251 Samuel 25

1וימת שמואל—ויקבצו כל ישראל ויספדו לו ויקברהו בביתו ברמה ויקם דוד וירד אל מדבר פארןSelect 1 Samuel 25:1

2ואיש במעון ומעשהו בכרמל והאיש גדול מאד ולו צאן שלשת אלפים ואלף עזים ויהי בגזז את צאנו בכרמלSelect 1 Samuel 25:2

3ושם האיש נבל ושם אשתו אבגיל והאשה טובת שכל ויפת תאר והאיש קשה ורע מעללים והוא כלבו (כלבי)Select 1 Samuel 25:3

4וישמע דוד במדבר כי גזז נבל את צאנוSelect 1 Samuel 25:4

5וישלח דוד עשרה נערים ויאמר דוד לנערים עלו כרמלה ובאתם אל נבל ושאלתם לו בשמי לשלוםSelect 1 Samuel 25:5

6ואמרתם כה לחי ואתה שלום וביתך שלום וכל אשר לך שלוםSelect 1 Samuel 25:6

7ועתה שמעתי כי גזזים לך עתה הרעים אשר לך היו עמנו—לא הכלמנום ולא נפקד להם מאומה כל ימי היותם בכרמלSelect 1 Samuel 25:7

8שאל את נעריך ויגידו לך וימצאו הנערים חן בעיניך—כי על יום טוב בנו תנה נא את אשר תמצא ידך לעבדיך ולבנך לדודSelect 1 Samuel 25:8

9ויבאו נערי דוד וידברו אל נבל ככל הדברים האלה בשם דוד וינוחוSelect 1 Samuel 25:9

10ויען נבל את עבדי דוד ויאמר מי דוד ומי בן ישי היום רבו עבדים המתפרצים איש מפני אדניוSelect 1 Samuel 25:10

11ולקחתי את לחמי ואת מימי ואת טבחתי אשר טבחתי לגזזי ונתתי לאנשים אשר לא ידעתי אי מזה המהSelect 1 Samuel 25:11

12ויהפכו נערי דוד לדרכם וישבו ויבאו ויגדו לו ככל הדברים האלהSelect 1 Samuel 25:12

13ויאמר דוד לאנשיו חגרו איש את חרבו ויחגרו איש את חרבו ויחגר גם דוד את חרבו ויעלו אחרי דוד כארבע מאות איש ומאתים ישבו על הכליםSelect 1 Samuel 25:13

14ולאביגיל אשת נבל הגיד נער אחד מהנערים לאמר הנה שלח דוד מלאכים מהמדבר לברך את אדנינו ויעט בהםSelect 1 Samuel 25:14

15והאנשים טבים לנו מאד ולא הכלמנו ולא פקדנו מאומה כל ימי התהלכנו אתם בהיותנו בשדהSelect 1 Samuel 25:15

16חומה היו עלינו גם לילה גם יומם כל ימי היותנו עמם רעים הצאןSelect 1 Samuel 25:16

17ועתה דעי וראי מה תעשי—כי כלתה הרעה אל אדנינו ועל כל ביתו והוא בן בליעל מדבר אליוSelect 1 Samuel 25:17

18ותמהר אבוגיל (אביגיל) ותקח מאתים לחם ושנים נבלי יין וחמש צאן עשוות (עשויות) וחמש סאים קלי ומאה צמקים ומאתים דבלים ותשם על החמריםSelect 1 Samuel 25:18

19ותאמר לנעריה עברו לפני הנני אחריכם באה ולאישה נבל לא הגידהSelect 1 Samuel 25:19

20והיה היא רכבת על החמור וירדת בסתר ההר והנה דוד ואנשיו ירדים לקראתה ותפגש אתםSelect 1 Samuel 25:20

21ודוד אמר אך לשקר שמרתי את כל אשר לזה במדבר ולא נפקד מכל אשר לו מאומה וישב לי רעה תחת טובהSelect 1 Samuel 25:21

22כה יעשה אלהים לאיבי דוד וכה יסיף אם אשאיר מכל אשר לו עד הבקר משתין בקירSelect 1 Samuel 25:22

23ותרא אביגיל את דוד ותמהר ותרד מעל החמור ותפל לאפי דוד על פניה ותשתחו ארץSelect 1 Samuel 25:23

24ותפל על רגליו ותאמר בי אני אדני העון ותדבר נא אמתך באזניך ושמע את דברי אמתךSelect 1 Samuel 25:24

25אל נא ישים אדני את לבו אל איש הבליעל הזה על נבל כי כשמו כן הוא—נבל שמו ונבלה עמו ואני אמתך—לא ראיתי את נערי אדני אשר שלחתSelect 1 Samuel 25:25

26ועתה אדני חי יהוה וחי נפשך אשר מנעך יהוה מבוא בדמים והושע ידך לך ועתה יהיו כנבל איביך והמבקשים אל אדני רעהSelect 1 Samuel 25:26

27ועתה הברכה הזאת אשר הביא שפחתך לאדני ונתנה לנערים המתהלכים ברגלי אדניSelect 1 Samuel 25:27

28שא נא לפשע אמתך כי עשה יעשה יהוה לאדני בית נאמן כי מלחמות יהוה אדני נלחם ורעה לא תמצא בך מימיךSelect 1 Samuel 25:28

29ויקם אדם לרדפך ולבקש את נפשך והיתה נפש אדני צרורה בצרור החיים את יהוה אלהיך ואת נפש איביך יקלענה בתוך כף הקלעSelect 1 Samuel 25:29

30והיה כי יעשה יהוה לאדני ככל אשר דבר את הטובה עליך—וצוך לנגיד על ישראלSelect 1 Samuel 25:30

31ולא תהיה זאת לך לפוקה ולמכשול לב לאדני ולשפך דם חנם ולהושיע אדני לו והיטב יהוה לאדני וזכרת את אמתךSelect 1 Samuel 25:31

32ויאמר דוד לאביגל ברוך יהוה אלהי ישראל אשר שלחך היום הזה לקראתיSelect 1 Samuel 25:32

33וברוך טעמך וברוכה את אשר כלתני היום הזה מבוא בדמים והשע ידי ליSelect 1 Samuel 25:33

34ואולם חי יהוה אלהי ישראל אשר מנעני מהרע אתך כי לולי מהרת ותבאתי (ותבאת) לקראתי—כי אם נותר לנבל עד אור הבקר משתין בקירSelect 1 Samuel 25:34

35ויקח דוד מידה את אשר הביאה לו ולה אמר עלי לשלום לביתך—ראי שמעתי בקולך ואשא פניךSelect 1 Samuel 25:35

36ותבא אביגיל אל נבל והנה לו משתה בביתו כמשתה המלך ולב נבל טוב עליו והוא שכר עד מאד ולא הגידה לו דבר קטן וגדול—עד אור הבקרSelect 1 Samuel 25:36

37ויהי בבקר בצאת היין מנבל ותגד לו אשתו את הדברים האלה וימת לבו בקרבו והוא היה לאבןSelect 1 Samuel 25:37

38ויהי כעשרת הימים ויגף יהוה את נבל וימתSelect 1 Samuel 25:38

39וישמע דוד כי מת נבל ויאמר ברוך יהוה אשר רב את ריב חרפתי מיד נבל ואת עבדו חשך מרעה ואת רעת נבל השיב יהוה בראשו וישלח דוד וידבר באביגיל לקחתה לו לאשהSelect 1 Samuel 25:39

40ויבאו עבדי דוד אל אביגיל—הכרמלה וידברו אליה לאמר דוד שלחנו אליך לקחתך לו לאשהSelect 1 Samuel 25:40

41ותקם ותשתחו אפים ארצה ותאמר הנה אמתך לשפחה לרחץ רגלי עבדי אדניSelect 1 Samuel 25:41

42ותמהר ותקם אביגיל ותרכב על החמור וחמש נערתיה ההלכות לרגלה ותלך אחרי מלאכי דוד ותהי לו לאשהSelect 1 Samuel 25:42

43ואת אחינעם לקח דוד מיזרעאל ותהיין גם שתיהן לו לנשיםSelect 1 Samuel 25:43

44ושאול נתן את מיכל בתו—אשת דוד לפלטי בן ליש אשר מגליםSelect 1 Samuel 25:44