162 Samuel 16

1ודוד עבר מעט מהראש והנה ציבא נער מפיבשת לקראתו וצמד חמרים חבשים ועליהם מאתים לחם ומאה צמוקים ומאה קיץ—ונבל ייןSelect 2 Samuel 16:1

2ויאמר המלך אל ציבא מה אלה לך ויאמר ציבא החמורים לבית המלך לרכב ולהלחם (והלחם) והקיץ לאכול הנערים והיין לשתות היעף במדברSelect 2 Samuel 16:2

3ויאמר המלך ואיה בן אדניך ויאמר ציבא אל המלך הנה יושב בירושלם—כי אמר היום ישיבו לי בית ישראל את ממלכות אביSelect 2 Samuel 16:3

4ויאמר המלך לצבא הנה לך כל אשר למפיבשת ויאמר ציבא השתחויתי אמצא חן בעיניך אדני המלךSelect 2 Samuel 16:4

5ובא המלך דוד עד בחורים והנה משם איש יוצא ממשפחת בית שאול ושמו שמעי בן גרא יצא יצוא ומקללSelect 2 Samuel 16:5

6ויסקל באבנים את דוד ואת כל עבדי המלך דוד וכל העם וכל הגברים מימינו ומשמאלוSelect 2 Samuel 16:6

7וכה אמר שמעי בקללו צא צא איש הדמים ואיש הבליעלSelect 2 Samuel 16:7

8השיב עליך יהוה כל דמי בית שאול אשר מלכת תחתו ויתן יהוה את המלוכה ביד אבשלום בנך והנך ברעתך כי איש דמים אתהSelect 2 Samuel 16:8

9ויאמר אבישי בן צרויה אל המלך למה יקלל הכלב המת הזה את אדני המלך אעברה נא ואסירה את ראשוSelect 2 Samuel 16:9

10ויאמר המלך מה לי ולכם בני צריה כי (כה) יקלל וכי (כי) יהוה אמר לו קלל את דוד ומי יאמר מדוע עשיתה כןSelect 2 Samuel 16:10

11ויאמר דוד אל אבישי ואל כל עבדיו הנה בני אשר יצא ממעי מבקש את נפשי ואף כי עתה בן הימיני הנחו לו ויקלל—כי אמר לו יהוהSelect 2 Samuel 16:11

12אולי יראה יהוה בעוני (בעיני) והשיב יהוה לי טובה תחת קללתו היום הזהSelect 2 Samuel 16:12

13וילך דוד ואנשיו בדרך ושמעי הלך בצלע ההר לעמתו הלוך ויקלל ויסקל באבנים לעמתו ועפר בעפרSelect 2 Samuel 16:13

14ויבא המלך וכל העם אשר אתו עיפים וינפש שםSelect 2 Samuel 16:14

15ואבשלום וכל העם איש ישראל באו ירושלם ואחיתפל אתוSelect 2 Samuel 16:15

16ויהי כאשר בא חושי הארכי רעה דוד—אל אבשלום ויאמר חושי אל אבשלום יחי המלך יחי המלךSelect 2 Samuel 16:16

17ויאמר אבשלום אל חושי זה חסדך את רעך למה לא הלכת את רעךSelect 2 Samuel 16:17

18ויאמר חושי אל אבשלם לא כי אשר בחר יהוה והעם הזה וכל איש ישראל—לא (לו) אהיה ואתו אשבSelect 2 Samuel 16:18

19והשנית למי אני אעבד—הלוא לפני בנו כאשר עבדתי לפני אביך כן אהיה לפניךSelect 2 Samuel 16:19

20ויאמר אבשלום אל אחיתפל הבו לכם עצה מה נעשהSelect 2 Samuel 16:20

21ויאמר אחיתפל אל אבשלם בוא אל פלגשי אביך אשר הניח לשמור הבית ושמע כל ישראל כי נבאשת את אביך וחזקו ידי כל אשר אתךSelect 2 Samuel 16:21

22ויטו לאבשלום האהל על הגג ויבא אבשלום אל פלגשי אביו לעיני כל ישראלSelect 2 Samuel 16:22

23ועצת אחיתפל אשר יעץ בימים ההם כאשר ישאל (איש) בדבר האלהים כן כל עצת אחיתפל גם לדוד גם לאבשלםSelect 2 Samuel 16:23