61 Samuel 6

1ויהי ארון יהוה בשדה פלשתים שבעה חדשיםSelect 1 Samuel 6:1

2ויקראו פלשתים לכהנים ולקסמים לאמר מה נעשה לארון יהוה הודענו במה נשלחנו למקומוSelect 1 Samuel 6:2

3ויאמרו אם משלחים את ארון אלהי ישראל אל תשלחו אתו ריקם—כי השב תשיבו לו אשם אז תרפאו ונודע לכם למה לא תסור ידו מכםSelect 1 Samuel 6:3

4ויאמרו מה האשם אשר נשיב לו ויאמרו מספר סרני פלשתים חמשה עפלי (טחרי) זהב וחמשה עכברי זהב כי מגפה אחת לכלם ולסרניכםSelect 1 Samuel 6:4

5ועשיתם צלמי עפליכם (טחריכם) וצלמי עכבריכם המשחיתם את הארץ ונתתם לאלהי ישראל כבוד אולי יקל את ידו מעליכם ומעל אלהיכם ומעל ארצכםSelect 1 Samuel 6:5

6ולמה תכבדו את לבבכם כאשר כבדו מצרים ופרעה את לבם הלוא כאשר התעלל בהם וישלחום וילכוSelect 1 Samuel 6:6

7ועתה קחו ועשו עגלה חדשה אחת ושתי פרות עלות אשר לא עלה עליהם על ואסרתם את הפרות בעגלה והשיבתם בניהם מאחריהם הביתהSelect 1 Samuel 6:7

8ולקחתם את ארון יהוה ונתתם אתו אל העגלה ואת כלי הזהב אשר השבתם לו אשם תשימו בארגז מצדו ושלחתם אתו והלךSelect 1 Samuel 6:8

9וראיתם אם דרך גבולו יעלה בית שמש—הוא עשה לנו את הרעה הגדולה הזאת ואם לא וידענו כי לא ידו נגעה בנו—מקרה הוא היה לנוSelect 1 Samuel 6:9

10ויעשו האנשים כן ויקחו שתי פרות עלות ויאסרום בעגלה ואת בניהם כלו בביתSelect 1 Samuel 6:10

11וישמו את ארון יהוה אל העגלה ואת הארגז ואת עכברי הזהב ואת צלמי טחריהםSelect 1 Samuel 6:11

12וישרנה הפרות בדרך על דרך בית שמש במסלה אחת הלכו הלך וגעו ולא סרו ימין ושמאול וסרני פלשתים הלכים אחריהם עד גבול בית שמשSelect 1 Samuel 6:12

13ובית שמש קצרים קציר חטים בעמק וישאו את עיניהם ויראו את הארון וישמחו לראותSelect 1 Samuel 6:13

14והעגלה באה אל שדה יהושע בית השמשי ותעמד שם ושם אבן גדולה ויבקעו את עצי העגלה ואת הפרות העלו עלה ליהוהSelect 1 Samuel 6:14

15והלוים הורידו את ארון יהוה ואת הארגז אשר אתו אשר בו כלי זהב וישמו אל האבן הגדולה ואנשי בית שמש העלו עלות ויזבחו זבחים ביום ההוא—ליהוהSelect 1 Samuel 6:15

16וחמשה סרני פלשתים ראו וישבו עקרון ביום ההואSelect 1 Samuel 6:16

17ואלה טחרי הזהב אשר השיבו פלשתים אשם ליהוה לאשדוד אחד לעזה אחד לאשקלון אחד לגת אחד לעקרון אחדSelect 1 Samuel 6:17

18ועכברי הזהב מספר כל ערי פלשתים לחמשת הסרנים—מעיר מבצר ועד כפר הפרזי ועד אבל הגדולה אשר הניחו עליה את ארון יהוה עד היום הזה בשדה יהושע בית השמשיSelect 1 Samuel 6:18

19ויך באנשי בית שמש כי ראו בארון יהוה ויך בעם שבעים איש חמשים אלף איש ויתאבלו העם כי הכה יהוה בעם מכה גדולהSelect 1 Samuel 6:19

20ויאמרו אנשי בית שמש מי יוכל לעמד לפני יהוה האלהים הקדוש הזה ואל מי יעלה מעלינוSelect 1 Samuel 6:20

21וישלחו מלאכים אל יושבי קרית יערים לאמר השבו פלשתים את ארון יהוה—רדו העלו אתו אליכםSelect 1 Samuel 6:21