31 Samuel 3

1והנער שמואל משרת את יהוה לפני עלי ודבר יהוה היה יקר בימים ההם—אין חזון נפרץSelect 1 Samuel 3:1

2ויהי ביום ההוא ועלי שכב במקומו ועינו החלו כהות לא יוכל לראותSelect 1 Samuel 3:2

3ונר אלהים טרם יכבה ושמואל שכב בהיכל יהוה אשר שם ארון אלהיםSelect 1 Samuel 3:3

4ויקרא יהוה אל שמואל ויאמר הנניSelect 1 Samuel 3:4

5וירץ אל עלי ויאמר הנני כי קראת לי ויאמר לא קראתי שוב שכב וילך וישכבSelect 1 Samuel 3:5

6ויסף יהוה קרא עוד שמואל ויקם שמואל וילך אל עלי ויאמר הנני כי קראת לי ויאמר לא קראתי בני שוב שכבSelect 1 Samuel 3:6

7ושמואל טרם ידע את יהוה וטרם יגלה אליו דבר יהוהSelect 1 Samuel 3:7

8ויסף יהוה קרא שמואל בשלישת ויקם וילך אל עלי ויאמר הנני כי קראת לי ויבן עלי כי יהוה קרא לנערSelect 1 Samuel 3:8

9ויאמר עלי לשמואל לך שכב והיה אם יקרא אליך ואמרת דבר יהוה כי שמע עבדך וילך שמואל וישכב במקומוSelect 1 Samuel 3:9

10ויבא יהוה ויתיצב ויקרא כפעם בפעם שמואל שמואל ויאמר שמואל דבר כי שמע עבדךSelect 1 Samuel 3:10

11ויאמר יהוה אל שמואל הנה אנכי עשה דבר בישראל אשר כל שמעו—תצלינה שתי אזניוSelect 1 Samuel 3:11

12ביום ההוא אקים אל עלי את כל אשר דברתי אל ביתו—החל וכלהSelect 1 Samuel 3:12

13והגדתי לו כי שפט אני את ביתו עד עולם—בעון אשר ידע כי מקללים להם בניו ולא כהה בםSelect 1 Samuel 3:13

14ולכן נשבעתי לבית עלי אם יתכפר עון בית עלי בזבח ובמנחה—עד עולםSelect 1 Samuel 3:14

15וישכב שמואל עד הבקר ויפתח את דלתות בית יהוה ושמואל ירא מהגיד את המראה אל עליSelect 1 Samuel 3:15

16ויקרא עלי את שמואל ויאמר שמואל בני ויאמר הנניSelect 1 Samuel 3:16

17ויאמר מה הדבר אשר דבר אליך—אל נא תכחד ממני כה יעשה לך אלהים וכה יוסיף אם תכחד ממני דבר מכל הדבר אשר דבר אליךSelect 1 Samuel 3:17

18ויגד לו שמואל את כל הדברים ולא כחד ממנו ויאמר—יהוה הוא הטוב בעינו יעשהSelect 1 Samuel 3:18

19ויגדל שמואל ויהוה היה עמו ולא הפיל מכל דבריו ארצהSelect 1 Samuel 3:19

20וידע כל ישראל מדן ועד באר שבע כי נאמן שמואל לנביא ליהוהSelect 1 Samuel 3:20

21ויסף יהוה להראה בשלה כי נגלה יהוה אל שמואל בשלו בדבר יהוהSelect 1 Samuel 3:21