271 Samuel 27

1ויאמר דוד אל לבו עתה אספה יום אחד ביד שאול אין לי טוב כי המלט אמלט אל ארץ פלשתים ונואש ממני שאול לבקשני עוד בכל גבול ישראל ונמלטתי מידוSelect 1 Samuel 27:1

2ויקם דוד—ויעבר הוא ושש מאות איש אשר עמו אל אכיש בן מעוך מלך גתSelect 1 Samuel 27:2

3וישב דוד עם אכיש בגת הוא ואנשיו איש וביתו דוד ושתי נשיו אחינעם היזרעאלת ואביגיל אשת נבל הכרמליתSelect 1 Samuel 27:3

4ויגד לשאול כי ברח דוד גת ולא יוסף (יסף) עוד לבקשוSelect 1 Samuel 27:4

5ויאמר דוד אל אכיש אם נא מצאתי חן בעיניך יתנו לי מקום באחת ערי השדה—ואשבה שם ולמה ישב עבדך בעיר הממלכה עמךSelect 1 Samuel 27:5

6ויתן לו אכיש ביום ההוא את צקלג לכן היתה צקלג למלכי יהודה עד היום הזהSelect 1 Samuel 27:6

7ויהי מספר הימים אשר ישב דוד בשדה פלשתים—ימים וארבעה חדשיםSelect 1 Samuel 27:7

8ויעל דוד ואנשיו ויפשטו אל הגשורי והגרזי (והגזרי) והעמלקי כי הנה ישבות הארץ אשר מעולם בואך שורה ועד ארץ מצריםSelect 1 Samuel 27:8

9והכה דוד את הארץ ולא יחיה איש ואשה ולקח צאן ובקר וחמרים וגמלים ובגדים וישב ויבא אל אכישSelect 1 Samuel 27:9

10ויאמר אכיש אל פשטתם היום ויאמר דוד על נגב יהודה ועל נגב הירחמאלי ואל נגב הקיניSelect 1 Samuel 27:10

11ואיש ואשה לא יחיה דוד להביא גת לאמר—פן יגדו עלינו לאמר כה עשה דוד וכה משפטו כל הימים אשר ישב בשדה פלשתיםSelect 1 Samuel 27:11

12ויאמן אכיש בדוד לאמר הבאש הבאיש בעמו בישראל והיה לי לעבד עולםSelect 1 Samuel 27:12