311 Samuel 31

1ופלשתים נלחמים בישראל וינסו אנשי ישראל מפני פלשתים ויפלו חללים בהר הגלבעSelect 1 Samuel 31:1

2וידבקו פלשתים את שאול ואת בניו ויכו פלשתים את יהונתן ואת אבינדב ואת מלכישוע—בני שאולSelect 1 Samuel 31:2

3ותכבד המלחמה אל שאול וימצאהו המורים אנשים בקשת ויחל מאד מהמוריםSelect 1 Samuel 31:3

4ויאמר שאול לנשא כליו שלף חרבך ודקרני בה פן יבואו הערלים האלה ודקרני והתעללו בי ולא אבה נשא כליו כי ירא מאד ויקח שאול את החרב ויפל עליהSelect 1 Samuel 31:4

5וירא נשא כליו כי מת שאול ויפל גם הוא על חרבו וימת עמוSelect 1 Samuel 31:5

6וימת שאול ושלשת בניו ונשא כליו גם כל אנשיו ביום ההוא—יחדוSelect 1 Samuel 31:6

7ויראו אנשי ישראל אשר בעבר העמק ואשר בעבר הירדן כי נסו אנשי ישראל וכי מתו שאול ובניו ויעזבו את הערים וינסו ויבאו פלשתים וישבו בהןSelect 1 Samuel 31:7

8ויהי ממחרת ויבאו פלשתים לפשט את החללים וימצאו את שאול ואת שלשת בניו נפלים בהר הגלבעSelect 1 Samuel 31:8

9ויכרתו את ראשו ויפשטו את כליו וישלחו בארץ פלשתים סביב לבשר בית עצביהם—ואת העםSelect 1 Samuel 31:9

10וישימו את כליו בית עשתרות ואת גויתו תקעו בחומת בית שןSelect 1 Samuel 31:10

11וישמעו אליו ישבי יביש גלעד את אשר עשו פלשתים לשאולSelect 1 Samuel 31:11

12ויקומו כל איש חיל וילכו כל הלילה ויקחו את גוית שאול ואת גוית בניו מחומת בית שן ויבאו יבשה וישרפו אתם שםSelect 1 Samuel 31:12

13ויקחו את עצמתיהם ויקברו תחת האשל ביבשה ויצמו שבעת ימיםSelect 1 Samuel 31:13