4Zechariah 4

1וישב המלאך הדבר בי ויעירני כאיש אשר יעור משנתוSelect Zechariah 4:1

2ויאמר אלי מה אתה ראה ויאמר (ואמר) ראיתי והנה מנורת זהב כלה וגלה על ראשה ושבעה נרתיה עליה—שבעה ושבעה מוצקות לנרות אשר על ראשהSelect Zechariah 4:2

3ושנים זיתים עליה אחד מימין הגלה ואחד על שמאלהSelect Zechariah 4:3

4ואען ואמר אל המלאך הדבר בי לאמר מה אלה אדניSelect Zechariah 4:4

5ויען המלאך הדבר בי ויאמר אלי הלוא ידעת מה המה אלה ואמר לא אדניSelect Zechariah 4:5

6ויען ויאמר אלי לאמר זה דבר יהוה אל זרבבל לאמר לא בחיל ולא בכח—כי אם ברוחי אמר יהוה צבאותSelect Zechariah 4:6

7מי אתה הר הגדול לפני זרבבל למישר והוציא את האבן הראשה—תשאות חן חן להSelect Zechariah 4:7

8ויהי דבר יהוה אלי לאמרSelect Zechariah 4:8

9ידי זרבבל יסדו הבית הזה—וידיו תבצענה וידעת כי יהוה צבאות שלחני אליכםSelect Zechariah 4:9

10כי מי בז ליום קטנות ושמחו וראו את האבן הבדיל ביד זרבבל שבעה אלה עיני יהוה המה משוטטים בכל הארץSelect Zechariah 4:10

11ואען ואמר אליו מה שני הזיתים האלה על ימין המנורה ועל שמאולהSelect Zechariah 4:11

12ואען שנית ואמר אליו מה שתי שבלי הזיתים אשר ביד שני צנתרות הזהב המריקים מעליהם הזהבSelect Zechariah 4:12

13ויאמר אלי לאמר הלוא ידעת מה אלה ואמר לא אדניSelect Zechariah 4:13

14ויאמר אלה שני בני היצהר העמדים על אדון כל הארץSelect Zechariah 4:14