152 Samuel 15

1ויהי מאחרי כן ויעש לו אבשלום מרכבה וססים וחמשים איש רצים לפניוSelect 2 Samuel 15:1

2והשכים אבשלום ועמד על יד דרך השער ויהי כל האיש אשר יהיה לו ריב לבוא אל המלך למשפט ויקרא אבשלום אליו ויאמר אי מזה עיר אתה ויאמר מאחד שבטי ישראל עבדךSelect 2 Samuel 15:2

3ויאמר אליו אבשלום ראה דבריך טובים ונכחים ושמע אין לך מאת המלךSelect 2 Samuel 15:3

4ויאמר אבשלום מי ישמני שפט בארץ ועלי יבוא כל איש אשר יהיה לו ריב ומשפט—והצדקתיוSelect 2 Samuel 15:4

5והיה בקרב איש להשתחות לו ושלח את ידו והחזיק לו ונשק לוSelect 2 Samuel 15:5

6ויעש אבשלום כדבר הזה לכל ישראל אשר יבאו למשפט אל המלך ויגנב אבשלום את לב אנשי ישראלSelect 2 Samuel 15:6

7ויהי מקץ ארבעים שנה ויאמר אבשלום אל המלך אלכה נא ואשלם את נדרי אשר נדרתי ליהוה בחברוןSelect 2 Samuel 15:7

8כי נדר נדר עבדך בשבתי בגשור בארם לאמר אם ישיב (ישוב) ישיבני יהוה ירושלם ועבדתי את יהוהSelect 2 Samuel 15:8

9ויאמר לו המלך לך בשלום ויקם וילך חברונהSelect 2 Samuel 15:9

10וישלח אבשלום מרגלים בכל שבטי ישראל לאמר כשמעכם את קול השפר ואמרתם מלך אבשלום בחברוןSelect 2 Samuel 15:10

11ואת אבשלום הלכו מאתים איש מירושלם קראים והלכים לתמם ולא ידעו כל דברSelect 2 Samuel 15:11

12וישלח אבשלום את אחיתפל הגילני יועץ דוד מעירו מגלה בזבחו את הזבחים ויהי הקשר אמץ והעם הולך ורב את אבשלוםSelect 2 Samuel 15:12

13ויבא המגיד אל דוד לאמר היה לב איש ישראל אחרי אבשלוםSelect 2 Samuel 15:13

14ויאמר דוד לכל עבדיו אשר אתו בירושלם קומו ונברחה—כי לא תהיה לנו פליטה מפני אבשלם מהרו ללכת פן ימהר והשגנו והדיח עלינו את הרעה והכה העיר לפי חרבSelect 2 Samuel 15:14

15ויאמרו עבדי המלך אל המלך ככל אשר יבחר אדני המלך הנה עבדיךSelect 2 Samuel 15:15

16ויצא המלך וכל ביתו ברגליו ויעזב המלך את עשר נשים פלגשים—לשמר הביתSelect 2 Samuel 15:16

17ויצא המלך וכל העם ברגליו ויעמדו בית המרחקSelect 2 Samuel 15:17

18וכל עבדיו עברים על ידו וכל הכרתי וכל הפלתי וכל הגתים שש מאות איש אשר באו ברגלו מגת עברים על פני המלךSelect 2 Samuel 15:18

19ויאמר המלך אל אתי הגתי למה תלך גם אתה אתנו שוב ושב עם המלך כי נכרי אתה וגם גלה אתה למקומךSelect 2 Samuel 15:19

20תמול בואך והיום אנועך (אניעך) עמנו ללכת ואני הולך על אשר אני הולך שוב והשב את אחיך עמך חסד ואמתSelect 2 Samuel 15:20

21ויען אתי את המלך ויאמר חי יהוה וחי אדני המלך כי אם ( ) במקום אשר יהיה שם אדני המלך אם למות אם לחיים כי שם יהיה עבדךSelect 2 Samuel 15:21

22ויאמר דוד אל אתי לך ועבר ויעבר אתי הגתי וכל אנשיו וכל הטף אשר אתוSelect 2 Samuel 15:22

23וכל הארץ בוכים קול גדול וכל העם עברים והמלך עבר בנחל קדרון וכל העם עברים על פני דרך את המדברSelect 2 Samuel 15:23

24והנה גם צדוק וכל הלוים אתו נשאים את ארון ברית האלהים ויצקו את ארון האלהים ויעל אביתר—עד תם כל העם לעבור מן העירSelect 2 Samuel 15:24

25ויאמר המלך לצדוק השב את ארון האלהים העיר אם אמצא חן בעיני יהוה—והשבני והראני אתו ואת נוהוSelect 2 Samuel 15:25

26ואם כה יאמר לא חפצתי בך הנני—יעשה לי כאשר טוב בעיניוSelect 2 Samuel 15:26

27ויאמר המלך אל צדוק הכהן הרואה אתה שבה העיר בשלום ואחימעץ בנך ויהונתן בן אביתר שני בניכם—אתכםSelect 2 Samuel 15:27

28ראו אנכי מתמהמה בעברות (בערבות) המדבר—עד בוא דבר מעמכם להגיד ליSelect 2 Samuel 15:28

29וישב צדוק ואביתר את ארון האלהים ירושלם וישבו שםSelect 2 Samuel 15:29

30ודוד עלה במעלה הזיתים עלה ובוכה וראש לו חפוי והוא הלך יחף וכל העם אשר אתו חפו איש ראשו ועלו עלה ובכהSelect 2 Samuel 15:30

31ודוד הגיד לאמר אחיתפל בקשרים עם אבשלום ויאמר דוד סכל נא את עצת אחיתפל יהוהSelect 2 Samuel 15:31

32ויהי דוד בא עד הראש אשר ישתחוה שם לאלהים והנה לקראתו חושי הארכי קרוע כתנתו ואדמה על ראשוSelect 2 Samuel 15:32

33ויאמר לו דוד אם עברת אתי והית עלי למשאSelect 2 Samuel 15:33

34ואם העיר תשוב ואמרת לאבשלום עבדך אני המלך אהיה—עבד אביך ואני מאז ועתה ואני עבדך והפרתה לי את עצת אחיתפלSelect 2 Samuel 15:34

35והלוא עמך שם צדוק ואביתר הכהנים והיה כל הדבר אשר תשמע מבית המלך—תגיד לצדוק ולאביתר הכהניםSelect 2 Samuel 15:35

36הנה שם עמם שני בניהם—אחימעץ לצדוק ויהונתן לאביתר ושלחתם בידם אלי כל דבר אשר תשמעוSelect 2 Samuel 15:36

37ויבא חושי רעה דוד העיר ואבשלום יבוא ירושלםSelect 2 Samuel 15:37