201 Samuel 20

1ויברח דוד מנוות (מניות) ברמה ויבא ויאמר לפני יהונתן מה עשיתי מה עוני ומה חטאתי לפני אביך—כי מבקש את נפשיSelect 1 Samuel 20:1

2ויאמר לו חלילה לא תמות—הנה לו עשה (לא יעשה) אבי דבר גדול או דבר קטן ולא יגלה את אזני ומדוע יסתיר אבי ממני את הדבר הזה אין זאתSelect 1 Samuel 20:2

3וישבע עוד דוד ויאמר ידע ידע אביך כי מצאתי חן בעיניך ויאמר אל ידע זאת יהונתן פן יעצב ואולם חי יהוה וחי נפשך—כי כפשע ביני ובין המותSelect 1 Samuel 20:3

4ויאמר יהונתן אל דוד מה תאמר נפשך ואעשה לךSelect 1 Samuel 20:4

5ויאמר דוד אל יהונתן הנה חדש מחר ואנכי ישב אשב עם המלך לאכול ושלחתני ונסתרתי בשדה עד הערב השלשיתSelect 1 Samuel 20:5

6אם פקד יפקדני אביך ואמרת נשאל נשאל ממני דוד לרוץ בית לחם עירו—כי זבח הימים שם לכל המשפחהSelect 1 Samuel 20:6

7אם כה יאמר טוב שלום לעבדך ואם חרה יחרה לו—דע כי כלתה הרעה מעמוSelect 1 Samuel 20:7

8ועשית חסד על עבדך כי בברית יהוה הבאת את עבדך עמך ואם יש בי עון המיתני אתה ועד אביך למה זה תביאניSelect 1 Samuel 20:8

9ויאמר יהונתן חלילה לך כי אם ידע אדע כי כלתה הרעה מעם אבי לבוא עליך—ולא אתה אגיד לךSelect 1 Samuel 20:9

10ויאמר דוד אל יהונתן מי יגיד לי או מה יענך אביך קשהSelect 1 Samuel 20:10

11ויאמר יהונתן אל דוד לכה ונצא השדה ויצאו שניהם השדהSelect 1 Samuel 20:11

12ויאמר יהונתן אל דוד יהוה אלהי ישראל כי אחקר את אבי כעת מחר השלשית והנה טוב אל דוד—ולא אז אשלח אליך וגליתי את אזנךSelect 1 Samuel 20:12

13כה יעשה יהוה ליהונתן וכה יסיף כי ייטב אל אבי את הרעה עליך—וגליתי את אזנך ושלחתיך והלכת לשלום ויהי יהוה עמך כאשר היה עם אביSelect 1 Samuel 20:13

14ולא אם עודני חי ולא תעשה עמדי חסד יהוה ולא אמותSelect 1 Samuel 20:14

15ולא תכרית את חסדך מעם ביתי עד עולם ולא בהכרת יהוה את איבי דוד איש מעל פני האדמהSelect 1 Samuel 20:15

16ויכרת יהונתן עם בית דוד ובקש יהוה מיד איבי דודSelect 1 Samuel 20:16

17ויוסף יהונתן להשביע את דוד באהבתו אתו כי אהבת נפשו אהבוSelect 1 Samuel 20:17

18ויאמר לו יהונתן מחר חדש ונפקדת כי יפקד מושבךSelect 1 Samuel 20:18

19ושלשת תרד מאד ובאת אל המקום אשר נסתרת שם ביום המעשה וישבת אצל האבן האזלSelect 1 Samuel 20:19

20ואני שלשת החצים צדה אורה לשלח לי למטרהSelect 1 Samuel 20:20

21והנה אשלח את הנער לך מצא את החצים אם אמר אמר לנער הנה החצים ממך והנה קחנו ובאה כי שלום לך ואין דבר—חי יהוהSelect 1 Samuel 20:21

22ואם כה אמר לעלם הנה החצים ממך והלאה—לך כי שלחך יהוהSelect 1 Samuel 20:22

23והדבר—אשר דברנו אני ואתה הנה יהוה ביני ובינך עד עולםSelect 1 Samuel 20:23

24ויסתר דוד בשדה ויהי החדש וישב המלך על (אל) הלחם לאכולSelect 1 Samuel 20:24

25וישב המלך על מושבו כפעם בפעם אל מושב הקיר ויקם יהונתן וישב אבנר מצד שאול ויפקד מקום דודSelect 1 Samuel 20:25

26ולא דבר שאול מאומה ביום ההוא כי אמר מקרה הוא בלתי טהור הוא כי לא טהורSelect 1 Samuel 20:26

27ויהי ממחרת החדש השני ויפקד מקום דוד ויאמר שאול אל יהונתן בנו מדוע לא בא בן ישי גם תמול גם היום אל הלחםSelect 1 Samuel 20:27

28ויען יהונתן את שאול נשאל נשאל דוד מעמדי עד בית לחםSelect 1 Samuel 20:28

29ויאמר שלחני נא כי זבח משפחה לנו בעיר והוא צוה לי אחי ועתה אם מצאתי חן בעיניך אמלטה נא ואראה את אחי על כן לא בא אל שלחן המלךSelect 1 Samuel 20:29

30ויחר אף שאול ביהונתן ויאמר לו בן נעות המרדות הלוא ידעתי כי בחר אתה לבן ישי לבשתך ולבשת ערות אמךSelect 1 Samuel 20:30

31כי כל הימים אשר בן ישי חי על האדמה לא תכון אתה ומלכותך ועתה שלח וקח אתו אלי—כי בן מות הואSelect 1 Samuel 20:31

32ויען יהונתן את שאול אביו ויאמר אליו למה יומת מה עשהSelect 1 Samuel 20:32

33ויטל שאול את החנית עליו להכתו וידע יהונתן כי כלה היא מעם אביו להמית את דודSelect 1 Samuel 20:33

34ויקם יהונתן מעם השלחן בחרי אף ולא אכל ביום החדש השני לחם—כי נעצב אל דוד כי הכלמו אביוSelect 1 Samuel 20:34

35ויהי בבקר ויצא יהונתן השדה למועד דוד ונער קטן עמוSelect 1 Samuel 20:35

36ויאמר לנערו—רץ מצא נא את החצים אשר אנכי מורה הנער רץ והוא ירה החצי להעברוSelect 1 Samuel 20:36

37ויבא הנער עד מקום החצי אשר ירה יהונתן ויקרא יהונתן אחרי הנער ויאמר הלוא החצי ממך והלאהSelect 1 Samuel 20:37

38ויקרא יהונתן אחרי הנער מהרה חושה אל תעמד וילקט נער יהונתן את החצי (החצים) ויבא אל אדניוSelect 1 Samuel 20:38

39והנער לא ידע מאומה אך יהונתן ודוד ידעו את הדברSelect 1 Samuel 20:39

40ויתן יהונתן את כליו אל הנער אשר לו ויאמר לו לך הביא העירSelect 1 Samuel 20:40

41הנער בא ודוד קם מאצל הנגב ויפל לאפיו ארצה וישתחו שלש פעמים וישקו איש את רעהו ויבכו איש את רעהו עד דוד הגדילSelect 1 Samuel 20:41

42ויאמר יהונתן לדוד לך לשלום אשר נשבענו שנינו אנחנו בשם יהוה לאמר יהוה יהיה ביני ובינך ובין זרעי ובין זרעך עד עולםSelect 1 Samuel 20:42