242 Samuel 24

1ויסף אף יהוה לחרות בישראל ויסת את דוד בהם לאמר לך מנה את ישראל ואת יהודהSelect 2 Samuel 24:1

2ויאמר המלך אל יואב שר החיל אשר אתו שוט נא בכל שבטי ישראל מדן ועד באר שבע ופקדו את העם וידעתי את מספר העםSelect 2 Samuel 24:2

3ויאמר יואב אל המלך ויוסף יהוה אלהיך אל העם כהם וכהם מאה פעמים ועיני אדני המלך ראות ואדני המלך למה חפץ בדבר הזהSelect 2 Samuel 24:3

4ויחזק דבר המלך אל יואב ועל שרי החיל ויצא יואב ושרי החיל לפני המלך לפקד את העם את ישראלSelect 2 Samuel 24:4

5ויעברו את הירדן ויחנו בערוער ימין העיר אשר בתוך הנחל הגד—ואל יעזרSelect 2 Samuel 24:5

6ויבאו הגלעדה ואל ארץ תחתים חדשי ויבאו דנה יען וסביב אל צידוןSelect 2 Samuel 24:6

7ויבאו מבצר צר וכל ערי החוי והכנעני ויצאו אל נגב יהודה באר שבעSelect 2 Samuel 24:7

8וישטו בכל הארץ ויבאו מקצה תשעה חדשים ועשרים יום—ירושלםSelect 2 Samuel 24:8

9ויתן יואב את מספר מפקד העם אל המלך ותהי ישראל שמנה מאות אלף איש חיל שלף חרב ואיש יהודה חמש מאות אלף אישSelect 2 Samuel 24:9

10ויך לב דוד אתו אחרי כן ספר את העם ויאמר דוד אל יהוה חטאתי מאד אשר עשיתי ועתה יהוה העבר נא את עון עבדך כי נסכלתי מאדSelect 2 Samuel 24:10

11ויקם דוד בבקר ודבר יהוה היה אל גד הנביא חזה דוד לאמרSelect 2 Samuel 24:11

12הלוך ודברת אל דוד כה אמר יהוה—שלש אנכי נוטל עליך בחר לך אחת מהם ואעשה לךSelect 2 Samuel 24:12

13ויבא גד אל דוד ויגד לו ויאמר לו התבוא לך שבע שנים רעב בארצך אם שלשה חדשים נסך לפני צריך והוא רדפך ואם היות שלשת ימים דבר בארצך—עתה דע וראה מה אשיב שלחי דברSelect 2 Samuel 24:13

14ויאמר דוד אל גד צר לי מאד נפלה נא ביד יהוה כי רבים רחמו וביד אדם אל אפלהSelect 2 Samuel 24:14

15ויתן יהוה דבר בישראל מהבקר ועד עת מועד וימת מן העם מדן ועד באר שבע שבעים אלף אישSelect 2 Samuel 24:15

16וישלח ידו המלאך ירושלם לשחתה וינחם יהוה אל הרעה ויאמר למלאך המשחית בעם רב עתה הרף ידך ומלאך יהוה היה עם גרן האורנה (הארונה) היבסיSelect 2 Samuel 24:16

17ויאמר דוד אל יהוה בראתו את המלאך המכה בעם ויאמר הנה אנכי חטאתי ואנכי העויתי ואלה הצאן מה עשו תהי נא ידך בי ובבית אביSelect 2 Samuel 24:17

18ויבא גד אל דוד ביום ההוא ויאמר לו עלה הקם ליהוה מזבח בגרן ארניה (ארונה) היבסיSelect 2 Samuel 24:18

19ויעל דוד כדבר גד כאשר צוה יהוהSelect 2 Samuel 24:19

20וישקף ארונה וירא את המלך ואת עבדיו עברים עליו ויצא ארונה וישתחו למלך אפיו ארצהSelect 2 Samuel 24:20

21ויאמר ארונה מדוע בא אדני המלך אל עבדו ויאמר דוד לקנות מעמך את הגרן לבנות מזבח ליהוה ותעצר המגפה מעל העםSelect 2 Samuel 24:21

22ויאמר ארונה אל דוד יקח ויעל אדני המלך הטוב בעינו ראה הבקר לעלה והמרגים וכלי הבקר לעציםSelect 2 Samuel 24:22

23הכל נתן ארונה המלך—למלך ויאמר ארונה אל המלך יהוה אלהיך ירצךSelect 2 Samuel 24:23

24ויאמר המלך אל ארונה לא כי קנו אקנה מאותך במחיר ולא אעלה ליהוה אלהי עלות חנם ויקן דוד את הגרן ואת הבקר בכסף שקלים חמשיםSelect 2 Samuel 24:24

25ויבן שם דוד מזבח ליהוה ויעל עלות ושלמים ויעתר יהוה לארץ ותעצר המגפה מעל ישראלSelect 2 Samuel 24:25