202 Samuel 20

1ושם נקרא איש בליעל ושמו שבע בן בכרי—איש ימיני ויתקע בשפר ויאמר אין לנו חלק בדוד ולא נחלה לנו בבן ישי—איש לאהליו ישראלSelect 2 Samuel 20:1

2ויעל כל איש ישראל מאחרי דוד אחרי שבע בן בכרי ואיש יהודה דבקו במלכם מן הירדן ועד ירושלםSelect 2 Samuel 20:2

3ויבא דוד אל ביתו ירושלם ויקח המלך את עשר נשים פלגשים אשר הניח לשמר הבית ויתנם בית משמרת ויכלכלם ואליהם לא בא ותהיינה צררות עד יום מתן אלמנות חיותSelect 2 Samuel 20:3

4ויאמר המלך אל עמשא הזעק לי את איש יהודה שלשת ימים ואתה פה עמדSelect 2 Samuel 20:4

5וילך עמשא להזעיק את יהודה וייחר (ויוחר) מן המועד אשר יעדוSelect 2 Samuel 20:5

6ויאמר דוד אל אבישי עתה ירע לנו שבע בן בכרי מן אבשלום אתה קח את עבדי אדניך ורדף אחריו—פן מצא לו ערים בצרות והציל עיננוSelect 2 Samuel 20:6

7ויצאו אחריו אנשי יואב והכרתי והפלתי וכל הגברים ויצאו מירושלם לרדף אחרי שבע בן בכריSelect 2 Samuel 20:7

8הם עם האבן הגדולה אשר בגבעון ועמשא בא לפניהם ויואב חגור מדו לבשו ועלו חגור חרב מצמדת על מתניו בתערה והוא יצא ותפלSelect 2 Samuel 20:8

9ויאמר יואב לעמשא השלום אתה אחי ותחז יד ימין יואב בזקן עמשא—לנשק לוSelect 2 Samuel 20:9

10ועמשא לא נשמר בחרב אשר ביד יואב ויכהו בה אל החמש וישפך מעיו ארצה ולא שנה לו—וימת ויואב ואבישי אחיו רדף אחרי שבע בן בכריSelect 2 Samuel 20:10

11ואיש עמד עליו מנערי יואב ויאמר מי אשר חפץ ביואב ומי אשר לדוד—אחרי יואבSelect 2 Samuel 20:11

12ועמשא מתגלל בדם בתוך המסלה וירא האיש כי עמד כל העם ויסב את עמשא מן המסלה השדה וישלך עליו בגד כאשר ראה כל הבא עליו ועמדSelect 2 Samuel 20:12

13כאשר הגה מן המסלה—עבר כל איש אחרי יואב לרדף אחרי שבע בן בכריSelect 2 Samuel 20:13

14ויעבר בכל שבטי ישראל אבלה ובית מעכה—וכל הברים ויקלהו (ויקהלו) ויבאו אף אחריוSelect 2 Samuel 20:14

15ויבאו ויצרו עליו באבלה בית המעכה וישפכו סללה אל העיר ותעמד בחל וכל העם אשר את יואב משחיתם להפיל החומהSelect 2 Samuel 20:15

16ותקרא אשה חכמה מן העיר שמעו שמעו אמרו נא אל יואב קרב עד הנה ואדברה אליךSelect 2 Samuel 20:16

17ויקרב אליה ותאמר האשה האתה יואב ויאמר אני ותאמר לו שמע דברי אמתך ויאמר שמע אנכיSelect 2 Samuel 20:17

18ותאמר לאמר דבר ידברו בראשנה לאמר שאול ישאלו באבל וכן התמוSelect 2 Samuel 20:18

19אנכי שלמי אמוני ישראל אתה מבקש להמית עיר ואם בישראל—למה תבלע נחלת יהוהSelect 2 Samuel 20:19

20ויען יואב ויאמר חלילה חלילה לי אם אבלע ואם אשחיתSelect 2 Samuel 20:20

21לא כן הדבר כי איש מהר אפרים שבע בן בכרי שמו נשא ידו במלך בדוד—תנו אתו לבדו ואלכה מעל העיר ותאמר האשה אל יואב הנה ראשו משלך אליך בעד החומהSelect 2 Samuel 20:21

22ותבוא האשה אל כל העם בחכמתה ויכרתו את ראש שבע בן בכרי וישלכו אל יואב ויתקע בשפר ויפצו מעל העיר איש לאהליו ויואב שב ירושלם אל המלךSelect 2 Samuel 20:22

23ויואב אל כל הצבא ישראל ובניה בן יהוידע על הכרי (הכרתי) ועל הפלתיSelect 2 Samuel 20:23

24ואדרם על המס ויהושפט בן אחילוד המזכירSelect 2 Samuel 20:24

25ושיא (ושוא) ספר וצדוק ואביתר כהניםSelect 2 Samuel 20:25

26וגם עירא היארי היה כהן לדודSelect 2 Samuel 20:26