182 Samuel 18

1ויפקד דוד את העם אשר אתו וישם עליהם שרי אלפים ושרי מאותSelect 2 Samuel 18:1

2וישלח דוד את העם השלשית ביד יואב והשלשית ביד אבישי בן צרויה אחי יואב והשלשת ביד אתי הגתי ויאמר המלך אל העם יצא אצא גם אני עמכםSelect 2 Samuel 18:2

3ויאמר העם לא תצא כי אם נס ננוס לא ישימו אלינו לב ואם ימתו חצינו לא ישימו אלינו לב—כי עתה כמנו עשרה אלפים ועתה טוב כי תהיה לנו מעיר לעזיר (לעזור)Select 2 Samuel 18:3

4ויאמר אליהם המלך אשר ייטב בעיניכם אעשה ויעמד המלך אל יד השער וכל העם יצאו למאות ולאלפיםSelect 2 Samuel 18:4

5ויצו המלך את יואב ואת אבישי ואת אתי לאמר לאט לי לנער לאבשלום וכל העם שמעו בצות המלך את כל השרים—על דבר אבשלוםSelect 2 Samuel 18:5

6ויצא העם השדה לקראת ישראל ותהי המלחמה ביער אפריםSelect 2 Samuel 18:6

7וינגפו שם עם ישראל לפני עבדי דוד ותהי שם המגפה גדולה ביום ההוא—עשרים אלףSelect 2 Samuel 18:7

8ותהי שם המלחמה נפצות (נפוצת) על פני כל הארץ וירב היער לאכל בעם מאשר אכלה החרב ביום ההואSelect 2 Samuel 18:8

9ויקרא אבשלום לפני עבדי דוד ואבשלום רכב על הפרד ויבא הפרד תחת שובך האלה הגדולה ויחזק ראשו באלה ויתן בין השמים ובין הארץ והפרד אשר תחתיו עברSelect 2 Samuel 18:9

10וירא איש אחד ויגד ליואב ויאמר הנה ראיתי את אבשלם תלוי באלהSelect 2 Samuel 18:10

11ויאמר יואב לאיש המגיד לו והנה ראית ומדוע לא הכיתו שם ארצה ועלי לתת לך עשרה כסף וחגרה אחתSelect 2 Samuel 18:11

12ויאמר האיש אל יואב ולא (ולוא) אנכי שקל על כפי אלף כסף לא אשלח ידי אל בן המלך כי באזנינו צוה המלך אתך ואת אבישי ואת אתי לאמר שמרו מי בנער באבשלוםSelect 2 Samuel 18:12

13או עשיתי בנפשו (בנפשי) שקר וכל דבר לא יכחד מן המלך ואתה תתיצב מנגדSelect 2 Samuel 18:13

14ויאמר יואב לא כן אחילה לפניך ויקח שלשה שבטים בכפו ויתקעם בלב אבשלום—עודנו חי בלב האלהSelect 2 Samuel 18:14

15ויסבו עשרה נערים נשאי כלי יואב ויכו את אבשלום וימתהוSelect 2 Samuel 18:15

16ויתקע יואב בשפר וישב העם מרדף אחרי ישראל כי חשך יואב את העםSelect 2 Samuel 18:16

17ויקחו את אבשלום וישלכו אתו ביער אל הפחת הגדול ויצבו עליו גל אבנים גדול מאד וכל ישראל—נסו איש לאהלוSelect 2 Samuel 18:17

18ואבשלם לקח ויצב לו בחיו את מצבת אשר בעמק המלך—כי אמר אין לי בן בעבור הזכיר שמי ויקרא למצבת על שמו ויקרא לה יד אבשלום עד היום הזהSelect 2 Samuel 18:18

19ואחימעץ בן צדוק אמר ארוצה נא ואבשרה את המלך כי שפטו יהוה מיד איביוSelect 2 Samuel 18:19

20ויאמר לו יואב לא איש בשרה אתה היום הזה ובשרת ביום אחר והיום הזה לא תבשר כי על (כן) בן המלך מתSelect 2 Samuel 18:20

21ויאמר יואב לכושי לך הגד למלך אשר ראיתה וישתחו כושי ליואב וירץSelect 2 Samuel 18:21

22ויסף עוד אחימעץ בן צדוק ויאמר אל יואב ויהי מה ארצה נא גם אני אחרי הכושי ויאמר יואב למה זה אתה רץ בני ולכה אין בשורה מצאתSelect 2 Samuel 18:22

23ויהי מה ארוץ ויאמר לו רוץ וירץ אחימעץ דרך הככר ויעבר את הכושיSelect 2 Samuel 18:23

24ודוד יושב בין שני השערים וילך הצפה אל גג השער אל החומה וישא את עיניו וירא והנה איש רץ לבדוSelect 2 Samuel 18:24

25ויקרא הצפה ויגד למלך ויאמר המלך אם לבדו בשורה בפיו וילך הלוך וקרבSelect 2 Samuel 18:25

26וירא הצפה איש אחר רץ ויקרא הצפה אל השער ויאמר הנה איש רץ לבדו ויאמר המלך גם זה מבשרSelect 2 Samuel 18:26

27ויאמר הצפה אני ראה את מרוצת הראשון כמרצת אחימעץ בן צדוק ויאמר המלך איש טוב זה ואל בשורה טובה יבואSelect 2 Samuel 18:27

28ויקרא אחימעץ ויאמר אל המלך שלום וישתחו למלך לאפיו ארצה ויאמר ברוך יהוה אלהיך אשר סגר את האנשים אשר נשאו את ידם באדני המלךSelect 2 Samuel 18:28

29ויאמר המלך שלום לנער לאבשלום ויאמר אחימעץ ראיתי ההמון הגדול לשלח את עבד המלך יואב ואת עבדך ולא ידעתי מהSelect 2 Samuel 18:29

30ויאמר המלך סב התיצב כה ויסב ויעמדSelect 2 Samuel 18:30

31והנה הכושי בא ויאמר הכושי יתבשר אדני המלך—כי שפטך יהוה היום מיד כל הקמים עליךSelect 2 Samuel 18:31

32ויאמר המלך אל הכושי השלום לנער לאבשלום ויאמר הכושי יהיו כנער איבי אדני המלך וכל אשר קמו עליך לרעהSelect 2 Samuel 18:32