15Judges 15

1ויהי מימים בימי קציר חטים ויפקד שמשון את אשתו בגדי עזים ויאמר אבאה אל אשתי החדרה ולא נתנו אביה לבואSelect Judges 15:1

2ויאמר אביה אמר אמרתי כי שנא שנאתה ואתננה למרעך הלא אחותה הקטנה טובה ממנה תהי נא לך תחתיהSelect Judges 15:2

3ויאמר להם שמשון נקיתי הפעם מפלשתים כי עשה אני עמם רעהSelect Judges 15:3

4וילך שמשון וילכד שלש מאות שועלים ויקח לפדים ויפן זנב אל זנב וישם לפיד אחד בין שני הזנבות בתוךSelect Judges 15:4

5ויבער אש בלפידים וישלח בקמות פלשתים ויבער מגדיש ועד קמה ועד כרם זיתSelect Judges 15:5

6ויאמרו פלשתים מי עשה זאת ויאמרו שמשון חתן התמני כי לקח את אשתו ויתנה למרעהו ויעלו פלשתים וישרפו אותה ואת אביה באשSelect Judges 15:6

7ויאמר להם שמשון אם תעשון כזאת כי אם נקמתי בכם ואחר אחדלSelect Judges 15:7

8ויך אותם שוק על ירך מכה גדולה וירד וישב בסעיף סלע עיטםSelect Judges 15:8

9ויעלו פלשתים ויחנו ביהודה וינטשו בלחיSelect Judges 15:9

10ויאמרו איש יהודה למה עליתם עלינו ויאמרו לאסור את שמשון עלינו לעשות לו כאשר עשה לנוSelect Judges 15:10

11וירדו שלשת אלפים איש מיהודה אל סעיף סלע עיטם ויאמרו לשמשון הלא ידעת כי משלים בנו פלשתים ומה זאת עשית לנו ויאמר להם—כאשר עשו לי כן עשיתי להםSelect Judges 15:11

12ויאמרו לו לאסרך ירדנו לתתך ביד פלשתים ויאמר להם שמשון השבעו לי פן תפגעון בי אתםSelect Judges 15:12

13ויאמרו לו לאמר לא כי אסר נאסרך ונתנוך בידם והמת לא נמיתך ויאסרהו בשנים עבתים חדשים ויעלוהו מן הסלעSelect Judges 15:13

14הוא בא עד לחי ופלשתים הריעו לקראתו ותצלח עליו רוח יהוה ותהיינה העבתים אשר על זרועותיו כפשתים אשר בערו באש וימסו אסוריו מעל ידיוSelect Judges 15:14

15וימצא לחי חמור טריה וישלח ידו ויקחה ויך בה אלף אישSelect Judges 15:15

16ויאמר שמשון—בלחי החמור חמור חמרתים בלחי החמור הכיתי אלף אישSelect Judges 15:16

17ויהי ככלתו לדבר וישלך הלחי מידו ויקרא למקום ההוא רמת לחיSelect Judges 15:17

18ויצמא מאד ויקרא אל יהוה ויאמר אתה נתת ביד עבדך את התשועה הגדלה הזאת ועתה אמות בצמא ונפלתי ביד הערליםSelect Judges 15:18

19ויבקע אלהים את המכתש אשר בלחי ויצאו ממנו מים וישת ותשב רוחו ויחי על כן קרא שמה עין הקורא אשר בלחי עד היום הזהSelect Judges 15:19

20וישפט את ישראל בימי פלשתים עשרים שנהSelect Judges 15:20