281 Samuel 28

1ויהי בימים ההם ויקבצו פלשתים את מחניהם לצבא להלחם בישראל ויאמר אכיש אל דוד ידע תדע כי אתי תצא במחנה אתה ואנשיךSelect 1 Samuel 28:1

2ויאמר דוד אל אכיש לכן אתה תדע את אשר יעשה עבדך ויאמר אכיש אל דוד לכן שמר לראשי אשימך כל הימיםSelect 1 Samuel 28:2

3ושמואל מת—ויספדו לו כל ישראל ויקברהו ברמה ובעירו ושאול הסיר האבות ואת הידענים—מהארץSelect 1 Samuel 28:3

4ויקבצו פלשתים ויבאו ויחנו בשונם ויקבץ שאול את כל ישראל ויחנו בגלבעSelect 1 Samuel 28:4

5וירא שאול את מחנה פלשתים וירא ויחרד לבו מאדSelect 1 Samuel 28:5

6וישאל שאול ביהוה ולא ענהו יהוה—גם בחלמות גם באורים גם בנביאםSelect 1 Samuel 28:6

7ויאמר שאול לעבדיו בקשו לי אשת בעלת אוב ואלכה אליה ואדרשה בה ויאמרו עבדיו אליו הנה אשת בעלת אוב בעין דורSelect 1 Samuel 28:7

8ויתחפש שאול וילבש בגדים אחרים וילך הוא ושני אנשים עמו ויבאו אל האשה לילה ויאמר קסומי (קסמי) נא לי באוב והעלי לי את אשר אמר אליךSelect 1 Samuel 28:8

9ותאמר האשה אליו הנה אתה ידעת את אשר עשה שאול אשר הכרית את האבות ואת הידעני מן הארץ ולמה אתה מתנקש בנפשי להמיתניSelect 1 Samuel 28:9

10וישבע לה שאול ביהוה לאמר חי יהוה אם יקרך עון בדבר הזהSelect 1 Samuel 28:10

11ותאמר האשה את מי אעלה לך ויאמר את שמואל העלי ליSelect 1 Samuel 28:11

12ותרא האשה את שמואל ותזעק בקול גדול ותאמר האשה אל שאול לאמר למה רמיתני ואתה שאולSelect 1 Samuel 28:12

13ויאמר לה המלך אל תיראי כי מה ראית ותאמר האשה אל שאול אלהים ראיתי עלים מן הארץSelect 1 Samuel 28:13

14ויאמר לה מה תארו ותאמר איש זקן עלה והוא עטה מעיל וידע שאול כי שמואל הוא ויקד אפים ארצה וישתחוSelect 1 Samuel 28:14

15ויאמר שמואל אל שאול למה הרגזתני להעלות אתי ויאמר שאול צר לי מאד ופלשתים נלחמים בי ואלהים סר מעלי ולא ענני עוד גם ביד הנביאים גם בחלמות ואקראה לך להודיעני מה אעשהSelect 1 Samuel 28:15

16ויאמר שמואל ולמה תשאלני ויהוה סר מעליך ויהי ערךSelect 1 Samuel 28:16

17ויעש יהוה לו כאשר דבר בידי ויקרע יהוה את הממלכה מידך ויתנה לרעך לדודSelect 1 Samuel 28:17

18כאשר לא שמעת בקול יהוה ולא עשית חרון אפו בעמלק על כן הדבר הזה עשה לך יהוה היום הזהSelect 1 Samuel 28:18

19ויתן יהוה גם את ישראל עמך ביד פלשתים ומחר אתה ובניך עמי גם את מחנה ישראל יתן יהוה ביד פלשתיםSelect 1 Samuel 28:19

20וימהר שאול ויפל מלא קומתו ארצה וירא מאד מדברי שמואל גם כח לא היה בו—כי לא אכל לחם כל היום וכל הלילהSelect 1 Samuel 28:20

21ותבוא האשה אל שאול ותרא כי נבהל מאד ותאמר אליו הנה שמעה שפחתך בקולך ואשים נפשי בכפי ואשמע את דבריך אשר דברת אליSelect 1 Samuel 28:21

22ועתה שמע נא גם אתה בקול שפחתך ואשמה לפניך פת לחם ואכול ויהי בך כח כי תלך בדרךSelect 1 Samuel 28:22

23וימאן ויאמר לא אכל ויפרצו בו עבדיו וגם האשה וישמע לקלם ויקם מהארץ וישב אל המטהSelect 1 Samuel 28:23

24ולאשה עגל מרבק בבית ותמהר ותזבחהו ותקח קמח ותלש ותפהו מצותSelect 1 Samuel 28:24

25ותגש לפני שאול ולפני עבדיו ויאכלו ויקמו וילכו בלילה ההואSelect 1 Samuel 28:25