכל מקום אתם וביתכם כי שכר הוא לכם חלף עבדתכם באהל מועדSelect Numbers 18:31

32ולא תשאו עליו חטא בהרימכם את חלבו ממנו ואת קדשי בני ישראל לא תחללו ולא תמותוSelect Numbers 18:32