11Zechariah 11

1פתח לבנון דלתיך ותאכל אש בארזיךSelect Zechariah 11:1

2הילל ברוש כי נפל ארז אשר אדרים שדדו הילילו אלוני בשן כי ירד יער הבצור (הבציר)Select Zechariah 11:2

3קול יללת הרעים כי שדדה אדרתם קול שאגת כפירים כי שדד גאון הירדןSelect Zechariah 11:3

4כה אמר יהוה אלהי רעה את צאן ההרגהSelect Zechariah 11:4

5אשר קניהן יהרגן ולא יאשמו ומכריהן יאמר ברוך יהוה ואעשר ורעיהם לא יחמול עליהןSelect Zechariah 11:5

6כי לא אחמול עוד על ישבי הארץ—נאם יהוה והנה אנכי ממציא את האדם איש ביד רעהו וביד מלכו וכתתו את הארץ ולא אציל מידםSelect Zechariah 11:6

7וארעה את צאן ההרגה לכן עניי הצאן ואקח לי שני מקלות לאחד קראתי נעם ולאחד קראתי חבלים וארעה את הצאןSelect Zechariah 11:7

8ואכחד את שלשת הרעים בירח אחד ותקצר נפשי בהם וגם נפשם בחלה ביSelect Zechariah 11:8

9ואמר לא ארעה אתכם המתה תמות והנכחדת תכחד והנשארות תאכלנה אשה את בשר רעותהSelect Zechariah 11:9

10ואקח את מקלי את נעם ואגדע אתו—להפיר את בריתי אשר כרתי את כל העמיםSelect Zechariah 11:10

11ותפר ביום ההוא וידעו כן עניי הצאן השמרים אתי כי דבר יהוה הואSelect Zechariah 11:11

12ואמר אליהם אם טוב בעיניכם הבו שכרי—ואם לא חדלו וישקלו את שכרי שלשים כסףSelect Zechariah 11:12

13ויאמר יהוה אלי השליכהו אל היוצר אדר היקר אשר יקרתי מעליהם ואקחה שלשים הכסף ואשליך אתו בית יהוה אל היוצרSelect Zechariah 11:13

14ואגדע את מקלי השני את החבלים—להפר את האחוה בין יהודה ובין ישראלSelect Zechariah 11:14

15ויאמר יהוה אלי עוד קח לך כלי רעה אוליSelect Zechariah 11:15

16כי הנה אנכי מקים רעה בארץ הנכחדות לא יפקד הנער לא יבקש והנשברת לא ירפא הנצבה לא יכלכל ובשר הבריאה יאכל ופרסיהן יפרקSelect Zechariah 11:16

17הוי רעי האליל עזבי הצאן חרב על זרועו ועל עין ימינו זרעו יבוש תיבש ועין ימינו כהה תכההSelect Zechariah 11:17