261 Samuel 26

1ויבאו הזפים אל שאול הגבעתה לאמר הלוא דוד מסתתר בגבעת החכילה על פני הישימןSelect 1 Samuel 26:1

2ויקם שאול וירד אל מדבר זיף ואתו שלשת אלפים איש בחורי ישראל—לבקש את דוד במדבר זיףSelect 1 Samuel 26:2

3ויחן שאול בגבעת החכילה אשר על פני הישימן—על הדרך ודוד ישב במדבר וירא כי בא שאול אחריו המדברהSelect 1 Samuel 26:3

4וישלח דוד מרגלים וידע כי בא שאול אל נכוןSelect 1 Samuel 26:4

5ויקם דוד ויבא אל המקום אשר חנה שם שאול וירא דוד את המקום אשר שכב שם שאול ואבנר בן נר שר צבאו ושאול שכב במעגל והעם חנים סביבתוSelect 1 Samuel 26:5

6ויען דוד ויאמר אל אחימלך החתי ואל אבישי בן צרויה אחי יואב לאמר מי ירד אתי אל שאול אל המחנה ויאמר אבישי אני ארד עמךSelect 1 Samuel 26:6

7ויבא דוד ואבישי אל העם לילה והנה שאול שכב ישן במעגל וחניתו מעוכה בארץ מראשתו ואבנר והעם שכבים סביבתוSelect 1 Samuel 26:7

8ויאמר אבישי אל דוד סגר אלהים היום את אויבך בידך ועתה אכנו נא בחנית ובארץ פעם אחת ולא אשנה לוSelect 1 Samuel 26:8

9ויאמר דוד אל אבישי אל תשחיתהו כי מי שלח ידו במשיח יהוה—ונקהSelect 1 Samuel 26:9

10ויאמר דוד חי יהוה כי אם יהוה יגפנו או יומו יבוא ומת או במלחמה ירד ונספהSelect 1 Samuel 26:10

11חלילה לי מיהוה משלח ידי במשיח יהוה ועתה קח נא את החנית אשר מראשתו ואת צפחת המים—ונלכה לנוSelect 1 Samuel 26:11

12ויקח דוד את החנית ואת צפחת המים מראשתי שאול וילכו להם ואין ראה ואין יודע ואין מקיץ כי כלם ישנים—כי תרדמת יהוה נפלה עליהםSelect 1 Samuel 26:12

13ויעבר דוד העבר ויעמד על ראש ההר מרחק רב המקום ביניהםSelect 1 Samuel 26:13

14ויקרא דוד אל העם ואל אבנר בן נר לאמר הלוא תענה אבנר ויען אבנר ויאמר מי אתה קראת אל המלךSelect 1 Samuel 26:14

15ויאמר דוד אל אבנר הלוא איש אתה ומי כמוך בישראל ולמה לא שמרת אל אדניך המלך כי בא אחד העם להשחית את המלך אדניךSelect 1 Samuel 26:15

16לא טוב הדבר הזה אשר עשית—חי יהוה כי בני מות אתם אשר לא שמרתם על אדניכם על משיח יהוה ועתה ראה אי חנית המלך ואת צפחת המים—אשר מראשתוSelect 1 Samuel 26:16

17ויכר שאול את קול דוד ויאמר הקולך זה בני דוד ויאמר דוד קולי אדני המלךSelect 1 Samuel 26:17

18ויאמר למה זה אדני רדף אחרי עבדו כי מה עשיתי ומה בידי רעהSelect 1 Samuel 26:18

19ועתה ישמע נא אדני המלך את דברי עבדו אם יהוה הסיתך בי ירח מנחה ואם בני האדם ארורים הם לפני יהוה כי גרשוני היום מהסתפח בנחלת יהוה לאמר לך עבד אלהים אחריםSelect 1 Samuel 26:19

20ועתה אל יפל דמי ארצה מנגד פני יהוה כי יצא מלך ישראל לבקש את פרעש אחד כאשר ירדף הקרא בהריםSelect 1 Samuel 26:20

21ויאמר שאול חטאתי שוב בני דוד כי לא ארע לך עוד תחת אשר יקרה נפשי בעיניך היום הזה הנה הסכלתי ואשגה הרבה מאדSelect 1 Samuel 26:21

22ויען דוד ויאמר הנה החנית (חנית) המלך ויעבר אחד מהנערים ויקחהSelect 1 Samuel 26:22

23ויהוה ישיב לאיש את צדקתו ואת אמנתו—אשר נתנך יהוה היום ביד ולא אביתי לשלח ידי במשיח יהוהSelect 1 Samuel 26:23

24והנה כאשר גדלה נפשך היום הזה—בעיני כן תגדל נפשי בעיני יהוה ויצלני מכל צרהSelect 1 Samuel 26:24

25ויאמר שאול אל דוד ברוך אתה בני דוד—גם עשה תעשה וגם יכל תוכל וילך דוד לדרכו ושאול שב למקומוSelect 1 Samuel 26:25