12Zechariah 12

1משא דבר יהוה על ישראל נאם יהוה נטה שמים ויסד ארץ ויצר רוח אדם בקרבוSelect Zechariah 12:1

2הנה אנכי שם את ירושלם סף רעל לכל העמים—סביב וגם על יהודה יהיה במצור על ירושלםSelect Zechariah 12:2

3והיה ביום ההוא אשים את ירושלם אבן מעמסה לכל העמים—כל עמסיה שרוט ישרטו ונאספו עליה כל גויי הארץSelect Zechariah 12:3

4ביום ההוא נאם יהוה אכה כל סוס בתמהון ורכבו בשגעון ועל בית יהודה אפקח את עיני וכל סוס העמים אכה בעורוןSelect Zechariah 12:4

5ואמרו אלפי יהודה בלבם אמצה לי ישבי ירושלם ביהוה צבאות אלהיהםSelect Zechariah 12:5

6ביום ההוא אשים את אלפי יהודה ככיור אש בעצים וכלפיד אש בעמיר ואכלו על ימין ועל שמאול את כל העמים סביב וישבה ירושלם עוד תחתיה בירושלםSelect Zechariah 12:6

7והושע יהוה את אהלי יהודה בראשנה למען לא תגדל תפארת בית דויד ותפארת ישב ירושלם—על יהודהSelect Zechariah 12:7

8ביום ההוא יגן יהוה בעד יושב ירושלם והיה הנכשל בהם ביום ההוא כדויד ובית דויד כאלהים כמלאך יהוה לפניהםSelect Zechariah 12:8

9והיה ביום ההוא אבקש להשמיד את כל הגוים הבאים על ירושלםSelect Zechariah 12:9

10ושפכתי על בית דויד ועל יושב ירושלם רוח חן ותחנונים והביטו אלי את אשר דקרו וספדו עליו כמספד על היחיד והמר עליו כהמר על הבכורSelect Zechariah 12:10

11ביום ההוא יגדל המספד בירושלם כמספד הדדרמון בבקעת מגדוןSelect Zechariah 12:11

12וספדה הארץ משפחות משפחות לבד משפחת בית דויד לבד ונשיהם לבד—משפחת בית נתן לבד ונשיהם לבדSelect Zechariah 12:12

13משפחת בית לוי לבד ונשיהם לבד משפחת השמעי לבד ונשיהם לבדSelect Zechariah 12:13

14כל המשפחות הנשארות—משפחת משפחת לבד ונשיהם לבדSelect Zechariah 12:14