151 Samuel 15

1ויאמר שמואל אל שאול אתי שלח יהוה למשחך למלך על עמו על ישראל ועתה שמע לקול דברי יהוהSelect 1 Samuel 15:1

2כה אמר יהוה צבאות פקדתי את אשר עשה עמלק לישראל—אשר שם לו בדרך בעלתו ממצריםSelect 1 Samuel 15:2

3עתה לך והכיתה את עמלק והחרמתם את כל אשר לו ולא תחמל עליו והמתה מאיש עד אשה מעלל ועד יונק משור ועד שה מגמל ועד חמורSelect 1 Samuel 15:3

4וישמע שאול את העם ויפקדם בטלאים מאתים אלף רגלי ועשרת אלפים את איש יהודהSelect 1 Samuel 15:4

5ויבא שאול עד עיר עמלק וירב בנחלSelect 1 Samuel 15:5

6ויאמר שאול אל הקיני לכו סרו רדו מתוך עמלקי פן אספך עמו ואתה עשיתה חסד עם כל בני ישראל בעלותם ממצרים ויסר קיני מתוך עמלקSelect 1 Samuel 15:6

7ויך שאול את עמלק מחוילה בואך שור אשר על פני מצריםSelect 1 Samuel 15:7

8ויתפש את אגג מלך עמלק חי ואת כל העם החרים לפי חרבSelect 1 Samuel 15:8

9ויחמל שאול והעם על אגג ועל מיטב הצאן והבקר והמשנים ועל הכרים ועל כל הטוב ולא אבו החרימם וכל המלאכה נמבזה ונמס אתה החרימוSelect 1 Samuel 15:9

10ויהי דבר יהוה אל שמואל לאמרSelect 1 Samuel 15:10

11נחמתי כי המלכתי את שאול למלך—כי שב מאחרי ואת דברי לא הקים ויחר לשמואל ויזעק אל יהוה כל הלילהSelect 1 Samuel 15:11

12וישכם שמואל לקראת שאול בבקר ויגד לשמואל לאמר בא שאול הכרמלה והנה מציב לו יד ויסב ויעבר וירד הגלגלSelect 1 Samuel 15:12

13ויבא שמואל אל שאול ויאמר לו שאול ברוך אתה ליהוה—הקימתי את דבר יהוהSelect 1 Samuel 15:13

14ויאמר שמואל ומה קול הצאן הזה באזני וקול הבקר אשר אנכי שמעSelect 1 Samuel 15:14

15ויאמר שאול מעמלקי הביאום אשר חמל העם על מיטב הצאן והבקר למען זבח ליהוה אלהיך ואת היותר החרמנוSelect 1 Samuel 15:15

16ויאמר שמואל אל שאול הרף ואגידה לך את אשר דבר יהוה אלי הלילה ויאמרו (ויאמר) לו דברSelect 1 Samuel 15:16

17ויאמר שמואל—הלוא אם קטן אתה בעיניך ראש שבטי ישראל אתה וימשחך יהוה למלך על ישראלSelect 1 Samuel 15:17

18וישלחך יהוה בדרך ויאמר לך והחרמתה את החטאים את עמלק ונלחמת בו עד כלותם אתםSelect 1 Samuel 15:18

19ולמה לא שמעת בקול יהוה ותעט אל השלל ותעש הרע בעיני יהוהSelect 1 Samuel 15:19

20ויאמר שאול אל שמואל אשר שמעתי בקול יהוה ואלך בדרך אשר שלחני יהוה ואביא את אגג מלך עמלק ואת עמלק החרמתיSelect 1 Samuel 15:20

21ויקח העם מהשלל צאן ובקר ראשית החרם לזבח ליהוה אלהיך בגלגלSelect 1 Samuel 15:21

22ויאמר שמואל החפץ ליהוה בעלות וזבחים כשמע בקול יהוה הנה שמע מזבח טוב להקשיב מחלב איליםSelect 1 Samuel 15:22

23כי חטאת קסם מרי ואון ותרפים הפצר יען מאסת את דבר יהוה וימאסך ממלךSelect 1 Samuel 15:23

24ויאמר שאול אל שמואל חטאתי כי עברתי את פי יהוה ואת דבריך כי יראתי את העם ואשמע בקולםSelect 1 Samuel 15:24

25ועתה שא נא את חטאתי ושוב עמי ואשתחוה ליהוהSelect 1 Samuel 15:25

26ויאמר שמואל אל שאול לא אשוב עמך כי מאסתה את דבר יהוה וימאסך יהוה מהיות מלך על ישראלSelect 1 Samuel 15:26

27ויסב שמואל ללכת ויחזק בכנף מעילו ויקרעSelect 1 Samuel 15:27

28ויאמר אליו שמואל קרע יהוה את ממלכות ישראל מעליך היום ונתנה לרעך הטוב ממךSelect 1 Samuel 15:28

29וגם נצח ישראל לא ישקר ולא ינחם כי לא אדם הוא להנחםSelect 1 Samuel 15:29

30ויאמר חטאתי—עתה כבדני נא נגד זקני עמי ונגד ישראל ושוב עמי והשתחויתי ליהוה אלהיךSelect 1 Samuel 15:30

31וישב שמואל אחרי שאול וישתחו שאול ליהוהSelect 1 Samuel 15:31

32ויאמר שמואל הגישו אלי את אגג מלך עמלק וילך אליו אגג מעדנת ויאמר אגג אכן סר מר המותSelect 1 Samuel 15:32

33ויאמר שמואל—כאשר שכלה נשים חרבך כן תשכל מנשים אמך וישסף שמואל את אגג לפני יהוה בגלגלSelect 1 Samuel 15:33

34וילך שמואל הרמתה ושאול עלה אל ביתו גבעת שאולSelect 1 Samuel 15:34

35ולא יסף שמואל לראות את שאול עד יום מותו כי התאבל שמואל אל שאול ויהוה נחם כי המליך את שאול על ישראלSelect 1 Samuel 15:35