27Numbers 27

1ותקרבנה בנות צלפחד בן חפר בן גלעד בן מכיר בן מנשה למשפחת מנשה בן יוסף ואלה שמות בנתיו—מחלה נעה וחגלה ומלכה ותרצהSelect Numbers 27:1

2ותעמדנה לפני משה ולפני אלעזר הכהן ולפני הנשיאם וכל העדה—פתח אהל מועד לאמרSelect Numbers 27:2

3אבינו מת במדבר והוא לא היה בתוך העדה הנועדים על יהוה בעדת קרח כי בחטאו מת ובנים לא היו לוSelect Numbers 27:3

4למה יגרע שם אבינו מתוך משפחתו כי אין לו בן תנה לנו אחזה בתוך אחי אבינוSelect Numbers 27:4

5ויקרב משה את משפטן לפני יהוהSelect Numbers 27:5

6ויאמר יהוה אל משה לאמרSelect Numbers 27:6

7כן בנות צלפחד דברת—נתן תתן להם אחזת נחלה בתוך אחי אביהם והעברת את נחלת אביהן להןSelect Numbers 27:7

8ואל בני ישראל תדבר לאמר איש כי ימות ובן אין לו—והעברתם את נחלתו לבתוSelect Numbers 27:8

9ואם אין לו בת—ונתתם את נחלתו לאחיוSelect Numbers 27:9

10ואם אין לו אחים—ונתתם את נחלתו לאחי אביוSelect Numbers 27:10

11ואם אין אחים לאביו—ונתתם את נחלתו לשארו הקרב אליו ממשפחתו וירש אתה והיתה לבני ישראל לחקת משפט כאשר צוה יהוה את משהSelect Numbers 27:11

12ויאמר יהוה אל משה עלה אל הר העברים הזה וראה את הארץ אשר נתתי לבני ישראלSelect Numbers 27:12

13וראיתה אתה ונאספת אל עמיך גם אתה כאשר נאסף אהרן אחיךSelect Numbers 27:13

14כאשר מריתם פי במדבר צן במריבת העדה להקדישני במים לעיניהם הם מי מריבת קדש מדבר צןSelect Numbers 27:14

15וידבר משה אל יהוה לאמרSelect Numbers 27:15

16יפקד יהוה אלהי הרוחת לכל בשר איש על העדהSelect Numbers 27:16

17אשר יצא לפניהם ואשר יבא לפניהם ואשר יוציאם ואשר יביאם ולא תהיה עדת יהוה כצאן אשר אין להם רעהSelect Numbers 27:17

18ויאמר יהוה אל משה קח לך את יהושע בן נון—איש אשר רוח בו וסמכת את ידך עליוSelect Numbers 27:18

19והעמדת אתו לפני אלעזר הכהן ולפני כל העדה וצויתה אתו לעיניהםSelect Numbers 27:19

20ונתתה מהודך עליו—למען ישמעו כל עדת בני ישראלSelect Numbers 27:20

21ולפני אלעזר הכהן יעמד ושאל לו במשפט האורים לפני יהוה על פיו יצאו ועל פיו יבאו הוא וכל בני ישראל אתו—וכל העדהSelect Numbers 27:21

22ויעש משה כאשר צוה יהוה אתו ויקח את יהושע ויעמדהו לפני אלעזר הכהן ולפני כל העדהSelect Numbers 27:22

23ויסמך את ידיו עליו ויצוהו כאשר דבר יהוה ביד משהSelect Numbers 27:23