192 Samuel 19

1וירגז המלך ויעל על עלית השער—ויבך וכה אמר בלכתו בני אבשלום בני בני אבשלום מי יתן מותי אני תחתיך אבשלום בני בניSelect 2 Samuel 19:1

2ויגד ליואב הנה המלך בכה ויתאבל על אבשלוםSelect 2 Samuel 19:2

3ותהי התשעה ביום ההוא לאבל—לכל העם כי שמע העם ביום ההוא לאמר נעצב המלך על בנוSelect 2 Samuel 19:3

4ויתגנב העם ביום ההוא לבוא העיר כאשר יתגנב העם הנכלמים—בנוסם במלחמהSelect 2 Samuel 19:4

5והמלך לאט את פניו ויזעק המלך קול גדול בני אבשלום אבשלום בני בניSelect 2 Samuel 19:5

6ויבא יואב אל המלך הבית ויאמר הבשת היום את פני כל עבדיך הממלטים את נפשך היום ואת נפש בניך ובנתיך ונפש נשיך ונפש פלגשיךSelect 2 Samuel 19:6

7לאהבה את שנאיך ולשנא את אהביך כי הגדת היום כי אין לך שרים ועבדים—כי ידעתי היום כי לא (לוא) אבשלום חי וכלנו היום מתים כי אז ישר בעיניךSelect 2 Samuel 19:7

8ועתה קום צא ודבר על לב עבדיך כי ביהוה נשבעתי כי אינך יוצא אם ילין איש אתך הלילה ורעה לך זאת מכל הרעה אשר באה עליך מנעריך עד עתהSelect 2 Samuel 19:8

9ויקם המלך וישב בשער ולכל העם הגידו לאמר הנה המלך יושב בשער ויבא כל העם לפני המלך וישראל נס איש לאהליוSelect 2 Samuel 19:9

10ויהי כל העם נדון בכל שבטי ישראל לאמר המלך הצילנו מכף איבינו והוא מלטנו מכף פלשתים ועתה ברח מן הארץ מעל אבשלוםSelect 2 Samuel 19:10

11ואבשלום אשר משחנו עלינו מת במלחמה ועתה למה אתם מחרשים—להשיב את המלךSelect 2 Samuel 19:11

12והמלך דוד שלח אל צדוק ואל אביתר הכהנים לאמר דברו אל זקני יהודה לאמר למה תהיו אחרנים להשיב את המלך אל ביתו ודבר כל ישראל בא אל המלך אל ביתוSelect 2 Samuel 19:12

13אחי אתם עצמי ובשרי אתם ולמה תהיו אחרנים להשיב את המלךSelect 2 Samuel 19:13

14ולעמשא תמרו הלוא עצמי ובשרי אתה כה יעשה לי אלהים וכה יוסיף אם לא שר צבא תהיה לפני כל הימים תחת יואבSelect 2 Samuel 19:14

15ויט את לבב כל איש יהודה כאיש אחד וישלחו אל המלך שוב אתה וכל עבדיךSelect 2 Samuel 19:15

16וישב המלך ויבא עד הירדן ויהודה בא הגלגלה ללכת לקראת המלך להעביר את המלך את הירדןSelect 2 Samuel 19:16

17וימהר שמעי בן גרא בן הימיני אשר מבחורים וירד עם איש יהודה לקראת המלך דודSelect 2 Samuel 19:17

18ואלף איש עמו מבנימן וציבא נער בית שאול וחמשת עשר בניו ועשרים עבדיו אתו וצלחו הירדן לפני המלךSelect 2 Samuel 19:18

19ועברה העברה לעביר את בית המלך ולעשות הטוב בעינו ושמעי בן גרא נפל לפני המלך בעברו בירדןSelect 2 Samuel 19:19

20ויאמר אל המלך אל יחשב לי אדני עון ואל תזכר את אשר העוה עבדך ביום אשר יצא אדני המלך מירושלם—לשום המלך אל לבוSelect 2 Samuel 19:20

21כי ידע עבדך כי אני חטאתי והנה באתי היום ראשון לכל בית יוסף לרדת לקראת אדני המלךSelect 2 Samuel 19:21

22ויען אבישי בן צרויה ויאמר התחת זאת לא יומת שמעי כי קלל את משיח יהוהSelect 2 Samuel 19:22

23ויאמר דוד מה לי ולכם בני צרויה—כי תהיו לי היום לשטן היום יומת איש בישראל—כי הלוא ידעתי כי היום אני מלך על ישראלSelect 2 Samuel 19:23

24ויאמר המלך אל שמעי לא תמות וישבע לו המלךSelect 2 Samuel 19:24

25ומפבשת בן שאול ירד לקראת המלך ולא עשה רגליו ולא עשה שפמו ואת בגדיו לא כבס למן היום לכת המלך עד היום אשר בא בשלוםSelect 2 Samuel 19:25

26ויהי כי בא ירושלם לקראת המלך ויאמר לו המלך למה לא הלכת עמי מפיבשתSelect 2 Samuel 19:26

27ויאמר אדני המלך עבדי רמני כי אמר עבדך אחבשה לי החמור וארכב עליה ואלך את המלך—כי פסח עבדךSelect 2 Samuel 19:27

28וירגל בעבדך אל אדני המלך ואדני המלך כמלאך האלהים ועשה הטוב בעיניךSelect 2 Samuel 19:28

29כי לא היה כל בית אבי כי אם אנשי מות לאדני המלך ותשת את עבדך באכלי שלחנך ומה יש לי עוד צדקה ולזעק עוד אל המלךSelect 2 Samuel 19:29

30ויאמר לו המלך למה תדבר עוד דבריך אמרתי—אתה וציבא תחלקו את השדהSelect 2 Samuel 19:30

31ויאמר מפיבשת אל המלך גם את הכל יקח אחרי אשר בא אדני המלך בשלום—אל ביתוSelect 2 Samuel 19:31

32וברזלי הגלעדי ירד מרגלים ויעבר את המלך הירדן לשלחו את בירדן (הירדן)Select 2 Samuel 19:32

33וברזלי זקן מאד בן שמנים שנה והוא כלכל את המלך בשיבתו במחנים כי איש גדול הוא מאדSelect 2 Samuel 19:33

34ויאמר המלך אל ברזלי אתה עבר אתי וכלכלתי אתך עמדי בירושלםSelect 2 Samuel 19:34

35ויאמר ברזלי אל המלך כמה ימי שני חיי כי אעלה את המלך ירושלםSelect 2 Samuel 19:35

36בן שמנים שנה אנכי היום האדע בין טוב לרע אם יטעם עבדך את אשר אכל ואת אשר אשתה אם אשמע עוד בקול שרים ושרות ולמה יהיה עבדך עוד למשא אל אדני המלךSelect 2 Samuel 19:36

37כמעט יעבר עבדך את הירדן—את המלך ולמה יגמלני המלך הגמולה הזאתSelect 2 Samuel 19:37

38ישב נא עבדך ואמת בעירי עם קבר אבי ואמי והנה עבדך כמהם יעבר עם אדני המלך ועשה לו את אשר טוב בעיניךSelect 2 Samuel 19:38

39ויאמר המלך אתי יעבר כמהם ואני אעשה לו את הטוב בעיניך וכל אשר תבחר עלי אעשה לךSelect 2 Samuel 19:39

40ויעבר כל העם את הירדן והמלך עבר וישק המלך לברזלי ויברכהו וישב למקמוSelect 2 Samuel 19:40

41ויעבר המלך הגלגלה וכמהן עבר עמו וכל עם יהודה ויעברו (העברו) את המלך וגם חצי עם ישראלSelect 2 Samuel 19:41

42והנה כל איש ישראל באים אל המלך ויאמרו אל המלך מדוע גנבוך אחינו איש יהודה ויעברו את המלך ואת ביתו את הירדן וכל אנשי דוד עמוSelect 2 Samuel 19:42

43ויען כל איש יהודה על איש ישראל כי קרוב המלך אלי ולמה זה חרה לך על הדבר הזה האכול אכלנו מן המלך אם נשאת נשא לנוSelect 2 Samuel 19:43

44ויען איש ישראל את איש יהודה ויאמר עשר ידות לי במלך וגם בדוד אני ממך ומדוע הקלתני ולא היה דברי ראשון לי להשיב את מלכי ויקש דבר איש יהודה מדבר איש ישראלSelect 2 Samuel 19:44