9Zechariah 9

1משא דבר יהוה בארץ חדרך ודמשק מנחתו כי ליהוה עין אדם וכל שבטי ישראלSelect Zechariah 9:1

2וגם חמת תגבל בה צר וצידון כי חכמה מאדSelect Zechariah 9:2

3ותבן צר מצור לה ותצבר כסף כעפר וחרוץ כטיט חוצותSelect Zechariah 9:3

4הנה אדני יורשנה והכה בים חילה והיא באש תאכלSelect Zechariah 9:4

5תרא אשקלון ותירא ועזה ותחיל מאד ועקרון כי הביש מבטה ואבד מלך מעזה ואשקלון לא תשבSelect Zechariah 9:5

6וישב ממזר באשדוד והכרתי גאון פלשתיםSelect Zechariah 9:6

7והסרתי דמיו מפיו ושקציו מבין שניו ונשאר גם הוא לאלהינו והיה כאלף ביהודה ועקרון כיבוסיSelect Zechariah 9:7

8וחניתי לביתי מצבה מעבר ומשב ולא יעבר עליהם עוד נגש כי עתה ראיתי בעיניSelect Zechariah 9:8

9גילי מאד בת ציון הריעי בת ירושלם הנה מלכך יבוא לך צדיק ונושע הוא עני ורכב על חמור ועל עיר בן אתנותSelect Zechariah 9:9

10והכרתי רכב מאפרים וסוס מירושלם ונכרתה קשת מלחמה ודבר שלום לגוים ומשלו מים עד ים ומנהר עד אפסי ארץSelect Zechariah 9:10

11גם את בדם בריתך שלחתי אסיריך מבור אין מים בוSelect Zechariah 9:11

12שובו לבצרון אסירי התקוה גם היום מגיד משנה אשיב לךSelect Zechariah 9:12

13כי דרכתי לי יהודה קשת מלאתי אפרים ועוררתי בניך ציון על בניך יון ושמתיך כחרב גבורSelect Zechariah 9:13

14ויהוה עליהם יראה ויצא כברק חצו ואדני יהוה בשופר יתקע והלך בסערות תימןSelect Zechariah 9:14

15יהוה צבאות יגן עליהם ואכלו וכבשו אבני קלע ושתו המו כמו יין ומלאו כמזרק—כזויות מזבחSelect Zechariah 9:15

16והושיעם יהוה אלהיהם ביום ההוא—כצאן עמו כי אבני נזר מתנוססות על אדמתוSelect Zechariah 9:16

17כי מה טובו ומה יפיו—דגן בחורים ותירוש ינובב בתלותSelect Zechariah 9:17