221 Samuel 22

1וילך דוד משם וימלט אל מערת עדלם וישמעו אחיו וכל בית אביו וירדו אליו שמהSelect 1 Samuel 22:1

2ויתקבצו אליו כל איש מצוק וכל איש אשר לו נשא וכל איש מר נפש ויהי עליהם לשר ויהיו עמו כארבע מאות אישSelect 1 Samuel 22:2

3וילך דוד משם מצפה מואב ויאמר אל מלך מואב יצא נא אבי ואמי אתכם עד אשר אדע מה יעשה לי אלהיםSelect 1 Samuel 22:3

4וינחם את פני מלך מואב וישבו עמו כל ימי היות דוד במצודהSelect 1 Samuel 22:4

5ויאמר גד הנביא אל דוד לא תשב במצודה—לך ובאת לך ארץ יהודה וילך דוד ויבא יער חרתSelect 1 Samuel 22:5

6וישמע שאול—כי נודע דוד ואנשים אשר אתו ושאול יושב בגבעה תחת האשל ברמה וחניתו בידו וכל עבדיו נצבים עליוSelect 1 Samuel 22:6

7ויאמר שאול לעבדיו הנצבים עליו שמעו נא בני ימיני גם לכלכם יתן בן ישי שדות וכרמים—לכלכם ישים שרי אלפים ושרי מאותSelect 1 Samuel 22:7

8כי קשרתם כלכם עלי ואין גלה את אזני בכרת בני עם בן ישי ואין חלה מכם עלי וגלה את אזני כי הקים בני את עבדי עלי לארב כיום הזהSelect 1 Samuel 22:8

9ויען דאג האדמי והוא נצב על עבדי שאול—ויאמר ראיתי את בן ישי בא נבה אל אחימלך בן אחטובSelect 1 Samuel 22:9

10וישאל לו ביהוה וצידה נתן לו ואת חרב גלית הפלשתי—נתן לוSelect 1 Samuel 22:10

11וישלח המלך לקרא את אחימלך בן אחיטוב הכהן ואת כל בית אביו הכהנים—אשר בנב ויבאו כלם אל המלךSelect 1 Samuel 22:11

12ויאמר שאול שמע נא בן אחיטוב ויאמר הנני אדניSelect 1 Samuel 22:12

13ויאמר אלו שאול למה קשרתם עלי אתה ובן ישי—בתתך לו לחם וחרב ושאול לו באלהים לקום אלי לארב כיום הזהSelect 1 Samuel 22:13

14ויען אחימלך את המלך ויאמר ומי בכל עבדיך כדוד נאמן וחתן המלך וסר אל משמעתך ונכבד בביתךSelect 1 Samuel 22:14

15היום החלתי לשאול (לשאל) לו באלהים חלילה לי אל ישם המלך בעבדו דבר בכל בית אבי—כי לא ידע עבדך בכל זאת דבר קטן או גדולSelect 1 Samuel 22:15

16ויאמר המלך מות תמות אחימלך אתה וכל בית אביךSelect 1 Samuel 22:16

17ויאמר המלך לרצים הנצבים עליו סבו והמיתו כהני יהוה כי גם ידם עם דוד וכי ידעו כי ברח הוא ולא גלו את אזנו (אזני) ולא אבו עבדי המלך לשלח את ידם לפגע בכהני יהוהSelect 1 Samuel 22:17

18ויאמר המלך לדויג (לדואג) סב אתה ופגע בכהנים ויסב דויג (דואג) האדמי ויפגע הוא בכהנים וימת ביום ההוא שמנים וחמשה איש נשא אפוד בדSelect 1 Samuel 22:18

19ואת נב עיר הכהנים הכה לפי חרב מאיש ועד אשה מעולל ועד יונק ושור וחמור ושה לפי חרבSelect 1 Samuel 22:19

20וימלט בן אחד לאחימלך בן אחטוב ושמו אביתר ויברח אחרי דודSelect 1 Samuel 22:20

21ויגד אביתר לדוד כי הרג שאול את כהני יהוהSelect 1 Samuel 22:21

22ויאמר דוד לאביתר ידעתי ביום ההוא כי שם דויג (דואג) האדמי כי הגד יגיד לשאול אנכי סבתי בכל נפש בית אביךSelect 1 Samuel 22:22

23שבה אתי אל תירא כי אשר יבקש את נפשי יבקש את נפשך כי משמרת אתה עמדיSelect 1 Samuel 22:23