211 Samuel 21

1ויקם וילך ויהונתן בא העירSelect 1 Samuel 21:1

2ויבא דוד נבה אל אחימלך הכהן ויחרד אחימלך לקראת דוד ויאמר לו מדוע אתה לבדך ואיש אין אתךSelect 1 Samuel 21:2

3ויאמר דוד לאחימלך הכהן המלך צוני דבר ויאמר אלי איש אל ידע מאומה את הדבר אשר אנכי שלחך ואשר צויתך ואת הנערים יודעתי אל מקום פלני אלמוניSelect 1 Samuel 21:3

4ועתה מה יש תחת ידך חמשה לחם—תנה בידי או הנמצאSelect 1 Samuel 21:4

5ויען הכהן את דוד ויאמר אין לחם חל אל תחת ידי כי אם לחם קדש יש אם נשמרו הנערים אך מאשהSelect 1 Samuel 21:5

6ויען דוד את הכהן ויאמר לו כי אם אשה עצרה לנו כתמול שלשם בצאתי ויהיו כלי הנערים קדש והוא דרך חל—ואף כי היום יקדש בכליSelect 1 Samuel 21:6

7ויתן לו הכהן קדש כי לא היה שם לחם כי אם לחם הפנים המוסרים מלפני יהוה לשום לחם חם ביום הלקחוSelect 1 Samuel 21:7

8ושם איש מעבדי שאול ביום ההוא נעצר לפני יהוה ושמו דאג האדמי—אביר הרעים אשר לשאולSelect 1 Samuel 21:8

9ויאמר דוד לאחימלך ואין יש פה תחת ידך חנית או חרב כי גם חרבי וגם כלי לא לקחתי בידי כי היה דבר המלך נחוץSelect 1 Samuel 21:9

10ויאמר הכהן חרב גלית הפלשתי אשר הכית בעמק האלה הנה היא לוטה בשמלה אחרי האפוד—אם אתה תקח לך קח כי אין אחרת זולתה בזה ויאמר דוד אין כמוה תננה ליSelect 1 Samuel 21:10

11ויקם דוד ויברח ביום ההוא מפני שאול ויבא אל אכיש מלך גתSelect 1 Samuel 21:11

12ויאמרו עבדי אכיש אליו הלוא זה דוד מלך הארץ הלוא לזה יענו במחלות לאמר הכה שאול באלפו ודוד ברבבתוSelect 1 Samuel 21:12

13וישם דוד את הדברים האלה בלבבו וירא מאד מפני אכיש מלך גתSelect 1 Samuel 21:13

14וישנו את טעמו בעיניהם ויתהלל בידם ויתו על דלתות השער ויורד רירו אל זקנוSelect 1 Samuel 21:14

15ויאמר אכיש אל עבדיו הנה תראו איש משתגע למה תביאו אתו אליSelect 1 Samuel 21:15

16חסר משגעים אני כי הבאתם את זה להשתגע עלי הזה יבוא אל ביתיSelect 1 Samuel 21:16