51 Samuel 5

1ופלשתים לקחו את ארון האלהים ויבאהו מאבן העזר אשדודהSelect 1 Samuel 5:1

2ויקחו פלשתים את ארון האלהים ויבאו אתו בית דגון ויציגו אתו אצל דגוןSelect 1 Samuel 5:2

3וישכמו אשדודים ממחרת והנה דגון נפל לפניו ארצה לפני ארון יהוה ויקחו את דגון וישבו אתו למקומוSelect 1 Samuel 5:3

4וישכמו בבקר ממחרת והנה דגון נפל לפניו ארצה לפני ארון יהוה וראש דגון ושתי כפות ידיו כרתות אל המפתן—רק דגון נשאר עליוSelect 1 Samuel 5:4

5על כן לא ידרכו כהני דגון וכל הבאים בית דגון על מפתן דגון—באשדוד עד היום הזהSelect 1 Samuel 5:5

6ותכבד יד יהוה אל האשדודים וישמם ויך אתם בעפלים (בטחרים) את אשדוד ואת גבוליהSelect 1 Samuel 5:6

7ויראו אנשי אשדוד כי כן ואמרו לא ישב ארון אלהי ישראל עמנו—כי קשתה ידו עלינו ועל דגון אלהינוSelect 1 Samuel 5:7

8וישלחו ויאספו את כל סרני פלשתים אליהם ויאמרו מה נעשה לארון אלהי ישראל ויאמרו גת יסב ארון אלהי ישראל ויסבו את ארון אלהי ישראלSelect 1 Samuel 5:8

9ויהי אחרי הסבו אתו ותהי יד יהוה בעיר מהומה גדולה מאד ויך את אנשי העיר מקטן ועד גדול וישתרו להם עפלים (טחרים)Select 1 Samuel 5:9

10וישלחו את ארון האלהים עקרון ויהי כבוא ארון האלהים עקרון ויזעקו העקרנים לאמר הסבו אלי את ארון אלהי ישראל להמיתני ואת עמיSelect 1 Samuel 5:10

11וישלחו ויאספו את כל סרני פלשתים ויאמרו שלחו את ארון אלהי ישראל וישב למקומו ולא ימית אתי ואת עמי כי היתה מהומת מות בכל העיר כבדה מאד יד האלהים שםSelect 1 Samuel 5:11

12והאנשים אשר לא מתו הכו בעפלים (בטחרים) ותעל שועת העיר השמיםSelect 1 Samuel 5:12