22 Samuel 2

1ויהי אחרי כן וישאל דוד ביהוה לאמר האעלה באחת ערי יהודה ויאמר יהוה אליו עלה ויאמר דוד אנה אעלה ויאמר חברנהSelect 2 Samuel 2:1

2ויעל שם דוד וגם שתי נשיו—אחינעם היזרעלית ואביגיל אשת נבל הכרמליSelect 2 Samuel 2:2

3ואנשיו אשר עמו העלה דוד איש וביתו וישבו בערי חברוןSelect 2 Samuel 2:3

4ויבאו אנשי יהודה וימשחו שם את דוד למלך על בית יהודה ויגדו לדוד לאמר אנשי יביש גלעד אשר קברו את שאולSelect 2 Samuel 2:4

5וישלח דוד מלאכים אל אנשי יביש גלעד ויאמר אליהם ברכים אתם ליהוה אשר עשיתם החסד הזה עם אדניכם עם שאול ותקברו אתוSelect 2 Samuel 2:5

6ועתה יעש יהוה עמכם חסד ואמת וגם אנכי אעשה אתכם הטובה הזאת אשר עשיתם הדבר הזהSelect 2 Samuel 2:6

7ועתה תחזקנה ידיכם והיו לבני חיל—כי מת אדניכם שאול וגם אתי משחו בית יהודה למלך—עליהםSelect 2 Samuel 2:7

8ואבנר בן נר שר צבא אשר לשאול—לקח את איש בשת בן שאול ויעברהו מחניםSelect 2 Samuel 2:8

9וימלכהו אל הגלעד ואל האשורי ואל יזרעאל ועל אפרים ועל בנימן ועל ישראל כלהSelect 2 Samuel 2:9

10בן ארבעים שנה איש בשת בן שאול במלכו על ישראל ושתים שנים מלך אך בית יהודה היו אחרי דודSelect 2 Samuel 2:10

11ויהי מספר הימים אשר היה דוד מלך בחברון על בית יהודה—שבע שנים וששה חדשיםSelect 2 Samuel 2:11

12ויצא אבנר בן נר ועבדי איש בשת בן שאול ממחנים גבעונהSelect 2 Samuel 2:12

13ויואב בן צרויה ועבדי דוד יצאו ויפגשום על ברכת גבעון יחדו וישבו אלה על הברכה מזה ואלה על הברכה מזהSelect 2 Samuel 2:13

14ויאמר אבנר אל יואב יקומו נא הנערים וישחקו לפנינו ויאמר יואב יקמוSelect 2 Samuel 2:14

15ויקמו ויעברו במספר—שנים עשר לבנימן ולאיש בשת בן שאול ושנים עשר מעבדי דודSelect 2 Samuel 2:15

16ויחזקו איש בראש רעהו וחרבו בצד רעהו ויפלו יחדו ויקרא למקום ההוא חלקת הצרים אשר בגבעוןSelect 2 Samuel 2:16

17ותהי המלחמה קשה עד מאד ביום ההוא וינגף אבנר ואנשי ישראל לפני עבדי דודSelect 2 Samuel 2:17

18ויהיו שם שלשה בני צרויה—יואב ואבישי ועשהאל ועשהאל קל ברגליו כאחד הצבים אשר בשדהSelect 2 Samuel 2:18

19וירדף עשהאל אחרי אבנר ולא נטה ללכת על הימין ועל השמאול מאחרי אבנרSelect 2 Samuel 2:19

20ויפן אבנר אחריו ויאמר האתה זה עשהאל ויאמר אנכיSelect 2 Samuel 2:20

21ויאמר לו אבנר נטה לך על ימינך או על שמאלך ואחז לך אחד מהנערים וקח לך את חלצתו ולא אבה עשהאל לסור מאחריוSelect 2 Samuel 2:21

22ויסף עוד אבנר לאמר אל עשהאל סור לך מאחרי למה אככה ארצה ואיך אשא פני אל יואב אחיךSelect 2 Samuel 2:22

23וימאן לסור ויכהו אבנר באחרי החנית אל החמש ותצא החנית מאחריו ויפל שם וימת תחתו ויהי כל הבא אל המקום אשר נפל שם עשהאל וימת—ויעמדוSelect 2 Samuel 2:23

24וירדפו יואב ואבישי אחרי אבנר והשמש באה—והמה באו עד גבעת אמה אשר על פני גיח דרך מדבר גבעוןSelect 2 Samuel 2:24

25ויתקבצו בני בנימן אחרי אבנר ויהיו לאגדה אחת ויעמדו על ראש גבעה אחתSelect 2 Samuel 2:25

26ויקרא אבנר אל יואב ויאמר הלנצח תאכל חרב—הלוא ידעתה כי מרה תהיה באחרונה ועד מתי לא תאמר לעם לשוב מאחרי אחיהםSelect 2 Samuel 2:26

27ויאמר יואב—חי האלהים כי לולא דברת כי אז מהבקר נעלה העם איש מאחרי אחיוSelect 2 Samuel 2:27

28ויתקע יואב בשופר ויעמדו כל העם ולא ירדפו עוד אחרי ישראל ולא יספו עוד להלחםSelect 2 Samuel 2:28

29ואבנר ואנשיו הלכו בערבה כל הלילה ההוא ויעברו את הירדן וילכו כל הבתרון ויבאו מחניםSelect 2 Samuel 2:29

30ויואב שב מאחרי אבנר ויקבץ את כל העם ויפקדו מעבדי דוד תשעה עשר איש—ועשהאלSelect 2 Samuel 2:30

31ועבדי דוד הכו מבנימן ובאנשי אבנר שלש מאות וששים איש מתוSelect 2 Samuel 2:31

32וישאו את עשהאל ויקברהו בקבר אביו אשר בית לחם וילכו כל הלילה יואב ואנשיו ויאר להם בחברוןSelect 2 Samuel 2:32