14Judges 14

1וירד שמשון תמנתה וירא אשה בתמנתה מבנות פלשתיםSelect Judges 14:1

2ויעל ויגד לאביו ולאמו ויאמר אשה ראיתי בתמנתה מבנות פלשתים ועתה קחו אותה לי לאשהSelect Judges 14:2

3ויאמר לו אביו ואמו האין בבנות אחיך ובכל עמי אשה—כי אתה הולך לקחת אשה מפלשתים הערלים ויאמר שמשון אל אביו אותה קח לי כי היא ישרה בעיניSelect Judges 14:3

4ואביו ואמו לא ידעו כי מיהוה היא—כי תאנה הוא מבקש מפלשתים ובעת ההיא פלשתים משלים בישראלSelect Judges 14:4

5וירד שמשון ואביו ואמו תמנתה ויבאו עד כרמי תמנתה והנה כפיר אריות שאג לקראתוSelect Judges 14:5

6ותצלח עליו רוח יהוה וישסעהו כשסע הגדי ומאומה אין בידו ולא הגיד לאביו ולאמו את אשר עשהSelect Judges 14:6

7וירד וידבר לאשה ותישר בעיני שמשוןSelect Judges 14:7

8וישב מימים לקחתה ויסר לראות את מפלת האריה והנה עדת דבורים בגוית האריה ודבשSelect Judges 14:8

9וירדהו אל כפיו וילך הלוך ואכל וילך אל אביו ואל אמו ויתן להם ויאכלו ולא הגיד להם כי מגוית האריה רדה הדבשSelect Judges 14:9

10וירד אביהו אל האשה ויעש שם שמשון משתה כי כן יעשו הבחוריםSelect Judges 14:10

11ויהי כראותם אותו ויקחו שלשים מרעים ויהיו אתוSelect Judges 14:11

12ויאמר להם שמשון אחודה נא לכם חידה אם הגד תגידו אותה לי שבעת ימי המשתה ומצאתם—ונתתי לכם שלשים סדינים ושלשים חלפת בגדיםSelect Judges 14:12

13ואם לא תוכלו להגיד לי—ונתתם אתם לי שלשים סדינים ושלשים חליפות בגדים ויאמרו לו—חודה חידתך ונשמענהSelect Judges 14:13

14ויאמר להם מהאכל יצא מאכל ומעז יצא מתוק ולא יכלו להגיד החידה שלשת ימיםSelect Judges 14:14

15ויהי ביום השביעי ויאמרו לאשת שמשון פתי את אישך ויגד לנו את החידה—פן נשרף אותך ואת בית אביך באש הלירשנו קראתם לנו הלאSelect Judges 14:15

16ותבך אשת שמשון עליו ותאמר רק שנאתני ולא אהבתני—החידה חדת לבני עמי ולי לא הגדתה ויאמר לה הנה לאבי ולאמי לא הגדתי—ולך אגידSelect Judges 14:16

17ותבך עליו שבעת הימים אשר היה להם המשתה ויהי ביום השביעי ויגד לה כי הציקתהו ותגד החידה לבני עמהSelect Judges 14:17

18ויאמרו לו אנשי העיר ביום השביעי בטרם יבא החרסה מה מתוק מדבש ומה עז מארי ויאמר להם—לולא חרשתם בעגלתי לא מצאתם חידתיSelect Judges 14:18

19ותצלח עליו רוח יהוה וירד אשקלון ויך מהם שלשים איש ויקח את חליצותם ויתן החליפות למגידי החידה ויחר אפו ויעל בית אביהוSelect Judges 14:19

20ותהי אשת שמשון למרעהו אשר רעה לוSelect Judges 14:20