122 Samuel 12

1וישלח יהוה את נתן אל דוד ויבא אליו ויאמר לו שני אנשים היו בעיר אחת אחד עשיר ואחד ראשSelect 2 Samuel 12:1

2לעשיר היה צאן ובקר—הרבה מאדSelect 2 Samuel 12:2

3ולרש אין כל כי אם כבשה אחת קטנה אשר קנה ויחיה ותגדל עמו ועם בניו יחדו מפתו תאכל ומכסו תשתה ובחיקו תשכב ותהי לו כבתSelect 2 Samuel 12:3

4ויבא הלך לאיש העשיר ויחמל לקחת מצאנו ומבקרו לעשות לארח הבא לו ויקח את כבשת האיש הראש ויעשה לאיש הבא אליוSelect 2 Samuel 12:4

5ויחר אף דוד באיש מאד ויאמר אל נתן חי יהוה כי בן מות האיש העשה זאתSelect 2 Samuel 12:5

6ואת הכבשה ישלם ארבעתים עקב אשר עשה את הדבר הזה ועל אשר לא חמלSelect 2 Samuel 12:6

7ויאמר נתן אל דוד אתה האיש כה אמר יהוה אלהי ישראל אנכי משחתיך למלך על ישראל ואנכי הצלתיך מיד שאולSelect 2 Samuel 12:7

8ואתנה לך את בית אדניך ואת נשי אדניך בחיקך ואתנה לך את בית ישראל ויהודה ואם מעט—ואספה לך כהנה וכהנהSelect 2 Samuel 12:8

9מדוע בזית את דבר יהוה לעשות הרע בעינו (בעיני) את אוריה החתי הכית בחרב ואת אשתו לקחת לך לאשה ואתו הרגת בחרב בני עמוןSelect 2 Samuel 12:9

10ועתה לא תסור חרב מביתך—עד עולם עקב כי בזתני ותקח את אשת אוריה החתי להיות לך לאשהSelect 2 Samuel 12:10

11כה אמר יהוה הנני מקים עליך רעה מביתך ולקחתי את נשיך לעיניך ונתתי לרעיך ושכב עם נשיך לעיני השמש הזאתSelect 2 Samuel 12:11

12כי אתה עשית בסתר ואני אעשה את הדבר הזה נגד כל ישראל ונגד השמשSelect 2 Samuel 12:12

13ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך—לא תמותSelect 2 Samuel 12:13

14אפס כי נאץ נאצת את איבי יהוה בדבר הזה גם הבן הילוד לך—מות ימותSelect 2 Samuel 12:14

15וילך נתן אל ביתו ויגף יהוה את הילד אשר ילדה אשת אוריה לדוד—ויאנשSelect 2 Samuel 12:15

16ויבקש דוד את האלהים בעד הנער ויצם דוד צום ובא ולן ושכב ארצהSelect 2 Samuel 12:16

17ויקמו זקני ביתו עליו להקימו מן הארץ ולא אבה ולא ברא אתם לחםSelect 2 Samuel 12:17

18ויהי ביום השביעי וימת הילד ויראו עבדי דוד להגיד לו כי מת הילד כי אמרו הנה בהיות הילד חי דברנו אליו ולא שמע בקולנו ואיך נאמר אליו מת הילד ועשה רעהSelect 2 Samuel 12:18

19וירא דוד כי עבדיו מתלחשים ויבן דוד כי מת הילד ויאמר דוד אל עבדיו המת הילד ויאמרו מתSelect 2 Samuel 12:19

20ויקם דוד מהארץ וירחץ ויסך ויחלף שמלתו ויבא בית יהוה וישתחו ויבא אל ביתו וישאל וישימו לו לחם ויאכלSelect 2 Samuel 12:20

21ויאמרו עבדיו אליו מה הדבר הזה אשר עשיתה בעבור הילד חי צמת ותבך וכאשר מת הילד קמת ותאכל לחםSelect 2 Samuel 12:21

22ויאמר—בעוד הילד חי צמתי ואבכה כי אמרתי מי יודע יחנני (וחנני) יהוה וחי הילדSelect 2 Samuel 12:22

23ועתה מת למה זה אני צם—האוכל להשיבו עוד אני הלך אליו והוא לא ישוב אליSelect 2 Samuel 12:23

24וינחם דוד את בת שבע אשתו ויבא אליה וישכב עמה ותלד בן ויקרא (ותקרא) את שמו שלמה ויהוה אהבוSelect 2 Samuel 12:24

25וישלח ביד נתן הנביא ויקרא את שמו ידידיה—בעבור יהוהSelect 2 Samuel 12:25

26וילחם יואב ברבת בני עמון וילכד את עיר המלוכהSelect 2 Samuel 12:26

27וישלח יואב מלאכים אל דוד ויאמר נלחמתי ברבה גם לכדתי את עיר המיםSelect 2 Samuel 12:27

28ועתה אסף את יתר העם וחנה על העיר ולכדה פן אלכד אני את העיר ונקרא שמי עליהSelect 2 Samuel 12:28

29ויאסף דוד את כל העם וילך רבתה וילחם בה וילכדהSelect 2 Samuel 12:29

30ויקח את עטרת מלכם מעל ראשו ומשקלה ככר זהב ואבן יקרה ותהי על ראש דוד ושלל העיר הוציא הרבה מאדSelect 2 Samuel 12:30

31ואת העם אשר בה הוציא וישם במגרה ובחרצי הברזל ובמגזרת הברזל והעביר אותם במלכן (במלבן) וכן יעשה לכל ערי בני עמון וישב דוד וכל העם ירושלםSelect 2 Samuel 12:31