171 Samuel 17

1ויאספו פלשתים את מחניהם למלחמה ויאספו שכה אשר ליהודה ויחנו בין שוכה ובין עזקה באפס דמיםSelect 1 Samuel 17:1

2ושאול ואיש ישראל נאספו ויחנו בעמק האלה ויערכו מלחמה לקראת פלשתיםSelect 1 Samuel 17:2

3ופלשתים עמדים אל ההר מזה וישראל עמדים אל ההר מזה והגיא ביניהםSelect 1 Samuel 17:3

4ויצא איש הבנים ממחנות פלשתים גלית שמו מגת גבהו שש אמות וזרתSelect 1 Samuel 17:4

5וכובע נחשת על ראשו ושריון קשקשים הוא לבוש ומשקל השריון—חמשת אלפים שקלים נחשתSelect 1 Samuel 17:5

6ומצחת נחשת על רגליו וכידון נחשת בין כתפיוSelect 1 Samuel 17:6

7וחץ (ועץ) חניתו כמנור ארגים ולהבת חניתו שש מאות שקלים ברזל ונשא הצנה הלך לפניוSelect 1 Samuel 17:7

8ויעמד ויקרא אל מערכת ישראל ויאמר להם למה תצאו לערך מלחמה הלוא אנכי הפלשתי ואתם עבדים לשאול—ברו לכם איש וירד אליSelect 1 Samuel 17:8

9אם יוכל להלחם אתי והכני—והיינו לכם לעבדים ואם אני אוכל לו והכיתיו—והייתם לנו לעבדים ועבדתם אתנוSelect 1 Samuel 17:9

10ויאמר הפלשתי אני חרפתי את מערכות ישראל היום הזה תנו לי איש ונלחמה יחדSelect 1 Samuel 17:10

11וישמע שאול וכל ישראל את דברי הפלשתי האלה ויחתו ויראו מאדSelect 1 Samuel 17:11

12ודוד בן איש אפרתי הזה מבית לחם יהודה ושמו ישי ולו שמנה בנים והאיש בימי שאול זקן בא באנשיםSelect 1 Samuel 17:12

13וילכו שלשת בני ישי הגדלים—הלכו אחרי שאול למלחמה ושם שלשת בניו אשר הלכו במלחמה—אליאב הבכור ומשנהו אבינדב והשלשי שמהSelect 1 Samuel 17:13

14ודוד הוא הקטן ושלשה הגדלים הלכו אחרי שאולSelect 1 Samuel 17:14

15ודוד הלך ושב מעל שאול לרעות את צאן אביו בית לחםSelect 1 Samuel 17:15

16ויגש הפלשתי השכם והערב ויתיצב ארבעים יוםSelect 1 Samuel 17:16

17ויאמר ישי לדוד בנו קח נא לאחיך איפת הקליא הזה ועשרה לחם הזה והרץ המחנה לאחיךSelect 1 Samuel 17:17

18ואת עשרת חרצי החלב האלה תביא לשר האלף ואת אחיך תפקד לשלום ואת ערבתם תקחSelect 1 Samuel 17:18

19ושאול והמה וכל איש ישראל בעמק האלה נלחמים עם פלשתיםSelect 1 Samuel 17:19

20וישכם דוד בבקר ויטש את הצאן על שמר וישא וילך כאשר צוהו ישי ויבא המעגלה והחיל היצא אל המערכה והרעו במלחמהSelect 1 Samuel 17:20

21ותערך ישראל ופלשתים מערכה לקראת מערכהSelect 1 Samuel 17:21

22ויטש דוד את הכלים מעליו על יד שומר הכלים וירץ המערכה ויבא וישאל לאחיו לשלוםSelect 1 Samuel 17:22

23והוא מדבר עמם והנה איש הבנים עולה גלית הפלשתי שמו מגת ממערות (ממערכות) פלשתים וידבר כדברים האלה וישמע דודSelect 1 Samuel 17:23

24וכל איש ישראל בראותם את האיש וינסו מפניו וייראו מאדSelect 1 Samuel 17:24

25ויאמר איש ישראל הראיתם האיש העלה הזה—כי לחרף את ישראל עלה והיה האיש אשר יכנו יעשרנו המלך עשר גדול ואת בתו יתן לו ואת בית אביו יעשה חפשי בישראלSelect 1 Samuel 17:25

26ויאמר דוד אל האנשים העמדים עמו לאמר מה יעשה לאיש אשר יכה את הפלשתי הלז והסיר חרפה מעל ישראל כי מי הפלשתי הערל הזה כי חרף מערכות אלהים חייםSelect 1 Samuel 17:26

27ויאמר לו העם כדבר הזה לאמר כה יעשה לאיש אשר יכנוSelect 1 Samuel 17:27

28וישמע אליאב אחיו הגדול בדברו אל האנשים ויחר אף אליאב בדוד ויאמר למה זה ירדת ועל מי נטשת מעט הצאן ההנה במדבר—אני ידעתי את זדנך ואת רע לבבך כי למען ראות המלחמה ירדתSelect 1 Samuel 17:28

29ויאמר דוד מה עשיתי עתה הלוא דבר הואSelect 1 Samuel 17:29

30ויסב מאצלו אל מול אחר ויאמר כדבר הזה וישבהו העם דבר כדבר הראשוןSelect 1 Samuel 17:30

31וישמעו הדברים אשר דבר דוד ויגדו לפני שאול ויקחהוSelect 1 Samuel 17:31

32ויאמר דוד אל שאול אל יפל לב אדם עליו עבדך ילך ונלחם עם הפלשתי הזהSelect 1 Samuel 17:32

33ויאמר שאול אל דוד לא תוכל ללכת אל הפלשתי הזה להלחם עמו כי נער אתה והוא איש מלחמה מנעריוSelect 1 Samuel 17:33

34ויאמר דוד אל שאול רעה היה עבדך לאביו בצאן ובא הארי ואת הדוב ונשא שה מהעדרSelect 1 Samuel 17:34

35ויצאתי אחריו והכתיו והצלתי מפיו ויקם עלי—והחזקתי בזקנו והכתיו והמיתיוSelect 1 Samuel 17:35

36גם את הארי גם הדב הכה עבדך והיה הפלשתי הערל הזה כאחד מהם כי חרף מערכת אלהים חייםSelect 1 Samuel 17:36

37ויאמר דוד יהוה אשר הצלני מיד הארי ומיד הדב הוא יצילני מיד הפלשתי הזה ויאמר שאול אל דוד לך ויהוה יהיה עמךSelect 1 Samuel 17:37

38וילבש שאול את דוד מדיו ונתן קובע נחשת על ראשו וילבש אתו שריוןSelect 1 Samuel 17:38

39ויחגר דוד את חרבו מעל למדיו ויאל ללכת כי לא נסה ויאמר דוד אל שאול לא אוכל ללכת באלה כי לא נסיתי ויסרם דוד מעליוSelect 1 Samuel 17:39

40ויקח מקלו בידו ויבחר לו חמשה חלקי אבנים מן הנחל וישם אתם בכלי הרעים אשר לו ובילקוט—וקלעו בידו ויגש אל הפלשתיSelect 1 Samuel 17:40

41וילך הפלשתי הלך וקרב אל דוד והאיש נשא הצנה לפניוSelect 1 Samuel 17:41

42ויבט הפלשתי ויראה את דוד ויבזהו כי היה נער ואדמני עם יפה מראהSelect 1 Samuel 17:42

43ויאמר הפלשתי אל דוד הכלב אנכי כי אתה בא אלי במקלות ויקלל הפלשתי את דוד באלהיוSelect 1 Samuel 17:43

44ויאמר הפלשתי אל דוד לכה אלי—ואתנה את בשרך לעוף השמים ולבהמת השדהSelect 1 Samuel 17:44

45ויאמר דוד אל הפלשתי אתה בא אלי בחרב ובחנית ובכידון ואנכי בא אליך בשם יהוה צבאות אלהי מערכות ישראל אשר חרפתSelect 1 Samuel 17:45

46היום הזה יסגרך יהוה בידי והכיתך והסרתי את ראשך מעליך ונתתי פגר מחנה פלשתים היום הזה לעוף השמים ולחית הארץ וידעו כל הארץ כי יש אלהים לישראלSelect 1 Samuel 17:46

47וידעו כל הקהל הזה כי לא בחרב ובחנית יהושיע יהוה כי ליהוה המלחמה ונתן אתכם בידנוSelect 1 Samuel 17:47

48והיה כי קם הפלשתי וילך ויקרב לקראת דוד וימהר דוד וירץ המערכה לקראת הפלשתיSelect 1 Samuel 17:48

49וישלח דוד את ידו אל הכלי ויקח משם אבן ויקלע ויך את הפלשתי אל מצחו ותטבע האבן במצחו ויפל על פניו ארצהSelect 1 Samuel 17:49

50ויחזק דוד מן הפלשתי בקלע ובאבן ויך את הפלשתי וימתהו וחרב אין ביד דודSelect 1 Samuel 17:50

51וירץ דוד ויעמד אל הפלשתי ויקח את חרבו וישלפה מתערה וימתתהו ויכרת בה את ראשו ויראו הפלשתים כי מת גבורם וינסוSelect 1 Samuel 17:51

52ויקמו אנשי ישראל ויהודה וירעו וירדפו את הפלשתים עד בואך גיא ועד שערי עקרון ויפלו חללי פלשתים בדרך שערים ועד גת ועד עקרוןSelect 1 Samuel 17:52

53וישבו בני ישראל מדלק אחרי פלשתים וישסו את מחניהםSelect 1 Samuel 17:53

54ויקח דוד את ראש הפלשתי ויבאהו ירושלם ואת כליו שם באהלוSelect 1 Samuel 17:54

55וכראות שאול את דוד יצא לקראת הפלשתי אמר אל אבנר שר הצבא בן מי זה הנער אבנר ויאמר אבנר חי נפשך המלך אם ידעתיSelect 1 Samuel 17:55

56ויאמר המלך שאל אתה בן מי זה העלםSelect 1 Samuel 17:56

57וכשוב דוד מהכות את הפלשתי ויקח אתו אבנר ויבאהו לפני שאול וראש הפלשתי בידוSelect 1 Samuel 17:57

58ויאמר אליו שאול בן מי אתה הנער ויאמר דוד בן עבדך ישי בית הלחמיSelect 1 Samuel 17:58