10Deuteronomy 10

1בעת ההוא אמר יהוה אלי פסל לך שני לוחת אבנים כראשנים ועלה אלי ההרה ועשית לך ארון עץSelect Deuteronomy 10:1

2ואכתב על הלחת את הדברים אשר היו על הלחת הראשנים אשר שברת ושמתם בארוןSelect Deuteronomy 10:2

3ואעש ארון עצי שטים ואפסל שני לחת אבנים כראשנים ואעל ההרה ושני הלחת בידיSelect Deuteronomy 10:3

4ויכתב על הלחת כמכתב הראשון את עשרת הדברים אשר דבר יהוה אליכם בהר מתוך האש ביום הקהל ויתנם יהוה אליSelect Deuteronomy 10:4

5ואפן וארד מן ההר ואשם את הלחת בארון אשר עשיתי ויהיו שם כאשר צוני יהוהSelect Deuteronomy 10:5

6ובני ישראל נסעו מבארת בני יעקן—מוסרה שם מת אהרן ויקבר שם ויכהן אלעזר בנו תחתיוSelect Deuteronomy 10:6

7משם נסעו הגדגדה ומן הגדגדה יטבתה ארץ נחלי מיםSelect Deuteronomy 10:7

8בעת ההוא הבדיל יהוה את שבט הלוי לשאת את ארון ברית יהוה—לעמד לפני יהוה לשרתו ולברך בשמו עד היום הזהSelect Deuteronomy 10:8

9על כן לא היה ללוי חלק ונחלה—עם אחיו יהוה הוא נחלתו כאשר דבר יהוה אלהיך לוSelect Deuteronomy 10:9

10ואנכי עמדתי בהר כימים הראשנים—ארבעים יום וארבעים לילה וישמע יהוה אלי גם בפעם ההוא—לא אבה יהוה השחיתךSelect Deuteronomy 10:10

11ויאמר יהוה אלי קום לך למסע לפני העם ויבאו ויירשו את הארץ אשר נשבעתי לאבתם לתת להםSelect Deuteronomy 10:11

12ועתה ישראל—מה יהוה אלהיך שאל מעמך כי אם ליראה את יהוה אלהיך ללכת בכל דרכיו ולאהבה אתו ולעבד את יהוה אלהיך בכל לבבך ובכל נפשךSelect Deuteronomy 10:12

13לשמר את מצות יהוה ואת חקתיו אשר אנכי מצוך היום—לטוב לךSelect Deuteronomy 10:13

14הן ליהוה אלהיך השמים ושמי השמים הארץ וכל אשר בהSelect Deuteronomy 10:14

15רק באבתיך חשק יהוה לאהבה אותם ויבחר בזרעם אחריהם בכם מכל העמים—כיום הזהSelect Deuteronomy 10:15

16ומלתם את ערלת לבבכם וערפכם—לא תקשו עודSelect Deuteronomy 10:16

17כי יהוה אלהיכם—הוא אלהי האלהים ואדני האדנים האל הגדל הגבר והנורא אשר לא ישא פנים ולא יקח שחדSelect Deuteronomy 10:17

18עשה משפט יתום ואלמנה ואהב גר לתת לו לחם ושמלהSelect Deuteronomy 10:18

19ואהבתם את הגר כי גרים הייתם בארץ מצריםSelect Deuteronomy 10:19

20את יהוה אלהיך תירא אתו תעבד ובו תדבק ובשמו תשבעSelect Deuteronomy 10:20

21הוא תהלתך והוא אלהיך—אשר עשה אתך את הגדלת ואת הנוראת האלה אשר ראו עיניךSelect Deuteronomy 10:21

22בשבעים נפש ירדו אבתיך מצרימה ועתה שמך יהוה אלהיך ככוכבי השמים לרבSelect Deuteronomy 10:22