25Numbers 25

1וישב ישראל בשטים ויחל העם לזנות אל בנות מואבSelect Numbers 25:1

2ותקראן לעם לזבחי אלהיהן ויאכל העם וישתחוו לאלהיהןSelect Numbers 25:2

3ויצמד ישראל לבעל פעור ויחר אף יהוה בישראלSelect Numbers 25:3

4ויאמר יהוה אל משה קח את כל ראשי העם והוקע אותם ליהוה נגד השמש וישב חרון אף יהוה מישראלSelect Numbers 25:4

5ויאמר משה אל שפטי ישראל הרגו איש אנשיו הנצמדים לבעל פעורSelect Numbers 25:5

6והנה איש מבני ישראל בא ויקרב אל אחיו את המדינית לעיני משה ולעיני כל עדת בני ישראל והמה בכים פתח אהל מועדSelect Numbers 25:6

7וירא פינחס בן אלעזר בן אהרן הכהן ויקם מתוך העדה ויקח רמח בידוSelect Numbers 25:7

8ויבא אחר איש ישראל אל הקבה וידקר את שניהם—את איש ישראל ואת האשה אל קבתה ותעצר המגפה מעל בני ישראלSelect Numbers 25:8

9ויהיו המתים במגפה—ארבעה ועשרים אלףSelect Numbers 25:9

10וידבר יהוה אל משה לאמרSelect Numbers 25:10

11פינחס בן אלעזר בן אהרן הכהן השיב את חמתי מעל בני ישראל בקנאו את קנאתי בתוכם ולא כליתי את בני ישראל בקנאתיSelect Numbers 25:11

12לכן אמר הנני נתן לו את בריתי שלוםSelect Numbers 25:12

13והיתה לו ולזרעו אחריו ברית כהנת עולם—תחת אשר קנא לאלהיו ויכפר על בני ישראלSelect Numbers 25:13

14ושם איש ישראל המכה אשר הכה את המדינית—זמרי בן סלוא נשיא בית אב לשמעניSelect Numbers 25:14

15ושם האשה המכה המדינית כזבי בת צור ראש אמות בית אב במדין הואSelect Numbers 25:15

16וידבר יהוה אל משה לאמרSelect Numbers 25:16

17צרור את המדינים והכיתם אותםSelect Numbers 25:17

18כי צררים הם לכם בנכליהם אשר נכלו לכם על דבר פעור ועל דבר כזבי בת נשיא מדין אחתם המכה ביום המגפה על דבר פעורSelect Numbers 25:18