91 Samuel 9

1ויהי איש מבן ימין (מבנימין) ושמו קיש בן אביאל בן צרור בן בכורת בן אפיח—בן איש ימיני גבור חילSelect 1 Samuel 9:1

2ולו היה בן ושמו שאול בחור וטוב ואין איש מבני ישראל טוב ממנו משכמו ומעלה גבה מכל העםSelect 1 Samuel 9:2

3ותאבדנה האתנות לקיש אבי שאול ויאמר קיש אל שאול בנו קח נא אתך את אחד מהנערים וקום לך בקש את האתנתSelect 1 Samuel 9:3

4ויעבר בהר אפרים ויעבר בארץ שלשה ולא מצאו ויעברו בארץ שעלים ואין ויעבר בארץ ימיני ולא מצאוSelect 1 Samuel 9:4

5המה באו בארץ צוף ושאול אמר לנערו אשר עמו לכה ונשובה—פן יחדל אבי מן האתנות ודאג לנוSelect 1 Samuel 9:5

6ויאמר לו הנה נא איש אלהים בעיר הזאת והאיש נכבד כל אשר ידבר בוא יבוא עתה נלכה שם—אולי יגיד לנו את דרכנו אשר הלכנו עליהSelect 1 Samuel 9:6

7ויאמר שאול לנערו והנה נלך ומה נביא לאיש—כי הלחם אזל מכלינו ותשורה אין להביא לאיש האלהים מה אתנוSelect 1 Samuel 9:7

8ויסף הנער לענות את שאול ויאמר הנה נמצא בידי רבע שקל כסף ונתתי לאיש האלהים והגיד לנו את דרכנוSelect 1 Samuel 9:8

9לפנים בישראל כה אמר האיש בלכתו לדרוש אלהים לכו ונלכה עד הראה כי לנביא היום יקרא לפנים הראהSelect 1 Samuel 9:9

10ויאמר שאול לנערו טוב דברך לכה נלכה וילכו אל העיר אשר שם איש האלהיםSelect 1 Samuel 9:10

11המה עלים במעלה העיר והמה מצאו נערות יצאות לשאב מים ויאמרו להן היש בזה הראהSelect 1 Samuel 9:11

12ותענינה אותם ותאמרנה יש הנה לפניך מהר עתה כי היום בא לעיר—כי זבח היום לעם בבמהSelect 1 Samuel 9:12

13כבאכם העיר כן תמצאון אתו בטרם יעלה הבמתה לאכל כי לא יאכל העם עד באו—כי הוא יברך הזבח אחרי כן יאכלו הקראים ועתה עלו כי אתו כהיום תמצאון אתוSelect 1 Samuel 9:13

14ויעלו העיר המה באים בתוך העיר והנה שמואל יצא לקראתם לעלות הבמהSelect 1 Samuel 9:14

15ויהוה גלה את אזן שמואל יום אחד לפני בוא שאול לאמרSelect 1 Samuel 9:15

16כעת מחר אשלח אליך איש מארץ בנימן ומשחתו לנגיד על עמי ישראל והושיע את עמי מיד פלשתים כי ראיתי את עמי כי באה צעקתו אליSelect 1 Samuel 9:16

17ושמואל ראה את שאול ויהוה ענהו—הנה האיש אשר אמרתי אליך זה יעצר בעמיSelect 1 Samuel 9:17

18ויגש שאול את שמואל בתוך השער ויאמר הגידה נא לי אי זה בית הראהSelect 1 Samuel 9:18

19ויען שמואל את שאול ויאמר אנכי הראה—עלה לפני הבמה ואכלתם עמי היום ושלחתיך בבקר וכל אשר בלבבך אגיד לךSelect 1 Samuel 9:19

20ולאתנות האבדות לך היום שלשת הימים—אל תשם את לבך להם כי נמצאו ולמי כל חמדת ישראל—הלוא לך ולכל בית אביךSelect 1 Samuel 9:20

21ויען שאול ויאמר הלוא בן ימיני אנכי מקטני שבטי ישראל ומשפחתי הצערה מכל משפחות שבטי בנימן ולמה דברת אלי כדבר הזהSelect 1 Samuel 9:21

22ויקח שמואל את שאול ואת נערו ויביאם לשכתה ויתן להם מקום בראש הקרואים והמה כשלשם אישSelect 1 Samuel 9:22

23ויאמר שמואל לטבח תנה את המנה אשר נתתי לך—אשר אמרתי אליך שים אתה עמךSelect 1 Samuel 9:23

24וירם הטבח את השוק והעליה וישם לפני שאול ויאמר הנה הנשאר שים לפניך אכל—כי למועד שמור לך לאמר העם קראתי ויאכל שאול עם שמואל ביום ההואSelect 1 Samuel 9:24

25וירדו מהבמה העיר וידבר עם שאול על הגגSelect 1 Samuel 9:25

26וישכמו ויהי כעלות השחר ויקרא שמואל אל שאול הגג (הגגה) לאמר קומה ואשלחך ויקם שאול ויצאו שניהם הוא ושמואל—החוצהSelect 1 Samuel 9:26

27המה יורדים בקצה העיר ושמואל אמר אל שאול אמר לנער ויעבר לפנינו ויעבר ואתה עמד כיום ואשמיעך את דבר אלהיםSelect 1 Samuel 9:27